Кумтөр алтын кени. Архив

Centerra делегациясы "Кумтөр" боюнча сүйлөшүүлөр үчүн Кыргызстанга келди

48
(жаңыланган 19:20 19.01.2016)
Өкмөт декабрь айынын соңунда Centerra Gold Inc.компаниясы менен реструктуризациялоо боюнча сүйлөшүүдөн чыгарын билдирген.

БИШКЕК, 19-янв. — Sputnik. Centerra делегациясы "Кумтөр" боюнча сүйлөшүүлөр үчүн Кыргызстанга келди. Сүйлөшүүлөр шейшемби күнкүгө белгиленгенин өкмөттүн маалымат кызматы билдирди.

Кыргыз өкмөтү декабрь айынын соңунда Centerra Gold Inc.компаниясы менен реструктуризациялоо боюнча сүйлөшүүдөн чыгарын кабарлаган.

Centerra Gold Inc. "Кумтөр" алтын кенинин 100 пайыздык акциясынын ээси болуп саналат. 2009-жылдагы келишим боюнча Центерранын 33 пайыздык акциясы Кыргызстанга таандык. Компания Кыргызстанда жана Монголияда жайгашкан эки алтын кенге ээлик кылат.

Жогорку Кенештин токтомуна ылайык, өкмөткө 2014-жылы "Кумтөр" боюнча пайдалуу долбоор түзүп чыгуу тапшырмасы берилген.

Ага чейин парламент өкмөттүн "Кумтөрдү" улутташтыруу сунушунан баш тартып, 1-октябрга чейин кайрадан карап чыгуусун милдеттендирген эле.

Сентябрда премьер-министр Темир Сариев меселени чечүүдө буга чейинки макулдашуулардын негизинде тең үлүштүү биргелешкен ишкана ачуу жана республиканын кызыкчылыгын коргоо үчүн компаниянын башкаруу системасын чыңдоо сыяктуу эки жол бар экенин айткан. 

Жакында өкмөт парламентке мөңгүлөрдүн жанында кен казуу иштерин жүргүзүүгө байланышкан Суу кодекси боюнча сунуш киргизген. Бирок аз өтпөй киргизилген сунушту карабай турууну өтүнүп, бул аракетти өкмөт акыр аягына чейин позициясын аныктай электиги менен түшүндүргөн.

48
Белгилер:
алтын кени, алтын, Centerra Gold Inc, Кыргызстан
Тема:
"Кумтөр": Кыргыз өкмөтү менен Centerra Gold Inc. ортосундагы биргелешкен ишкана (71)
Тема боюнча
Жаңы жылдан тартып "Кумтөрдүн" иши токтоп калышы мүмкүн

Кыргызстандыктар жактырып айдаган унаалардын баасы. Инфографика

233
Sputnik Кыргызстан агенттиги даярдаган инфографикада өтүмдүү делген 15 автоунаанын баасы берилди.

Кыргызстандыктар арасында эң популярдуу унаалардын тизмеси:

  • Toyota Camry;
  • Daewoo Nexia;
  • Honda Fit;
  • Honda CR-V;
  • Mercedes-Benz E-класса;
  • Daewoo Matiz;
  • BMW, 5-серия;
  • Volkswagen Passat;
  • Honda Accord;
  • Honda Odyssey;
  • Lexus GX;
  • Hyundai Sonata;
  • Lada 2107;
  • Toyota Prius;
  • Toyota RAV4.

Баа мониторинги 20-ноябрда autobaza.kg, cars.kg жана mashina.kg сайттарына жарыяланган маалыматка таянып жасалды. Машиналардын баасы доллар менен көрсөтүлгөн (27-ноябрга карата доллардын баасын Улуттук банк 84,7 сом деп бекиткен).

233
Белгилер:
баа, унаа, популярдуулук, Кыргызстан
Тема боюнча
Кыргызстанга жалпы эреже менен машина алып кирүү канча турат. Калькулятор
Көз айнек жана сом купюралары. Архив

Ысык-Көл облустук өнүктүрүү фонду мамлекетке 13 млн. сом зыян келтиргени аныкталды

85
(жаңыланган 13:16 02.12.2020)
Башкы прокуратуранын маалыматына караганда, Ысык-Көл облустук өнүктүрүү фондунун башкаруу дирекциясы мыйзамсыз аракеттерди жасаган.

