Кумтөр ишканасы. Архив

"Ата Мекен" фракциясы "Кумтөрдү" кайтадан улутташтыруу керектигин көтөрүүдө

78
(жаңыланган 15:45 25.06.2016)
"Кумтөрдү" улутташтыруу маселеси фракция тарабынан экинчи жолу көтөрүлүүдө. Былтыр өкмөт мындай идеядан баш тарткан.

БИШКЕК, 25-июн. — Sputnik. "Ата Мекен" фракциясы "Кумтөрдү" кайтадан улутташтыруу боюнча мыйзам долбоорун коомдук талкууга алып чыкканын депутат Алмамбет Шыкмаматов Sputnik Кыргызстан агенттигине билдирди.

Анын айтымында, бул маселени парламент сентябрь айында ишин баштагандан кийин карайт. Ал фракция "Кумтөрдү" улутташтыруу керектигин башынан баштап эле айтып келет. Анткени азыркы шарт (Кыргызстандын үлүшү 33 пайыз) өлкөнүн кызыкчылыгына туура келбей турганын кошумчалады.

"Улутташтырып туруп, башка инвесторлорду тапса болот. Канаданын Centerra Gold Inc. компаниясы үч миллиард доллардай талап кылууда. Ошол эле учурда биздин да экологиялык маселелер боюнча дооматтарыбыз бар. Андыктан компенсациянын көлөмү жарым миллиард долларга чейин азаят", — деп депутат божомолдойт.

Шыкмаматовдун айтымында, Centerra учурдагы келишимде "алдамчылык болгонун" моюнга алат, бирок, Кыргызстандын үлүшү 67 пайыз болгон баштапкы келишимге келүүнү каалабай жатат.

"Алар мурдагы келишим менен иштейбиз деп жатат. Андай болсо биз эл аралык пакты аркылуу кепилденген укуктарбызды колдонуп, Кумтөрдү компенсацияны төлөп туруп улутташтырып алсак болот", — дейт эл өкүлү.

Centerra Gold Inc. ишканасы "Кумтөр" алтын кенине 100 пайыз ээлик кылат. 2009-жылкы келишим менен Кыргызстандын Centerra ишканасындагы үлүшү 33 пайызды түзөт. Centerra ишканасынын Кыргызстан менен Монголияда эки алтын кенине ээлик кылат.

Жогорку Кеңештин токтому менен 2014-жылдын февраль айында өкмөткө "Кумтөр" менен болгон келишимди өлкө үчүн пайдалуу шартта кайта түзүү тапшырылган.

Өкмөттүн сунуштаган версиясын карап туруп парламент ишкананы улутташтыруудан баш тарткан.

Былтыр декабрь айынын аягында өкмөт Centerra Gold Inc. компаниясы менен "Кумтөр" кени боюнча келишимди реструктуризациялоо боюнча болгон сүйлөшүүлөрдү жүргүзбөй турганын билдирген. Мындай кадамга канадалык компаниянын КР өкмөтүнө кабар бербестен казыналык акциялардан болжол менен кошумча 4,6 миллион эмиссия алуу чечими себеп болгон. Эмиссиянын жыйынтыгында адистердин алдын ала эсептөөлөрү боюнча Centerra ишканасындагы "Кыргызалтын" ААКтын акциясынын үлүшү 32,7 пайздан 32,1 пайызга чейин азаймак.

"Кумтөр" кени 2016-жылга Курчап турган чөйрөнү коргоо жана токой чарбасы мамлекеттик агенттигинен стационардык булгоо булактарынан атмосферага чектелген нормадагы булгоочу заттарды чыгарууга уруксат кагазын алган. Буга чейин кендин токтоп калуу коркунучу бар болчу, себеби берилген уруксат 1-июлда бүтмөк.

