Тыйындар. Архив

Сентябрда айлык акы үчүн бюджеттен 2,1 млрд. сом бөлүндү

41
(жаңыланган 12:59 05.10.2015)
Каржы министрлиги республикалык бюджеттин чыгымынын өсүшүнө мугалимдердин айлык акысы көбөйгөнү себеп экенин белгилейт.

БИШКЕК, 5-окт. — Sputnik. Сентябрь айында айлык акыга бюджеттен 2,1 миллиард сом бөлүнгөнүн Каржы министрлиги билдирди.

Маалыматка ылайык, жалпы чыгым 11 миллиард 682 миллион сом болсо, анын 2 миллиард сомдон ашуун бөлүгү маянага кеткен. Бул август айынын чыгымдарына салыштырмалуу 600 миллион сомго жогору. 

"Чыгымдын көбөйүшү мугалимдердин айлык акысынын жогорулашына байланыштуу", — деп айтылат билдирүүдө.

Мындан тышкары, социалдык камсыздоо боюнча жөлөк пулга 1 миллиард 406 миллион сом бөлүнсө, социалдык жардам иретинде 640,7 миллион сом каралган. Мамлекеттик ишканалардын электр энергиясы үчүн 179,6 миллион сом чыгымдалса, калган каражат корголуу жана коргоосуз беренелерге, ошондой эле мамлекеттик карызды тейлөөгө жумшалган.

41
Белгилер:
жөлөк пул, айлык-акы, бюджет, Каржы министрлиги
Тема боюнча
Кыргызстанда мугалимдердин айлыгы көбөйдү
Бала бакча кызматкерлерине айлык берүүдө мамлекетке 3 млн.сом зыян келтирилген
Уйлар. Архив

Кыргызстанда тышка мал сатууга коюлган чектөө алынды

14
(жаңыланган 17:02 24.06.2021)
Улукбек Марипов жыйында өлкөгө кант, өсүмдүк майы менен эт ташып келгендерди кошумча салыктан бошотуу чечими кабыл алынганын билдирди.

БИШКЕК, 24-июн. — Sputnik. Кыргызстанда бодо мал менен майда жандыктарды экспорттоого чектөө алынганын өкмөт кабарлады.

Министрлер кабинетинин төрагасы Улукбек Марипов өкмөттүн кезексиз жыйынын өткөрүп, анда өлкөнүн азык-түлүк коопсуздугу каралган.

Марипов Айыл чарба министрлиги маалында чара көрсө, азык-түлүк коопсуздугун камсыз кылууда көйгөйлөр жаралмак эместигин айткан. Ошондуктан бир катар чечимдерди кабыл алуу маанилүү болуп жатканын билдирген.

"Евразия экономикалык биримдигинин өлкөлөрүнөн тышкары аймакка кээ бир айыл чарба азыктарын экспорттоого тыюу салынат. Кеп буудай, буудай уну, шекер, күрүч, өсүмдүк майы жана жумуртка тууралуу болуп жатат. Ошондой эле тоютка болгон баанын өсүшү байкалууда. Буга байланыштуу чөптү, аралаш тоютту, жүгөрүнү, арпаны толугу менен тышка сатууга тыюу салынат. Ал эми 8-июлдан тарта Кыргызстанда бодо мал менен майда жандыктарды экспорттоого чектөө алынат", — деп айтылат маалыматта.

Мындан тышкары, үч миң тонна кумшекер жана өсүмдүк майы сатып алынганын билдирген. Ошондой эле өлкөгө кант, өсүмдүк майы менен эт ташып келгендерди кошумча салыктан бошотуу чечими кабыл алынган.

Марипов бюджетке болжол менен 200 миллион сом түшпөй каларын, бирок элди азык-түлүк менен камсыз кылуу үчүн туура чечим кабыл алынганын кошумчалаган.