БИШКЕК, 2-дек. — Sputnik. Ысык-Көл облустук өнүктүрүү фондунун башкаруу дирекциясы мамлекетке 13 миллион сомдон ашуун зыян келтирген. Бул тууралуу Башкы прокуратурадан кабарлашты.

Ысык-Көл облустук прокуратурасы социалдык объектилерди курууга сарпталган акчанын максаттуу пайдаланылышы боюнча текшерүү жүргүзгөн.

Мааламатка караганда, аталган дирекция 2016-2019-жылдары З.С. аттуу жоопкерчилиги чектелген коому менен Жети-Өгүз районунун Светлая Поляна айылына спорт зал куруу үчүн келишим түзгөн. 2019-жылдын 4-мартында спорт зал пайдаланууга берилген.

"Бирок дирекциянын өкүлдөрү пайда көрүү үчүн кызматтык абалын кыянаттык менен пайдаланып З.С. ЖЧКсынын кызматкерлери менен сүйлөшүп алып айрым иштерди жогорулатылган баада жасаткан. Ошондой эле аткарылбаган иштер дагы сметага кирип калган. Анын кесепетинен мамлекетке 4 миллион 324 миң 200 сом зыян келтирилген", — деп айтылат маалыматта.

Ошондой эле 2014-2018-жылдар аралыгында Тоң районунун Тоң айылында бала бакча куруу үчүн дирекция менен жогоруда аталган ЖЧКнын ортосунда келишим түзүлүп, курулушу бүткөрүлдү делген бала бакча 2018-жылдын 29-майында пайдаланууга берилген.

"Мында дагы тараптар сүйлөшүп алып мамлекетти 4 миллион 378 миң 100 сом зыянга учураткан", — дешти Башкы прокуратурадан.

Мындан тышкары, 2015-2018-жылдар аралыгында Балыкчы шаарында бала бакча курууда дирекциянын кызмат адамдары менен ТИП коомунун кызматкерлеринин ушундай эле кылмыштуу аракеттеринен улам мамлекетке 4 миллион 338 миң 700 сом зыян келтирилгени айтылды.

Мамлекетке жалпы жонунан 13 миллион 041 миң сом өлчөмүндө зыян келтирилген.

Белгиленген фактылар Ыссык-Көл облустук прокуратурасы тарабынан Жазык кодексинин 320-беренеси ("Кызмат абалынан кыянаттык менен пайдалануу") менен КЖБРге катталып, сотко чейинки өндүрүш иши башталды.

85
Белгилер:
бюджет, коррупция, фонд, өнүктүрүү, Ысык-Көл облусу
Тема боюнча
Прокуратура 10 млн. сомдук жер тилкени мамлекетке кайтарды
Прокуратура: Бишкекте иштебеген мугалимдерге айлык төлөнгөн факты аныкталды
Экс-премьер-министр Кубатбек Боронов. Архив

Кубатбек Боронов коронавируска кабылып, жандандыруу бөлүмүнө түштү

0
(жаңыланган 12:39 03.12.2020)
Маалыматка караганда, ал Республикалык жугуштуу илдеттер ооруканасында дарыланууда. Бейтап коронавируска кабылып, илдети өрчүп кетип невмонияга айланганы айтылып жатат.

БИШКЕК, 3-дек. — Sputnik. Экс-премьер-министр Кубатбек Боронов коронавирус илдетине чалдыгып, жандандыруу бөлүмүнө түштү. Бул тууралуу ишенимдүү маалымат булагы билдирди.

Ага караганда, ал Республикалык жугуштуу илдеттер ооруканасында дарыланууда. Коронавирус илдети өрчүп кетип, пневмонияга айланганы айтылып жатат.

Ошондой эле ал жандандыруу бөлүмүндө, бирок абалы канааттандырарлык экени кошумчаланды.

0
Белгилер:
ден соолук, оорукана, пневмония, коронавирус, Кубатбек Боронов
Тема:
Кыргызстандагы коронавирус жуктуруп алгандар
Тема боюнча
Коронавирус дагы 420 кишиден табылып, 400 бейтап айыкты