БИШКЕК, 12-апр. — Sputnik. Быйыл Улуттук банк 108 миллион 520 миң доллар сатып алганы мекеменин сайтында айтылат.
Бул жылы Улуттук банк 91,7 миллион доллар саткан. 2-марттан баштап негизинен сатып ала баштады.
Кечээ, 11-апрель күнү башкы банк 22,1 миллион доллар сатып алды. Муну менен жыл башынан берки сатып алынган чет элдик валюта 108 миллион 520 миң долларды түздү.
Улуттук банк валюталар курсун туруктуу кармап туруу үчүн интервенцияларды жасап келет.
Жыл башында бир АКШ доллары 76 сом болсо, учурда 69,25 сомго чейин төмөндөдү.
