БИШКЕК, 27-июл. — Sputnik. Тажикстандын энергетика жана суу ресурстар министри Усмонали Усмонзода быйыл Тажикстандын электр энергиясы Кыргызстанга импорттолбай турганын жар салды. Бул тууралуу Азия Плюс агенттиги билдирди.
Министр Кыргызстан тарап үстүбүздөгү жылдын июнь-сентябрь айлары үчүн 2 миллиард киловатт саат сураганын айтты.
"Биз Кыргызстан тарап сураган электр энергиясын бере албайбыз. Анткени өзүбүздүн Согду облусубузга жетишсиз болууда", — деди министр.
Усманзода Казакстан да Душанбеден электр энергия сураганын, азырынча ал өтүнүчтү аткаруу мүмкүн эмес экендигин кошумчалады.
КРдин Энергохолдинги Тажикстандан расмий билдирүү келе электигин билдирди.
