Кыргызстан "Кумтөрдү" эсепке албаганда 3-4 тонна алтын өндүрүүгө белсенет

© Sputnik / Игорь Агеенко / Медиабанкка өтүүАлтын. Архив
Алтын. Архив - Sputnik Кыргызстан
Жазылуу
Быйыл бир катар кенде баалуу металл казуу иштери башталат. Өкмөт эл аралык рынокто алтынга болгон баа жогорулайт деп ишенет.

БИШКЕК, 26-фев. — Sputnik. Кыргызстанда быйыл "Кумтөр" кенинин ишин эске албаганда 3-4 тонна алтын казуу пландаштырылып жатканын Мамлекеттик геология жана минералдык ресурстар боюнча агенттиктин жетекчиси Дүйшөнбек Зилалиев өкмөттүн жыйынында билдирди.

Анын айтымында, былтыр бир катар металлга болгон баа арзандап, бирок алтындын наркы бир унцияга 1100 доллар чегинде өзгөрбөстөн калган. Быйылкы жылга карата анын баасы 1300 долларга чейин өсөт деген божомолдор алтын өндүрүшүн жандантууга шарт түзөт.

"Быйыл "Кумтөрдү" эсепке албаганда 3-4 тонна алтын казуу ниетибиз бар. Бул алтын өндүрүүдөгү көз карандысыздыкка алып келет", — деди Зилалиев.

Агенттиктин жетекчиси апрелде Иштамберди кенинде 750, Бозумчакта 1250 килограмм баалуу металл жана беш килограмм жез казыларын белгиледи. Мындан тышкары, Талды-Булак Сол жээк кенинде да толук кандуу иш башталмакчы.

Мекеме кендерди иштетүү боюнча бир катар аукцион жана сынактарды өткөрүүнү пландаштырууда.

Жаңылыктар түрмөгү
0