Кумтөр. Архив

"Кыргызалтын": Centerra бизге кулак салбайт, өзгөрүүгө мезгил жетти

99
(жаңыланган 21:12 17.05.2016)
"Кыргызалтын" ААК Канаданын алтын кен казуучу компаниясынын ишине өз нараазылыгын билдирди.

БИШКЕК, 17-май — Sputnik. "Кыргызалтын" ачык акционердик коому Канаданын Centerra Gold Inc. компаниясында жетекчиликти менежменттин да, директорлор кеңешинин да деңгээлинде алмаштыруу зарылчылыгы пайда болгону туурасында билдирүү жарыялады. 

Кумтөр алтын кен жайы башынан эле Centerra компаниясынын 97 пайыз кирешесин алып келүүчү негизги активи болуп келет. Андыктан компания үчүн чоң баалуулук болуп эсептелет деп айтылат билдирүүдө.

Уюмдан белгилешкендей, "Кыргызалтын" менен Centerra ортосундагы мамилелерди жакшы деп атоого болбойт. Ал улам барган сайын дагы начарлап, ал эми айрым окуялар жана компаниянын Директорлор кеңешинин деңгээлиндеги чечимдер Centerra башкармалыгына жана калган акционерлерге "Кыргызалтын" натыйжалуу таасир эте алгыдай мүмкүнчүлүктүн жоктугун көрсөттү. 

"Кыргызалтындын" билдирүүсүнө караганда, алардын пикирине кулак салууну каалабастык айрыкча Centerra жеткечилиги – Директорлор кеңеши менеджменттин сунушу менен акциялардын кошумча эмиссиясын ишке ашыруу жөнүндө чечим чыгарганынан байкалган. Муну алар кредиторлордун алдында компаниянын карыздарын төлөп берүү үчүн жасаган эле. 

"Аталган чечим Директорлор кеңеши тарабынан кабыл алынып, "Кыргызалтын" жана, ал тургай, КР өкмөтү мындай чечим максатка ылайыксыз экендигин айтып бир нече жолу каршы чыкканына карабай, күчүндө калтырылганын билдиргибиз келет", — деп белгилешти уюмдун маалымат кызматынан.

Канада компаниясынын каржылык абалын жана КРдин коомдук-саясий чөйрөсүнүн айтпаса да кескин терс кабыл алышын эске алганда, кошумча эмиссия жөнүндө чечим негизсиз жана Centerra жетекчилигинин өтө кыраакылыксыз чечими деп "Кыргызалтын" азыркыга чейин эсептейт.

Кумтөр долбоорунун операциялык иш-аракеттеринин ачык-айкындыгы туурасында "Кыргызалтындын" суроосу көп деп айтылат уюмдун билдирүүсүндө.

"Кыргызалтынды" өзгөчө тынчсыздандырганы — "Кумтөр Голд Компанинин" ишинин тегерегинде жакында болгон окуялар. Анда компаниянын офисинде укук коргоо органдарынын өкүлдөрүнөн турган ведомстволор аралык тергөө тобу тинтүү жүргүзүп, документтерди алышкан.

"Компания иштеп жаткан узак убакыттан бери бул сыяктуу окуя биринчи болуп жатканын эске алганда, мындай олуттуу иш-аракеттерди жүргүзүүгө укук коргоо органдарында чоң негиздер бар деп болжоого болот", — деп айтылат уюмдун билдирүүсүндө. 

Ведомстводон билдиришкендей, өлкөгө келтирилген экологиялык зыян жөнүндө республиканын тийиштүү органдары тарабынан берилген 300 миллион долларлык доо арызы соттун кароосунда жатат. 

"Бизге белгилүү болгондой, Centerra компаниясынын мурдагы жана азыркы жетекчилиги тараптан жасалган коррупция жана алдамчылык боюнча кылмыш иши Башкы прокуратура тарабынан өндүрүшкө алынган. "Кумтөрдүн" дарегине олуттуу нааразылыктар геология жана экология жаатында мамлекеттик жөнгө салуу органдарында да бар", — деп баса белгилешти уюмдун маалымат кызматынан.

