Ирандын желеги. Архив

ТИМ: санкциялардын жоюлушу кыргыз-иран мамилелерин жандантат

21
(жаңыланган 14:15 19.01.2016)
Кыргызстандын тышкы иштер министринин орун басары Динара Кемелова Иран элчиси менен жолугуп, кыргыз-иран кызматташуусу жана буга чейинки келишимдердин аткарылышын талкуулашты.

БИШКЕК, 19-янв. — Sputnik. Иранга каршы санкциялардын жоюлушу кыргыз-иран мамилелерин жигердештире турганын Тышкы иштер министрлиги билдирди.

Тышкы иштер министринин орун басары Динара Кемелова Ирандын Кыргызстандагы элчиси Наджафи Али Хошруди менен жолугуп, иран тарапты өзөктүк программа боюнча кырдаалдын жөнгө салынышынан улам санкциялардын алынышы менен куттуктады. 

"Кемелова санкциялардын жоюлушу кыргыз-иран экономикалык жана финансылык мамилелерди жигердештирүү үчүн жакшы негиз болуп бере турганын айтты", — деп айтылат билдирүүдө.

Тараптар саясий, социалдык-экономикалык жана маданий-гуманитардык жааттагы кыргыз-иран мамилелеринин өнүгүшүн талкуулашты. Мындан тышкары, өткөн жылдын сентябрь айында президент Алмазбек Атамбаевдин аталган өлкөгө расмий иш сапарында жетишилген макулдашуулардын ишке ашырылышына өзгөчө басым жасалды.

Иран Ислам республикасынан дүйнө коомчулугу тарабынан киргизилген санкциялар алынды. МАГАТЭ Иран өлкө үчүн түзүлгөн өзөктүк потенциалды төмөндөтүү программасын ишке ашырууга даяр экенин билдирди.

Муну менен бирге санкциялардын алынышын Европа жана Америка расмий тастыктады. Ага ылайык, Иран 20 жылдан берки чектөөдөн чыгып, дүйнө коомчулугунун жашоосуна активдүү катыша алат. 

21
Белгилер:
өзөктүк программа, өзөк, санкциялар, ТИМ, Кыргызстан, Иран
Тема боюнча
Иранда биринчи жолу мусулман биримдигинин эл аралык кинофестивалы өтөт
Түркия Иран менен Сауд Аравиясын ынтымакка чакырды
Бишкек шаары. Архивдик сүрөт

Казакбаев бюджетти колдоо боюнча РФ президентинин өкүлү Козак менен сүйлөштү

3
Эске салсак, тышкы иштер министри Руслан Казакбаев 22-24-октябрь күндөрү Россия Федерациясына иш сапары менен барган.

БИШКЕК, 24-окт. — Sputnik. Тышкы иштер министри Руслан Казакбаев РИА Новости агенттигине берген маегинде Россиянын президенттик администрациясынын жетекчисинин орун басары Дмитрий Козак менен көп маселелерди талкуулаганын, анын ичинде Кыргызстандын бюджетине колдоо катары финансылык жардам тууралуу дагы сөз болгонун айтты.

"Дмитрий Николаевич Козак жана анын кесиптештери менен жолуктук. Россия тарап Кыргызстанда парламенттик шайлоодон кийин түзүлгөн абалды турукташтырууда маанилүү роль ойноду", — деди Казакбаев.

Садыр Жапаровдун биринчи кайсы өлкөгө иш сапар менен барары айтылды

Ошондой эле жолугушууда Россия тараптан кыргыз экономикасына көрсөтүлчү колдоолор тууралуу сөз болду.

"Биздин өкмөттүн иши, алдыда келе жаткан саясий иш-чаралар тууралуу кеп кылдык. Анан, албетте, азыркыдай катаал убакта Россия тараптан Кыргызстандын бюджетин колдоо иретинде берген жардам тууралуу сүйлөштүк", — деди ТИМ башчысы.

Эске салсак, тышкы иштер министри Руслан Казакбаев 22-24-октябрь күндөрү Россия Федерациясына иш сапары менен барган.

3
Белгилер:
жардам, каражат, экономика, Руслан Казакбаев, Кыргызстан, Россия
Тема боюнча
Лавров Кыргызстанга финансылык колдоо көрсөтүү боюнча суроого жооп берди
Россиянын тышкы иштер министри Сергей Лавров. Архив

Лавров Кыргызстанга финансылык колдоо көрсөтүү боюнча суроого жооп берди

537
(жаңыланган 19:40 23.10.2020)
Лавров кыргыз кесиптеши менен болгон жолугушуусунда мурдагы өкмөт менен жетишилген келишимдер боюнча дагы сөз болгонун билдирди.

БИШКЕК, 23-окт. — Sputnik. Россиянын тышкы иштер министри Сергей Лавров журналисттердин Кыргызстанга финансылык колдоо көрсөтүү боюнча суроосуна жооп берди.

Буга чейин 5-6-октябрдагы окуялардан улам Россия Кыргызстанга каржылык колдоо көрсөтүүнү токтоткону кабарланган. Бүгүн Москвада эки өлкөнүн ТИМ башчылары Руслан Казакбаев менен Сергей Лавровдун жолугушуусу болду.

Сүйлөшүүлөрдүн соңунда Лавровго Кыргызстанга каржылык колдоо көрсөтүү качан жанданары тууралуу суроо узатылды. Ошондой эле Евразия фонду тарабынан берилчү 100 миллион долларлык кредит тууралуу да кеп козголду.

"Жеңилдетилген насыя бөлүп берүү чечими бар, аны эч ким жокко чыгарган эмес. Бирок аны кайсы убакта бөлүү маселесин ошол фонд менен сүйлөшүү керек", — деди ал.

Лавров кыргыз кесиптеши менен болгон жолугушуусунда мурдагы өкмөт менен жетишилген келишимдер боюнча дагы сөз болгонун кошумчалады.

537
Белгилер:
кредит, ТИМ, Россия, Кыргызстан
Тема боюнча
Руслан Казакбаев Москвада ЖККУнун башкы катчысы менен жолукту
Кыргызстан менен Россиянын ТИМ башчыларынын жыйыны. Видео
Сергей Лавров Кыргызстандагы кырдаалга баасын берди