ЖК депутаты Мээрбек Мискенбаевдин архивдик сүрөтү

Мискенбаев: атамекенчилердин MegaCom ишканасына тиешеси бар-жогун иликтейли

159
(жаңыланган 13:07 06.10.2016)
Кечээ жалпыга маалымдоо каражаттарына Өмүрбек Текебаев, Аида Салянова, Алмамбет Шыкмаматовдун MegaCom ишканасынын акциясын кымырып алган делген маалымат чыккан.

БИШКЕК, 5-окт. — Sputnik. "Ата Мекен" фракциясынын депутатары Өмүрбек Текебаев, Аида Салянова жана Алмамбет Шыкмаматовдун MegaCom ишканасынын акциясын кымырып алган деген маалыматты иликтөө керек. Бул тууралуу ЖК отурумунда депутат Мээрбек Мискенбаев айтып чыкты. 

Эскерте кетсек, бүгүн, 6-октябрь күнү парламентте ар кандай маселелер каралып жатат. 

"Кечээ, 5-октябрь күнү "Вечерний Бишкек" басылмасында жарык көргөн макалада MegaCom ишканасын Текебаев, Салянова жана Шыкмаматов ич ара соодалашкан деген маалымат чыкты. Буга чейин экс-депутат Өмүрбек Абдырахманов дагы Текебаевдин "Альфа Телеком" (MegaCom маркасы) ишканасынан акча алганын айтып чыккан. Алар алган акциялар Максим Бакиевдин акциясы болуп саналат. Тез аранын ичинде комиссия түзүп, чын-төгүнүн изилдөө керек", — деди Мискенбаев. 

Ал мындан сырткары, Азимжан Аскаровду айрым күчтөр качыруу аракетин көрүп жатканын кошумчалады. 

Аталган маселе боюнча Салянова маселени эртеңкиге калтырбай өкмөттү бүгүн угуу демилгесин көтөрдү. 

"Мен Баш прокурор болуп турганда "Альфа Телеком" (MegaCom маркасы) ишканасынын 51 пайыз акциясын мамлекетке тартып алганбыз. Ушул иште менин мээнетим чоң. Бүгүн болсо Текебаев, Салянова, Шыкмаматовдор акцияларды кымтып алган деген маалымат чыкты. Калптын да чеги болот да. Маселени узактырбай, өкмөттү бүгүн чакырып угалы", — деди Салянова. 

Эске сала кетсек, аталган маселени КСДПчы депутаттар Осмонбек Артыкбаев, Анвар Артыковдор көтөрүп, иликтөө керектигин айтышкан. 

159
Белгилер:
MegaCom, Мээрбек Мискенбаев, Аида Салянова
Тема:
"Альфа Телеком" (MegaCom) жабык акционердик коомун менчиктештирүү (30)
Тема боюнча
Megacom аукциондон сатылбаса Маммүлк фондусунун жетекчиси кызматтан кетүүгө даяр
Курулуш иштери. Архив

Бизде акча бар! МИК жарандарды мамлекеттик ипотека алууга чакырды

458
(жаңыланган 14:00 13.08.2020)
Жеңилдетилген түрдө ипотекалык насыялар бир нече коммерциялык банктар аркылуу берилет. Жылдык 10 пайыздык чен менен 15 жылдык мөөнөткө сунушталат.

БИШКЕК, 13-авг. — Sputnik. Мамлекеттик ипотека алууну каалагандар коммерциялык банктарга кайрылса болот. Бул максатка багытталган акча мамлекетте ири өлчөмдө бар. Бул тууралуу Мамлекеттик ипотекалык компаниянын (МИК) төрайымы Элмира Абжапарова брифинг учурунда айтты.

"Бюджеттен тышкаркы каражаттарды тартуу максатында КР өкмөтү менен ГФР өкмөтүнүн ортосунда Германиянын өнүктүрүү банкы аркылуу 10,5 миллион евро өлчөмүндөгү гранттык каражатты берүү жөнүндө макулдашууга кол коюлган. Учурда акча бар жана аз эмес. Ошондуктан каалоочулардын бардыгын чакырабыз", — деди Абжапарова.

Жеңилдетилген түрдө ипотекалык насыялар бир нече коммерциялык банктар аркылуу берилет. Жылдык 10 пайыздык чен менен 15 жылдык мөөнөткө сунушталат.

Карабаева: насыя боюнча жеңилдик алгандардын 28%ы соодагер

Долбоордун алкагында буга чейин 158 миллион сомго 153 насыя берилди.

