Портфель. Архив

"Центерранын" директорлор кеңешине Кыргызстан тараптан үч талапкер сунушталууда

39
(жаңыланган 17:08 26.02.2016)
Учурда Centerra Gold Inc. компаниясынын директорлор кеңешинде "Кыргызалтындын" атынан Кылычбек Шакиров бар.

БИШКЕК, 26-фев. — Sputnik. "Кыргызалтын" Centerra Gold Inc. компаниясынын директорлор кеңешине үч талапкерди сунуштап жатат. Алар конкурстук негизде эки этап менен тандап алынганын "Кыргызалтын" ААКтан билдиришти.

Конкурстун жыйынтыгы боюнча Эдуард Кубатов, Нурлан Кыштобаев жана Бектур Сагыновдун талапкерлиги Centerra Gold Inc. компаниясынын директорлор кеңешинин мүчөлүгүнө сунушталды.

Маалыматка ылайык, талапкерлерден документтерди кабыл алуу 2016-жылдын 23-январында башталып, 2-февралда аяктаган. Тандоо эки этап менен жүрүп, жалпысынан 43 арыз келип түшкөн. 

Талапкерлерди ведомстволор аралык комиссия тандаган. Алардын финансы, экономика жана тоо кен тармагында иштеген ишканалар жана англис тилин билүүсү боюнча билими текшерилген.

Аталган талапкерлер кандалык компаниянын кароосуна жөнөтүлдү. Компаниянын ички процедурасынан кийин талапкерлер Centerra Gold Inc. компаниясынын акционерлеринин апрель айында болчу чогулушунда директорлор кеңешинин курамына кабыл алуусу каралат.

Буга чейин Centerra Gold Inc. компаниясынын директорлор кеңешиндеги "Кыргызалтындын" атынан мүчө болгон Калыйнур Садыров менен Эмил Орозбаев өз ыйгарым укуктарын мөөнөтүнөн мурда токтотуу жөнүндө арыз жазышкан. Алардын дарегине өз милдеттерин так аткарбай кыргыз тараптын таламын талашкан эмес деген сөздөр айтылган. Учурда Centerra Gold Inc. компаниясынын директорлор кеңешинде "Кыргызалтындын" атынан Кылычбек Шакиров мүчө.

39
Белгилер:
мүчө, Кыргызалтын, Centerra Gold Inc
Тема:
"Кумтөр": Кыргыз өкмөтү менен Centerra Gold Inc. ортосундагы биргелешкен ишкана (71)
Тема боюнча
Кумтөрдүн иши мыйзам чегинде көзөмөлгө алынат
Сариев Кумтөр боюнча кеңешме өткөрдү
Доллар акчасына тартылган Жордж Вашингтонго кийилген бет кап. Архивдик сүрөт

Кыргызстан чет өлкөлүк донорлордон дагы 429 млн. доллар күтүп жатат

54
Кыргыз өкмөтү пандемия башталгандан бери чет элдик банктардан 774 миллион 432,8 миң доллар алууга макулдашкан.

БИШКЕК, 5-дек. — Sputnik. Кыргызстан жакынкы күндөрү чет өлкөлүк донорлордон 429 миллион 704,6 миң доллар алууну пландап жатат. Бул тууралуу өкмөттүн COVID-19га каршы күрөшүү максатында тартылган каражаттар тууралуу 4-декабрга карата берген маалыматында жазылган

Кыргыз өкмөтү пандемия башталгандан бери чет элдик банктардан 774 миллион 432,8 миң доллар алууга макулдашкан. Анын ичинен 597,4 миллиону кредит, 173,5 миллиону грант түрүндө берилмекчи.

Бүгүнкү күндө аталган сумманын 345 миллион 142,7 миң доллары өлкөгө келип түшкөн. Калган 429,7 миллион доллары жакынкы күндөрү которулары күтүлүп жатат.

54
Белгилер:
донор, грант, кредит, жардам, Кыргызстан, коронавирус
Тема:
Коронавируска байланыштуу Кыргызстандагы кырдаал
Тема боюнча
Депутат: өкмөт алынган карызды иштетпей коюп 100 млн. сом айыпка жыгылды
Новиков Кыргызстан чет жактан канча карыз алып, кайда жумшаганын айтты
Кыргызстандын экономика министри Санжар Мукамбетов. Архив

Мукамбетов: Кытай Кыргызстан Өзбекстан темир жолу ЕАЭБде жаңы рынокторду ачат

60
(жаңыланган 10:19 05.12.2020)
Министр темир жолду куруу иштерине кызыкдар мамлекеттер гана эмес, ЕАЭБдин структуралары, анын ичинде банк жана башка өнүктүрүү институттары да катышуусу керек деп эсептейт.

