БИШКЕК, 11-мар. — Sputnik. "Макмалалтын" комбинатынын айрым бөлүмдөрү 1,5 айга ишин токтото турганын "Кыргызалтын" ишканасы билдирди.
Фабрикадагы жумуш ремонт иштери жана кендин запасын камдоо максатында 1-марттан 15-апрелге чейин токтойт.
Алтын өндүрүүчү фабрика, техникалык көзөмөл бөлүмү, байланыш бөлүмү, тигүү цехи жана химиялык лабораториянын кызматкерлери эмгек өргүүсүнө кетти. Ал эми кендин жумушчулары кадимки режимде ишин улантууда.
Комбинатта жалпысынан 1065 адам иштейт, учурда анын 200ү убактылуу жумушка чыкпай турган болду.
Ишкана бир жарым айдын ичинде 30 миң тоннага чукул кендин запасын дайындап алууну пландаштырууда.
