Дарыя. Архив

КРдеги дарыяларга кубаттулугу 180 мегаватт-саатка жеткен 87 кичи ГЭС курууга болот

214
(жаңыланган 17:52 09.03.2016)
Өкмөт башчысы Темир Сариев кичи ГЭСтер электр энергиясын өндүрүүнүн эң үнөмдүү жана экологиялык жактан коопсуз булагы экенин баса белгиледи.

БИШКЕК, 9-мар. — Sputnik. Адистердин баалоосунда, Кыргызстандын майда дайраларында жылына 5-8 миллиард киловатт саатка чейин электр энергиясын өндүрүп чыгуу мүмкүндүгү бар. Ал эми учурда 3 пайыздан ашпаган энергия өндүрүлүүдө. Бул тууралуу кичи гидроэлектр станцияларын куруу боюнча иштиктүү кеңешмеде Инвестицияларды алга жылдыруу агенттигинин директору Алмаз Сазбаков айтканын өкмөттүн маалымат кызматы билдирди.

Бул жыйынга өкмөт башчы Темир Сариев да катышкан. Ал кичи ГЭСтердин инвестициялык долбоорлору бир катар маанилүү артыкчылыкка ээ экенин айтып, анын курулушу кыска мөөнөттө ишке аша турганын баса белгиледи. 

"Кичи энергетиканын артыкчылыктарына электр энергиясынын төмөнкү өздүк наркын жана эксплуатациялык чыгымдарын жана ГЭСтердин узак мөөнөттүү кызмат аткаруусун мисал келтирүүгө болот", — деди ал.

Сазбаковдун маалыматы боюнча, учурда кубаттуулугу 42 МВт келген 12 кичи ГЭС иш алып барып, жылына орточо алганда 140,5 млн киловатт-саат кубаттуулук өндүрүүдө.

Ал эми жалпысынан өлкөнүн бардык дарыяларына кубаттуулугу 180 мегаватт-саатка жеткен 87 кичи ГЭС курууга мүмкүндүк бар. Учурда чет элдик инвесторлордон наркы 65 миллион доллар турган 81 МВт кубаттуулуктагы 6 кичи ГЭС куруу сунушу түшкөн. 

"Андан сырткары кичи энергетика жаатында жалпы наркы 107 миллион долларлык 10 келечектүү долбоор инвесторлор тараптан каралууда. Кичи ГЭСтерди куруу боюнча долбоорлорду ишке ашыруу үчүн 2017-жылга дейре Кичи гидроэнергетиканы өнүктүрүү концепциясы иштелип чыккан", — деди Сазбаков.

Адистердин баалоосунда, Кыргызстандын майда дайраларында жылына 5-8 миллиард киловатт-саатка дейре электр энергиясын өндүрүп чыгуу мүмкүндүгү бар, ал эми азыркы учурда 3 пайыздан ашпаган энергия өндүрүлүп жатканын ал кошумчалады.

Белгилей кетсек, Токтогул ГЭСинин кубаттуулугу 1200 МВт саатты түзөт. Ал эми реконструкциялоо иштери аяктагандан кийин анын кубаттуулугу 1440 МВт саатка чейин жетерин Энергетика жана өнөр жай министрлиги билдирүүдө.

214
Белгилер:
гидростанция, электр энергиясы, инвестициялар, Темир Сариев
Тема боюнча
Камбар-Ата-1 ГЭС долбоору боюнча Россия Кыргызстанды айыптап кат жөнөткөн эмес
Жогорку Нарын ГЭСинин курулушунда кызмат көрсөтүү үчүн тандалган эки компания из жашырып кеткен
Депутаттар Жогорку Кеңештин жыйынында. Архив

Парламент 2021-жылдын Республикалык бюджетин биринчи окуудан колдоду

74
(жаңыланган 18:25 25.11.2020)
Бюджеттин көлөмү чет өлкөдөн алына турган гранттарды кошуп эсептегенде 163 миллиард сом болору пландалууда.

БИШКЕК, 25-ноя. — Sputnik. Жогорку Кеңештин депутаттары 2021-жылга карата Республикалык бюджеттин долбоорун биринчи окууда жактырды.

Кийинки жылга карата бюджеттин долбоору менен премьер-министрдин милдетин аткаруучу Артем Новиков тааныштырды. Эл өкүлдөрү сунуштарын берип, алымча-кошумчаларды эске алуу менен биринчи окуудан колдоп беришти.

Республикалык бюджеттин көлөмү чет өлкөдөн алына турган гранттарды кошуп эсептегенде 163 миллиард сом болору пландалууда. Бул 2020-жылдын биринчи кабыл алынган бюджетине салыштырмалуу 610 миллион сомго аз. Ал эми кайра өзгөртүлгөндөн кийинки бюджет боюнча 25,9 миллиард сомго көбөйөт.

Чыгаша бөлүгүн 170,1 миллиард сом менен бекитүү сунушталууда. Муну менен бюджеттин тартыштыгы 7,1 миллиард сомду түзөт.