Кайсы документтер зарыл:

  • программага катышууга анкета-арыз;
  • паспорттун көчүрмөсү (салыштыруу үчүн түп нускасы);
  • иш берүүчү тарабынан күбөлөндүрүлгөн эмгек китепчесинин көчүрмөсү;
  • нике тууралуу күбөлүктүн көчүрмөсү (салыштыруу үчүн түп нускасы);
  • балдарынын туулгандыгы жөнүндө күбөлүктөрүнүн көчүрмөлөрү (салыштыруу үчүн түп нускасы);
  • акыркы үч жылдын ичинде турак жайынын жоктугу жөнүндө кыймылсыз мүлккө укукту каттоо чөйрөсүндөгү ыйгарым укуктуу мамлекеттик органдын маалым каты;
  • жашаган жеринен маалым кат.
458
Белгилер:
жеңилдик, каражат, ипотекалык насыя, Кыргызстан
Тема боюнча
Жекшенкулов: КР жарандарынын Россиядан ипотека алуусуна аракеттер көрүлүүдө
Акчалар. Архивдик сүрөт

Кыргызстанга мигранттардан келген акчанын көлөмү өстү

101
Июнь айында былтыркы жылдын ушул учуруна салыштырмалуу 86 миллион долларга көбүрөөк акча которулду. Жыл башынан бери бардыгы 970 миллион доллардай акча чет мамлекеттерден жиберилди.

БИШКЕК, 13-авг. — Sputnik. Ушул жылдын июнь айында мигранттардын Кыргызстанга которгон акчасы 277,9 миллион долларды түзгөнүн Улуттук банктан билдиришти.

Кеп жеке тараптар атайын системалар аркылуу которгон каражат тууралуу болуп жатат.

Белгилей кетсек, мигранттар былтыркы жылдын ушул учурунда мекенине 191,6 миллион доллар жөнөтүшкөн.

Кыргыз экономикасынын артка кеткен тармактары. Тизме

277,9 миллион доллар 2018-жылдын август айынан бери бир айлык өлчөм менен алганда эң чоң көрсөткүч. Бирок жалпы жыл башынан берки сумма өткөн жылдагыдан азыраак. Мисалы, 2020-жылдын алты айында Кыргызстанга сыртта иштеп жүргөн жарандардан 977,3 миллион доллар келсе, былтыр бул көрсөткүч 1 миллиард 126,4 миллионго жеткен.

101
Белгилер:
Акча которуулар, каражат, Мигрант, Кыргызстан
Тема боюнча
COVID: КРге канча акча жардам катары келип, алар кайда жумшалды
Беларустагы башаламандыктын катышуучусун кармап жаткан милиция кызматкери

Беларустагы башаламандыкта 68 кабарчы кармалып, 20дан ашыгы дагы эле камакта

0
(жаңыланган 23:57 13.08.2020)
Буга чейин бир катар жергиликтүү жана чет элдик кабарчыларга карата күч колдонуп, аларды камакка алган фактылар болгон.

БИШКЕК, 13-авг. — Sputnik. Беларуста укук коргоо кызматкерлери 9-августтан бери 68 кабарчыны кармаган, 20дан ашыгы дагы эле камакта. Бул тууралуу РИА Новости агенттиги жазып чыкты.

Беларустагы журналисттер ассоциациясынын маалыматына ылайык, 23 журналист камакта.

"13-август саат 17.40ка карата 23 журналист камакта жатат. 9-августтан бери жалпы 68 кабарчы кармалган. Аларга карата күч колдонгон 29 учур катталган", — деп жазылган ассоциациянын Telegram-каналында.

Лукашенко: митингге чыккандарды чет мамлекеттен туруп көзөмөлдөшкөн

Башаламандыкта буга чейин "Комсомольская правданын" журналисти менен айдоочусу сабалган. Кийин жергиликтүү погончондор BBC кызматынын үч кызматкерине кол салган деп айтылат маалыматта. Андан сырткары, Onliner порталынын эки кабарчысына күч колдонуп кармаган.

Ага чейин бир катар россиялык жалпыга маалымдоо каражаттарынын өкүлдөрү да колго түшүп, айрымдарын Беларусь беш жылга өлкө аймагына кирүүгө тыюу салып, коё берген.

0
Белгилер:
кармоо, журналист, Беларусь
Тема:
Беларустагы нааразылык акциялары
Тема боюнча
Минскидеги башаламандык таңга жуук токтоду
Лукашенко: митингге чыккандарды чет мамлекеттен туруп көзөмөлдөшкөн