78
Белгилер:
улутташтыруу, келишим, Кумтөр, Алмамбет Шыкмаматов
Тема:
"Кумтөр": Кыргыз өкмөтү менен Centerra Gold Inc. ортосундагы биргелешкен ишкана (71)
Тема боюнча
Атамбаев "Кумтөр" менен түзүлгөн келишимдер боюнча кылмыш ишин жандандырууну тапшырды
"Кумтөрдүн" чоңдоруна карата кылмыш иши сот чечимин аткарбагандыгы үчүн козголгон
Киши долларларды санап жатат. Архив

Улуттук банк дагы интервенция жасап, бул ирет 5,3 млн. доллар сатты

28
(жаңыланган 10:26 02.12.2020)
Акыркы үч аптада Улуттук банк бир күн гана доллар саткан эмес. Узаган айда Улуттук банк 84 миллион 750 миң доллар саткан.

БИШКЕК, 2-дек. — Sputnik. Улуттук банк кечээ, 1-декабрда, 5 миллион 250 миң доллар сатты. Бул тууралуу мекеменин сайтында айтылат.

АКШ акчасынын курсу өзгөрүүсүз бойдон турат. 1 доллар сатыкта 84,9 сом, ал эми сатып алууда үч тыйынга өскөн (84,68).

Ноябрда Улуттук банк 11 ирет интервенция жасаган. Биринчи жолу 12-ноябрда 26,8 миллион доллар сатылган. Мурунку жумаларда доллар күн сайын валюта рыногуна сатылып жаткан. Алсак, 16-20-ноябрь күндөрү беш күн тынбай, өткөн аптада 24-27-ноябрда төрт күн интервенция жасалган.

Муну менен узаган айда Улуттук банк 84 миллион 750 миң доллар сатканы белгилүү болду.

Белгилей кетсек, 11-ноябрда доллар 83,94 (сатып алуу) жана 84,33 (сатуу) сом болуп турган, кийинчерээк наркы жогорулап 84,9 (сатуу) сомго чейин жетти.

Алтын валюталык запас (эл аралык валюта резерви) Улуттук банкка сомдун баасын кармап турууга жардам берет. Резервдин көлөмү дээрлик 3 миллиард долларды түзөт. Бул алты айга чейин товарларды жана кызматтарды импорттоого жетиштүү.

28
Белгилер:
доллардын курсу, доллар, Улуттук банк, интервенция, Кыргызстан
Тема боюнча
Улуттук банк ноябрда сомдун кунун сактап калуу үчүн 84,7 млн. доллар сатты
Кыргыз-кытай чек арасындагы Эркечтам өткөрүү пункту. Архив

Кытай 3-декабрдан тарта Кыргызстанга көбүрөөк жүк ташууга уруксат берди

163
(жаңыланган 22:55 01.12.2020)
Кытай эртеңден баштап жүк ташыган автоунаалардын санын болжол менен суткасына 30га чейин көбөйтүүгө даяр. Каттамдар күн сайын жүргүзүлүп турат.

БИШКЕК, 1-дек. — Sputnik. Премьер-министрдин милдетин аткаруучу Артем Новиков Кытайдын Кыргызстандагы элчиси Ду Дэвэнь менен жолугуп, натыйжада жүк ташуунун агымы 3-декабрдан тарта көбөйтүлөрү маалым болду. Бул туурасында өкмөттүн маалымат кызматы билдирди.

  • Премьер-министрдин милдетин аткаруучу Артем Новиков Кытайдын Кыргызстандагы элчиси Ду Дэвэнь менен жолугуп, натыйжада жүк ташуунун агымы 3-декабрдан тарта көбөйтүлөрү маалым болду
    Премьер-министрдин милдетин аткаруучу Артем Новиков Кытайдын Кыргызстандагы элчиси Ду Дэвэнь менен жолугуп, натыйжада жүк ташуунун агымы 3-декабрдан тарта көбөйтүлөрү маалым болду
    © Пресс-служба правительства / Алишер Алиев
  • Элчи кыргыз тараптын бир нече ирет кайрылуусуна жана Новиков менен 25-ноябрдагы жолугушуусунан соң Эркечтам жана Торугарт көзөмөл-өткөрүү пунктуларынын өткөрүү жөндөмдүүлүгүн жогорулатуу боюнча бир катар кеңешмелер өткөрүлгөнүн маалымдаган
    Элчи кыргыз тараптын бир нече ирет кайрылуусуна жана Новиков менен 25-ноябрдагы жолугушуусунан соң "Эркечтам" жана "Торугарт" көзөмөл-өткөрүү пунктуларынын өткөрүү жөндөмдүүлүгүн жогорулатуу боюнча бир катар кеңешмелер өткөрүлгөнүн маалымдаган
    © Пресс-служба правительства / Алишер Алиев
1 / 2
© Пресс-служба правительства / Алишер Алиев
Премьер-министрдин милдетин аткаруучу Артем Новиков Кытайдын Кыргызстандагы элчиси Ду Дэвэнь менен жолугуп, натыйжада жүк ташуунун агымы 3-декабрдан тарта көбөйтүлөрү маалым болду