Белгилей кетсек, 2020-жылдын бюджети алгачкы ирет кабыл алынганда кирешеси 163 миллиард 610 миллион сом, чыгашасы 171 миллиард 563 миллион сомду түзгөн. Дефицит 7 миллиард 953 миллион сом деп белгиленген. Бирок коронавирустун жана өлкөдөгү саясий башаламандыктын кесепетинен улам эки ирет өзгөртүлдү.

74
Белгилер:
дефицит, кароо, Парламент, бюджет
Тема боюнча
Алдыдагы эки шайлоого 853 млн. сом керек. Акча кайдан табылары белгисиз
Депутат: өкмөт алынган карызды иштетпей коюп 100 млн. сом айыпка жыгылды
Кыргызстандын жана Кытайдын желектери. Архив

Кытай карыз төлөө мөөнөтүн узартууга макул болуп, кошумча 3 млрд. сом сурады

535
(жаңыланган 18:08 25.11.2020)
Депутаттар насыя төлөө мөөнөтү кандай шарт менен узартылып жатканын, анын ичинде Кытайдын позициясына кызыкты.

БИШКЕК, 25-ноя. — Sputnik. Кытай Кыргызстандын карызын төлөө мөөнөтүн төрт жылга чейин жылдырууга даяр. Бул туурасында премьер-министрдин милдетин аткаруучу Артем Новиков парламентте 2021-жылдын бюджети каралып жатканда билдирди.

Депутаттар насыя төлөө мөөнөтү кандай шарт менен узартылып жатканын, анын ичинде Кытайдын позициясы кандай экенине кызыкты.

"Сүйлөшүүлөр жүрүп жатат. Кытай тараптан карызды транштар боюнча топ-топко бөлүп төлөөнү төрт жылга жылдыруу сунушталды. Бирок бул аралыкта эки пайыздан үстөк кошулуп турат. Муну эсептей келгенде кийин кошумча дагы 2,9 миллиард сом төлөөгө туура келет", — деди Новиков.

Финансы министрлиги 30-сентябрга карата Кыргызстандын тышкы карызы 4 миллиард 171 миллион доллар экенин билдирди. Ал эми жыл башынан бери 9 миллиард 991 миллион 400 миң сом төлөнгөн. Анын ичинен 7 миллиард 446 миллион 400 миңи — негизги сумма, калганы пайыздары. Бул сумма республикалык бюджеттин чыгаша бөлүгүнүн 8,4 пайызын түзөт.

Ал эми кийинки жылга карата тышкы карызды тейлөө боюнча божомолду дагы айтышты. Анда төлөмдөр 19 миллиард 998 миллион 500 миң сом деп каралууда. Негизги суммасы — 14 миллиард 997 миллион 900 миң сом, пайызы — 5 миллиард 700 миң сом.

Финансисттер тышкы карызды төлөөнүн жогорку чеги 2025-2031-жылдарга туш келерин белгилеп келишет. Ал учурда жыл сайын 400 миллион доллар которуп туруу шарт.

535
Белгилер:
шарт, жеңилдик, төлөө, Кытай, насыя
Тема боюнча
Новиков КЭР элчиси менен "Торугарт" жана "Эркечтамдын" ишин жандантууну кеп кылды
Министр Казакбаев КРдеги кытайлык ишкерлер менен жолукту. Эмне талкууланды
Новиков Кыргызстан чет жактан канча карыз алып, кайда жумшаганын айтты
UFC чемпиону Хабиб Нурмагомедов. Архив

Көк бөрү көрөбүз! Хабиб машыктыруучусу менен Кыргызстанга келет

98
(жаңыланган 01:19 26.11.2020)
Нурмагомедов Кыргызстанга 2018-жылы келген. Анда ал өлкөдө ушунчалык атактуу экенине таң калганын билдирген.

БИШКЕК, 25-ноя. — Sputnik. UFC чемпиону Хабиб Нурмагомедовдун машыктыруучусу Хавьер Мендез Instagram баракчасына Кыргызстанга келип, көк бөрү оюнун көрүү каалоосу тууралуу жазган.

Посмотреть эту публикацию в Instagram

Публикация от Javier Mendez (@akajav)

Мендез менен Нурмагомедов азыр Бириккен Араб Эмирлигинде жүргөнү маалым болду. Машыктыруучу Кыргызстанды кайрадан көргүсү келип жатканын кыргыз ишкери менен жолукканда айткан.

"Кереметтүү Кыргызстанга барууну чыдамсыздык менен күтүп жатам, ошондой эле көк бөрү оюнун да көрсөк дейбиз", — деп жазган Мендез. 

UFC чемпиону да Instagram баракчасынын сторис бөлүмүнө "Жакында Кыргызстанга барам" деп жазган.

Белгилей кетсек, 2018-жылы Хабиб Нурмагомедов Улуттук олимпиада комитетинин чакыруусу менен өлкөгө келип кеткен. Анда ал КРде ушунчалык атактуу экенине таң калганын билдирген.

98
Белгилер:
Көк бөрү, спортчу, тренер, Хабиб Нурмагомедов, Кыргызстан
Тема боюнча
Миссиямды аткардым. Хабиб кайра октагонго чыгар-чыкпасын айтты