Кыргызстан бизнес жүргүзүүгө ыңгайлуулугу боюнча 67-орунду ээледи

Жазылуу
Doing Business сайты жарыялаган рейтинг дүйнөнүн 189 мамлекетин камтыган. Анда ишкердүүлүк үчүн түзүлгөн шарттар, ишкананы, менчикти каттоо, эл аралык соода, насыя алуу багыттары боюнча көрсөткүчтөр пайдаланылган.

БИШКЕК, 28-окт. — Sputnik. Бизнес үчүн ыңгайлуу шарт түзүү боюнча рейтингде Кыргызстан 189 мамлекеттин ичинен 67-орунду ээлегенин Doing Business сайты жарыялады.

Маалыматка ылайык, мында ишкердүүлүк үчүн жагымдуу өлкөнүн үчилтигине Сингапур, Жаңы Зеландия жана Дания мамлекеттери кирген. Ал эми эң арткы катарда Түштүк Судан, Ливия жана Эритрея жайгашкан. Бул категорияда Казакстан 41-орунда турса, Россия 51-катарды ээлеген.

Ал эми жаңы ачыла турган ишканаларды каттоо боюнча Кыргызстан 35-орунду камсыздаган. Мында катталууга эң оңой мамлекеттер болуп Жаңы Зеландия, Македония жана Канада саналса, ишканаларды каттоо маселеси Гаити, Борбор Африка Республикасы жана Гвинеяда абдан татаал. Бул тизмеде Казакстан 21-болуп турса, Россия 41-орунда жайгашкан.

Тыйындар жана көз айнек. Архив - Sputnik Кыргызстан
Кыргызстан бюджеттин ачык-айкындыгы боюнча Казакстан менен Түркияны артка калтырды
Кыргызстанда менчикти каттоо боюнча 6-орунду ээлеп, бул жаатта шарт-талап абдан жеңил экенин анык болгон. Аталган категорияда алдыңкы саптарда Жаңы Зеландия, Литва жана Грузия мамлекеттери турат. Казакстан бул багытта 19-орунду камсыздаса, Россия 8-катарга чыккан.

Насыя алуунун жеңил-желпилиги боюнча Кыргызстан 28-орунда, ал эми эл аралык соода боюнча 83-орунда турат. Мында алдыңкы катарды Жаңы Зеландия, АКШ, Люксембург, Колумбия, Дания мамлекеттери ээлеген. 

Рейтинг 2015-жылдын июнь айына карата түзүлгөн.

Жаңылыктар түрмөгү
0