Компания Геология жана минералдык ресурстар боюнча мамлекеттик агенттиктин эскертүүлөрү менен нааразычылыктарына өзгөчө көңүл буруусу керек. Мисалы, "Кумтөр" кен жайын пайдалануунун кайра каралып чыккан планы канадалык компания тарабынан 2016-жылдын 20-мартында эле жарыяланган болчу, бирок эмдигиче чейин мамлекеттик органдарга улуттук талаптарга ылайык даярдалган отчеттор бериле элек. 

Мунун натыйжасында Centerra расмий отчеттордо жана пресс-релиздерде берген расмий маалыматтар менен Мамлекеттик агенттиктин расмий маалыматтарынын ортосунда айрмачылык чоң. 

"Кыргызалтындын" маалыматы боюнча, агенттик үстүдөгү жылдын 1-июнунан тартып кен жайында жүргүзүлүп жаткан ишти улантууга уруксат бербей тургандыгы жөнүндө ниетин билдирип, "Кумтөрдүн" дарегине кат жиберген. 

"2009-жылдан бери компаниянын капиталдаштыруусу дээрлик 3 эсе төмөндөгөн. Өкмөт менен өз ара аракеттешүүнүн жана кызматташуунун түпкүлүктүү негиздери бузулган, бул "Кумтөр" долбоорунун өз туруктуулугун жоготуусуна алып келди. Ошондой эле экология жана тоо-кен иштерине байланышкан мыйзамдарды одоно бузулушуна жол берилген, Centerra жана Кумтөр долбоору ак ниет инвестор катары аброю жыл санап начарлап баратат. Компаниянын башкармачылыгы менен Директорлор кеңешинин деңгээлинде кабыл алынып жаткан чечимдер бардык акционерлерден обочолонуп турганын көрсөттү", — деп эсептешет ААКда.

Ушунун баарын эске алуу менен, "Кыргызалтын" Centerra Gold Inc. компаниясында жетекчиликтин курамын башкармачылыктын да, Директорлор кеңешинин да деңгээлинде олуттуу алмаштыруу зарылчылыгы пайда болду деп эсептейт. 

"Кыргызалтын" кеңештин курамына Centerra тарабынан көрсөтүлгөн Бектур Сагынов, Эдуард Кубатов жана Нурлан Кыштобаевден башка талапкерлерге добуш бербей тургандыгын билдирет. 

99
Белгилер:
кен, Кыргызалтын, Кумтөр
Тема:
"Кумтөр": Кыргыз өкмөтү менен Centerra Gold Inc. ортосундагы биргелешкен ишкана (71)
Тема боюнча
"Кумтөр Голд Компани" ишканасынын вице-президенттери Кыргызстандан чыгып кетишти
"Кумтөр Голд Компани" ишканасында тинтүү жүргүзүлүп жатат
Кыргыз-кытай чек арасындагы Эркечтам өткөрүү пункту. Архив

Кытай 3-декабрдан тарта Кыргызстанга көбүрөөк жүк ташууга уруксат берди

57
(жаңыланган 22:55 01.12.2020)
Кытай эртеңден баштап жүк ташыган автоунаалардын санын болжол менен суткасына 30га чейин көбөйтүүгө даяр. Каттамдар күн сайын жүргүзүлүп турат.

БИШКЕК, 1-дек. — Sputnik. Премьер-министрдин милдетин аткаруучу Артем Новиков Кытайдын Кыргызстандагы элчиси Ду Дэвэнь менен жолугуп, натыйжада жүк ташуунун агымы 3-декабрдан тарта көбөйтүлөрү маалым болду. Бул туурасында өкмөттүн маалымат кызматы билдирди.