БИШКЕК, 5-дек. — Sputnik. Кытай — Кыргызстан — Өзбекстан темир жолу ЕАЭБде жаңы рынокторду ачат. Бул тууралуу Кыргызстандын экономика министри Санжар Мукамбетов билдирди.

4-декабрда Евразия өнүктүрүү банкы тарабынан уюштурулган биринчи Евразия конгресси өттү.

Форумдун алкагында министр Sputnik Кыргызстан агенттигине Кыргызстандын ЕАЭБдеги артыкчылыктарын айтып берди.

"Биз ЕАЭБдин түштүк чек арасында жайгашканбыз. Кыргызстан аркылуу Кытай, Индия жана Пакистанга жол ачылат. Тилекке каршы, бул ири рыноктор Кыргызстан тарабынан колдонулбай жатат. Кытай — Кыргызстан — Өзбекстан темир жолу курулса ЕАЭБге көп пайда алып келмек", — деди Мукамбетов.

Анын айтымында, бул ири долбоор көп жылдардан бери ишке ашпай келе жатат.

"Кыймыл бар. Жолдун узундугу, казылуучу тоннелдердин саны, калктуу конуштарды аралап өтүүчү участоктор талкууланып жатат. Бирок бул маселеде саясий чечим талап кылынат. Ошондой эле бул долбоорго кызыкдар мамлекеттер гана эмес, ЕАЭБдин структуралары, анын ичинде банк жана башка өнүктүрүү институттары да катышуусу керек", — деди министр.

Кытай менен байланыштыра турган аталган темир жол долбоору 20 жылга чукул убакыттан бери талкууланып келе жатат. Маршруттун бир нече варианттары каралган. Алардын ичинен Кытайдан Кыргызстан, Өзбекстан аркылуу Түркмөнстанга өтүп, андан ары Иранга чыгуу да пландалган.

60
Белгилер:
министр, Өзбекстан, Кытай, Кыргызстан, темир жол, Евразиялык экономикалык биримдик
Тема:
ЕАЭБдеги Кыргызстан
Тема боюнча
Жээнбеков: Кытай — Кыргызстан — Өзбекстан темир жолун курууга Россия да кызыкдар
Кытай — Кыргызстан — Өзбекстан темир жолу: кандай сүйлөшүүлөр болуп жатат
Томографиядан бейтапты өткөргөн медиктер. Архивдик сүрөт

Коронавирус жуктуруп алгандар жана айыккандар. Соңку маалымат

0
(жаңыланган 11:35 05.12.2020)
Бүгүнкү статистикада илдетти илештирип алгандардын саны ооруканадан айыгып чыккандарга караганда аз.

БИШКЕК, 5-дек. — Sputnik. Кечээтен бери Кыргызстанда 401 адам коронавирус жуктуруп алса, дарыланып жаткан 425 адам айыгып чыкты. Бул тууралуу Республикалык штаб кабарлады.

Оору жуктургандар төмөнкү аймакта:

  • Бишкек - 99;
  • Ош - 20;
  • Чүй облусу – 133;
  • Ош облусу - 22;
  • Талас облусу - 15;
  • Нарын облусу - 2;
  • Ысык-Көл облусу – 45;
  • Жалал-Абад облусу – 39;
  • Баткен облусу - 26.

Айыккандар:

  • Бишкек – 124;
  • Ош шаары – 10;
  • Чүй облусу – 102;
  • Ош облусу – 11;
  • Талас облусу – 16;
  • Нарын облусу – 9;
  • Ысык-Көл облусу – 40;
  • Жалал-Абад облусу – 60;
  • Баткен облусу – 53.

Ушуну менен пандемия башталгандан тарта оору илештирип алгандардын саны 74 774 болду. Анын 66 538и айыгып чыкты.

0
Белгилер:
айыгуу, жуктуруу, оорукана, бейтап, Кыргызстан, коронавирус
Тема:
Кыргызстандагы коронавирус жуктуруп алгандар
Тема боюнча
ЖАМК: абактагы 100дөй адам коронавирус жуктуруп алган, каза болгондору да бар