14
Белгилер:
азык-түлүк, чектөө, чечим, экспорт, мал, Кыргызстан
Тема боюнча
Керимбаев: эми Казакстандан өткөн товарлар мурдагыдай текшерилбейт
Июлда күйүүчү майдын баасы дагы 4-6%га кымбаттаары айтылды
Алтын куймалары. Архив

Өлкөнүн алтын запасы бир айда 16,6 миллиард сомго арзандады

77
(жаңыланган 10:47 24.06.2021)
Эл аралык валюта резерви ондогон валютадан жана алтындан турат. Алар Улуттук банкка сомдун курсун кармап турууга жардам берет.

БИШКЕК, 24-июн. — Sputnik. Май айына карата Кыргызстандын алтын запасы 16 миллиард 644,1 миллион сомго арзандады. Мындай маалымат Улуттук банктын сайтына жайгаштырылган.

Ушул жылдын 1-майында алтындын кору 99 миллиард 33,7 миллион сомго бааланса, июндун башында 82 миллиард 389,6 миллион болуп калган. Эмнеге наркы түшүп кеткени айтылган эмес. Анткен менен дүйнөлүк рынокто майдан июлга чейин алтынга карата баа унциясы үчүн 100 долларга кымбаттаган.

Белгилей кетсек, апрелден майга чейин рекорддук көрсөткүч катталып, запас 22 миллиард сомго кымбаттаган.

Алтын валюта запасы (эл аралык валюта резерви) Улуттук банктын сомдун курсун туруктуу көзөмөлдөп туруусуна мүмкүнчүлүк берет. Ал ондогон валюталардан турат, алар: CDR (Атайын карыз алуу укугу – Эл аралык валюта фондунун (ЭВФ) жасалма резерв жана төлөө каражаттары) жана алтын.

77
Белгилер:
арзандоо, запас, валюта, алтын, Улуттук банк
Тема боюнча
Эмдиги жылы Кыргызстанда 8 миң даана коллекциялык монета чыгарылат
Рекорддук чек: АКШдагы инфляция дүйнөлүк экономикага кооптуу экени айтылды
Медициналык кызматкер вакцина менен. Архив

Бишкекте дагы эки эмдөө пункту ачылды, 60тан өткөндөр "Спутник V" алса болот

0
"Спутник V" вакцинасын 60 жаштан жогорку курактагылар жана өнөкөт оорусу барлар (дарыгердин багыттамасы болсо) ала алышат.

БИШКЕК, 24-июн. — Sputnik. Бишкек шаарында дагы эки эмдөө пункту ачылды. Каалоочулар ал жерден "Спутник V" вакцинасын ала алышат. Бул тууралуу мэриядан билдирди.

Пунктулар Ленин райондук (64 45 57, 0505 111 330) жана Свердлов райондук (63 51 22; 0505 286 670) бириктирилген үй-бүлөлүк борборлорунда жайгашкан.

Учурда Бишкекте 24 убактылуу эмдөө пункту иштеп жатат. Дареги:

  • Октябрь райондук бириктирилген үй-бүлөлүк медицина борбору — 57-09-15, 0 (703) 29-37-93;
  • Биринчи май райондук бириктирилген үй-бүлөлүк медицина борбору — 32-55-71, 0 (550) 70-10-02;
  • Биринчи май райондук бириктирилген үй-бүлөлүк медицина борборунун №7 үй-бүлөлүк борбору — 62 09 62;
  • Свердлов райондук бириктирилген үй-бүлөлүк медицина борборунун №8 үй-бүлөлүк борбору — 43 39 03; 0551 117 744.

Белгилей кетсек, "Спутник V" вакцинасын 60 жаштан жогорку курактагылар жана өнөкөт оорусу барлар (дарыгердин багыттамасы болсо) ала алышат.

Кытайлык Sinopharm препаратынын экинчи дозасын саюу дагы уланууда (№4, 9, 14, 15, 16, 17, 19 үй-бүлөлүк медицина борборлору).

0
Белгилер:
үй-бүлөлүк медицина борбору, вакцина, коронавирус, Бишкек
Тема:
Коронавируска каршы эмдөө
Тема боюнча
COVID: эмделер алдында антителого тест тапшыруунун зарылдыгы барбы
Казак өкмөтү: Кыргызстанга вакцина берүү пландалган эмес