  • Премьер-министрдин милдетин аткаруучу Артем Новиков Кытайдын Кыргызстандагы элчиси Ду Дэвэнь менен жолугуп, натыйжада жүк ташуунун агымы 3-декабрдан тарта көбөйтүлөрү маалым болду
    Премьер-министрдин милдетин аткаруучу Артем Новиков Кытайдын Кыргызстандагы элчиси Ду Дэвэнь менен жолугуп, натыйжада жүк ташуунун агымы 3-декабрдан тарта көбөйтүлөрү маалым болду
    © Пресс-служба правительства / Алишер Алиев
  • Элчи кыргыз тараптын бир нече ирет кайрылуусуна жана Новиков менен 25-ноябрдагы жолугушуусунан соң Эркечтам жана Торугарт көзөмөл-өткөрүү пунктуларынын өткөрүү жөндөмдүүлүгүн жогорулатуу боюнча бир катар кеңешмелер өткөрүлгөнүн маалымдаган
    Элчи кыргыз тараптын бир нече ирет кайрылуусуна жана Новиков менен 25-ноябрдагы жолугушуусунан соң "Эркечтам" жана "Торугарт" көзөмөл-өткөрүү пунктуларынын өткөрүү жөндөмдүүлүгүн жогорулатуу боюнча бир катар кеңешмелер өткөрүлгөнүн маалымдаган
    © Пресс-служба правительства / Алишер Алиев
1 / 2
© Пресс-служба правительства / Алишер Алиев
Премьер-министрдин милдетин аткаруучу Артем Новиков Кытайдын Кыргызстандагы элчиси Ду Дэвэнь менен жолугуп, натыйжада жүк ташуунун агымы 3-декабрдан тарта көбөйтүлөрү маалым болду

Элчи кыргыз тараптын бир нече ирет кайрылуусуна жана Новиков менен 25-ноябрдагы жолугушуусунан соң "Эркечтам" жана "Торугарт" көзөмөл-өткөрүү пунктуларынын өткөрүү жөндөмдүүлүгүн жогорулатуу боюнча бир катар кеңешмелер өткөрүлгөнүн маалымдаган. Анын жыйынтыгы менен кытай тарап жумуш убактысын 8ден 12 саатка чейин көбөйтүү, ошондой эле өткөрмө пунктун дем алышсыз иштөө режимине өткөрүүнү сунуштаган.

"Жүк ташыган автоунаалардын саны болжол менен суткасына 30га көбөйөт. Элчи "Эркечтам" өткөрмө пунктундагы инфраструктураны жакшыртуу, өткөрүү жөндөмдүүлүгүн жогорулатуу максатында кытай тарап эки кампа куруу, контейнер үчүн кран орнотуу тууралуу чечимин кабыл алгандыгын кабарлады", — деп айтылат маалыматта.

Новиков маселе ыкчам чечилгени үчүн ыраазычылык билдирип, кыргыз өкмөтү кытай тараптын көзөмөл-өткөрүү пунктуларын жакшыртуу максатында кабыл алынып жаткан бардык аракеттерин колдоого алууга даяр экендигин белгилеген.

Жыйынтыгында премьер-министрдин милдетин аткаруучу Бажы кызматына, УКМКнын Чек ара кызматына өткөрмө бекеттерди кытай тарап менен биргелешип иштөө режимине өткөрүү тапшырмасын берди.

57
Белгилер:
автоунаа, пункт, өткөрмө, Кыргызстан, Кытай
Тема боюнча
Кыргыз-казак чек арасындагы "Каркыра" өткөрмө бекети убактылуу жабылды
Министр Казакбаев КРдеги кытайлык ишкерлер менен жолукту. Эмне талкууланды
Мал базар. Архив

Мал арзандады. Өлкөнүн ири базарларындагы баага саресеп

579
(жаңыланган 17:31 01.12.2020)
Sputnik Кыргызстан агенттиги өлкөдөгү ири базарларда малдын (жылкы, кой, уй, ирик, бука, торпок) баасы канчадан болуп жатканын билип көрдү.

20-ноябрда өкмөт Айыл чарба министрлигинин сунушу менен мал жана айыл чарба товарларынын айрым түрлөрүн өлкөдөн чыгарууга тыюу салган. Ага чейин асмандын башына чыгып жаткан малдын баасы дароо түшкөнү айтылды.

Буга байланыштуу Sputnik Кыргызстан агенттиги өлкөдөгү ири делген мал базарларда ушул дем алышта жылкы, кой, уй канчадан сатылганын билди.

Бишкекте койдун баасы

Бишкек шаарында бодо мал көп сатылбайт. Уй, жылкы алам дегендер адатта Сокулук же Токмок шаарларындагы мал базарларга барышат. Ордо калаада кой сатып иштеген Бактыбек Аралбековдун айтымында, шаарда мал кымбат эле.