Элчи кыргыз тараптын бир нече ирет кайрылуусуна жана Новиков менен 25-ноябрдагы жолугушуусунан соң "Эркечтам" жана "Торугарт" көзөмөл-өткөрүү пунктуларынын өткөрүү жөндөмдүүлүгүн жогорулатуу боюнча бир катар кеңешмелер өткөрүлгөнүн маалымдаган. Анын жыйынтыгы менен кытай тарап жумуш убактысын 8ден 12 саатка чейин көбөйтүү, ошондой эле өткөрмө пунктун дем алышсыз иштөө режимине өткөрүүнү сунуштаган.

"Жүк ташыган автоунаалардын саны болжол менен суткасына 30га көбөйөт. Элчи "Эркечтам" өткөрмө пунктундагы инфраструктураны жакшыртуу, өткөрүү жөндөмдүүлүгүн жогорулатуу максатында кытай тарап эки кампа куруу, контейнер үчүн кран орнотуу тууралуу чечимин кабыл алгандыгын кабарлады", — деп айтылат маалыматта.

Новиков маселе ыкчам чечилгени үчүн ыраазычылык билдирип, кыргыз өкмөтү кытай тараптын көзөмөл-өткөрүү пунктуларын жакшыртуу максатында кабыл алынып жаткан бардык аракеттерин колдоого алууга даяр экендигин белгилеген.

Жыйынтыгында премьер-министрдин милдетин аткаруучу Бажы кызматына, УКМКнын Чек ара кызматына өткөрмө бекеттерди кытай тарап менен биргелешип иштөө режимине өткөрүү тапшырмасын берди.

163
Белгилер:
автоунаа, пункт, өткөрмө, Кыргызстан, Кытай
Тема боюнча
Кыргыз-казак чек арасындагы "Каркыра" өткөрмө бекети убактылуу жабылды
Министр Казакбаев КРдеги кытайлык ишкерлер менен жолукту. Эмне талкууланды
Манастын эстелиги. Архивдик сүрөт

Таластагы "Манас Ордо" комплексинде бир сутка бою манас айтылат

0
(жаңыланган 12:31 02.12.2020)
Майрамдык салтанатты өткөрүүгө республикалык бюджеттен акча сарпталбайт. Азем демөөрчүлөрдүн жана меценаттардын колдоосу менен өткөрүлөт.

БИШКЕК, 2-дек. — Sputnik. 4-декабрдагы "Манас күнүнө" карата Талас облусундагы "Манас Ордо" комплексинде бир сутка бою манас айтылат. Бул тууралуу Маданият, маалымат жана туризм министрлигинен кабарлашты.

Иш-чара Кыргызстандын бардык аймагынан келген жаш жана белгилүү манасчылардын катышуусу менен өтөт. Манас айтуу 4-декабрь күнү саат 11:00дө башталып, 5-декабрь күнү 11:00дө токтотулат.

Майрамдык салтанатты өткөрүүгө республикалык бюджеттен акча сарпталбайт. Азем демөөрчүлөрдүн жана меценаттардын колдоосу менен уюштурулат.

Ачылыш аземи атайын театрлаштырылган программа менен коштолуп, "Маданият. Тарых. Тил" каналы аркылуу түз эфирден көрсөтүлөт.

0
Белгилер:
"Манас Ордо" комплекси, Манас айтуу, Талас
Тема боюнча
Адистер манасчы Дөөлөт Сыдыковдун феноменин изилдөө үчүн канынан анализ алды
Күүлөнгөн манасчы, күткөн эл. Гиннес китебине кирүүгө ташталган кадамдын сүрөттөрү