"Азыр козулардын эң арзаны, арыгы 6500-7000 сом болуп жатат. Чоң койдун эң жакшысы 16-17 миң сомго чейин барат. Токту, боруктар болсо 8500-9000 сом, сойгонго ылайыктуу койду 10 000-10 500 сомго тапса болот", — деди Аралбеков.

Ишкердин айтымында, алармандардын саны бул жумада азая түшкөн.

Аймактардагы малдын баасы

Койдун баасы Ысык-Көл менен Нарында арзандады дейт жергиликтүү тургундар. Ат-Башы районунун тургуну Каныбек Кожониязов өткөн базар күнү сойгонго ылайыктуу койлор аталган аймакта 8000 сомдун айланасында сатылганын айтты.

"Бул эмес өткөн базардан баштап малдын баасы төмөндөй түшкөнүн байкадык. Ага чейин сойгонго ылайыктуу койлор 10 миңден түшпөй жаткан, эми 8000 сомдон тапса болот. Бодо мал болжол менен 5-10 миң сомго чейин арзан сатылды окшойт. 95 миң сомго берилип жаткан жылкылар 80-85 миңге түшүп калды. Букалар 50 миңден өйдө болсо, саан уйларды 65 миң сомго тапса болот", — деди Кожониязов.

Жети-Өгүз районунун тургундары Караколдогу мал базарда деле ушундай көрүнүш дейт. Тургунбек Мамбетовдун айтымында, малдын наркы 10-15 миң сомго дароо төмөндөгөн.

"Мисалы, Ысык-Көлдө 200-250 кишиге ылайыктуу жылкылар 75-80 миң сомго чейин арзандап кетти. 80 миңдиктер 65-70 миң сомго түштү. Койлор 9000 сомго түшсө, уйлар 55 миң сомдон жогору бааланып жатат. Өкмөт малды сыртка чыгарууга тыюу салары менен мал арзандады. Ортодо алып сатарлар чыгымга учураса керек. Малдын кымбат сатылып жатканы бизге жакшы эле болуп жаткан", — деди Мамбетов.

Талас менен Чүйдө мал анча арзандаган жок дейт жергиликтүү тургундар. Чоң-Кемин районуна караштуу Калмак-Ашуу айылынын жашоочусу Максат Жаналиев өткөн дем алышта Токмоктун мал базарында жылкылар 80 миңден өйдө бааланганын айтты.

"Чарба уйлары 50-60 миң сом болуп жатат. Негизи эле көбүнчө бизде уй жакшы өтөт. Ириктер 11-12 миң сом, ал эми сойгонго ылайыктуу койду 12 миң сомго алса болот. Андан арзандары деле бар, бирок алар арыгыраак же кичирээк болуп калат. Жалпы жонунан мал 2000-3000 сомго арзандады", — деди Жаналиев.

Ош менен Жалал-Абадда жылкылардын баасы окшош эле экен. Аларды 80-85 миң сомдун айланасында алса болот. Бирок койдун баасында айырма бар. Жалал-Абадда семиз койлор 13 миң сомго чейин чыккан. Ал эми Ошто 10 миң сомго тапса болот. Баткенде жылкы 80 миң, чарба уйлары 70 миңдин тегерегинде сатылып жатканын жергиликтүү кабарчылар билдиришти.

Жылкынын баасы башка аймактарга салыштырмалуу Таласта кымбат экен. Кара-Буура районунун жашоочусу Токтобек Жапаркулов Таласта 250 кишиге ылайыктуу жылкылар 90 миң сомдон түшпөй жатканын белгиледи. Уйлар 70 миң сомго чейин болсо, койлорду 10 миң сомдон өйдө сатып алса болот.

Мал арзандаганы менен Бишкек шаарында эттин баасы түшө элек. Көбүнчө уй эти көп өтөт. Акыркы маалымат боюнча, уй этинин бир килограммы калаада 450 сомдун тегерегинде сатылып жатат. Ал эми аймактарда 360-380 сомдон бааланып жатканы белгилүү болду.

579
Белгилер:
базар, баа, эт, мал, Кыргызстан
Тема боюнча
Бука сатып берем деген. Ошто элди 1,5 млн. сомго алдап кеткен адам кармалды
Быйыл Кыргызстанда эт көбүрөөк өндүрүлдү. Тогуз айдын жыйынтыгы