Мужчина отсоединяет интернет кабель от компьютера. Архивное фото

Интернеттин баасы деги эмне болмой болду?

234
(жаңыланган 00:37 13.10.2016)
Интернеттин баасы мурунку калыбына түштү деген кептин канчалык чындыгы бар, анын сапаты кандай болуп жатат, эмне үчүн операторлор мурунку тарифтик бааларды кайтарбай жатканын Sputnik Кыргызстан агенттиги билип көрдү.

БИШКЕК, 12-окт. — Sputnik. Интернеттин баасы мурунку калыбына келди деген маалымат туура. Бул тууралуу Sputnik Кыргызстан агенттигине Антимонополиялык башкаруу мамлекеттик агенттигинин директору Болсунбек Казаков билдирди.

Анын айтымында, учурда кыргыз тарап бардыгы документ менен тастыкталган протоколду күтүп жатат. 

"Мен сүйлөшүүлөрдүн баарына катышкам, жолугушууда айтылгандарды гана айтып жатам. Биз өз ара түшүнүшүүгө жетиштик", — деди Казаков.

Буга чейин маалымат каражаттарында Казакстандын транзиттик операторлору Кыргызстан үчүн интернеттин баасын төмөндөтпөй турганы тууралуу кеп тараган. Социалдык тармактардын пайдалануучулары интернеттин начар сапаты тууралуу жана ылдамдыкты текшерүүчү тесттердин жыйынтыгын жарыялай башташкан. Натыйжада интернеттин ылдамдыгы операторлор айткандан кыйла төмөн экени айкын болгон.

Казаковдун айтымында, Кыргызстандын бардык эле операторлору мурунку тарифтик бааны кайтарган эмес, буга алардын казак тарап менен түзүлгөн ички келишими негиз болгон. 

"Мисалы, Megaline компаниясына сапаттуу интернет менен камсыздоо үчүн Казакстандан келген интернеттин көлөмү жол бербейт. Буга чейин алар казакстандык эки компания менен келишим түзгөн. Бир макулдашуу боюнча бааны мурунку калыбына келтирүүгө мүмкүн болсо, экинчиси боюнча азырынча бир пикирге келүү оорураак болуп турат", — деди ал. 

Казаков Кыргызстандын интернет-провайдерлери казак тарап менен ар кандай шартта иштеше турганын, андыктан бааны мурунку калыбына кайтаруу маселесин ар бир провайдер жекече чечерин белгиледи.

"Үстүбүздөгү жылдын 1-июнуна чейин кол коюлуп, бүгүнкү күнгө чейин кайра түзбөгөн келишим менен иштеген операторлордун баары мурунку баа менен иш алып барышууда. Июлдан октябрга чейин үч эсе көбөйтүлгөн баа менен келишим түзгөндөрдүн баасы бир айдын ичинде чечилет. Келишимдин мөөнөтү аяктагандар бир айга гана мурунку баага кайтышты. Жаңы тариф боюнча сүйлөшүүлөр жүрөт", — деди мекеменин жетекчиси.

Казакстандын монополияны жөнгө салуу жана атаандаштыкты коргоо комитети бул маалыматты тастыктады.

"5-октябрда Алматыда болгон жыйындын жыйынтыгы боюнча Казакстан менен Кыргызстандын байланыш операторлору баа боюнча ич ара бир пикирге келишти. Алар жакын арада тийиштүү келишимдерге да жазылат", — деп мекеменин маалымат кызматы билдирди.

Казакстандын интернет ассоциациясынын президенти Шавкат Сабиров жалпыга маалымдоо каражаттарына интернеттин баасы кымбаттайт деп айткан кебин расмий билдирүү эмес экенин белгиледи. 

"Биз коомдук уюм болгондуктан мамлекеттин же провайдерлердин атынан сүйлөй албайбыз. Болгону түзүлгөн кырдаал боюнча пикир айта алабыз. Казак провайдерлеринин Россия аркылуу силерге интернет жеткирүүдөгү чыгымдары кыйла жогорулаган. Ушуга байланыштуу баалар өсүп кетти", — деп билдирди Сабиров. 

Sputnik Кыргызстан агенттигинин кабарчысы интернетке болгон бааны жогорулатып, ылдамдыгын азайткан интернет-провайдерлерге кайрылып көрдү. 

Megaline компаниясы интернеттин ылдамдыгынын начарлашы менен тарифтик пландардын өзгөрүшүнө комментарий берүүдөн баш тартты. 

Ал эми Saima Telecom интернет-оператору чыгарылган чечимге карабастан тарифтик саясаттын өзгөрөрүн айтты.

"Себеп дегенде биздин компания тарифтик саясатын өзгөртүп жатат. Баалар мурдагыдай болот деген расмий билдирүүнү колубузга ала элекпиз. Учурда интернетти кымбаттатылган баа менен эле алып жатабыз", — деди компаниянын кызматкери.

Homeline компаниясынын өкүлү тармакка болгон жеткиликтүүлүк сапатын мурдагы калыбына келтирүүгө болгон аракеттерин кылып жаткандыктарын айтты.

"Туура. Сентябрь айынын башталышында ылдам тейлөө жагынан бизден жогору турган провайдерлердин абалынан улам артка кеткенбиз. Бирок азыр ал кемчиликтерди жоюп, элге мурдагы ылдамдыкты кайтарып берүүгө аракет кылып жатабыз. Албетте, эл интернетке жапырт кирген учурда тез интернет менен камсыз кыла албайбыз. Ал эми күндүз чектөө кылган жокпуз. Андыктан, ылдымдык жогоруда айтылган тарифтик саясаттагыдан да өйдө деңгээлде берилиши мүмкүн", — деп айтып берди компания өкүлү.

Август айынын аягында Кыргызстандын операторлору казакстандык кесиптештеринен интернеттин транзити үчүн баанын 3-4 эсе кымбаттай турганы тууралуу билдирүү алган. Ошондон бери тийиштүү органдар абалды иликтеп, казакстандык өнөктөштөрү менен сүйлөшүүлөрдү жүргүзүп келет. 

234
Белгилер:
оператор, интернет-провайдер, баа, интернет
Тема:
Кыргызстандагы интернеттин кымбатташы (25)
Тема боюнча
Үч күндөн кийин Казакстан Кыргызстан үчүн интернеттин баасын айтат
Премьер-министр Улукбек Марипов Бишкекте өткөн айыл чарба жарманкесинде

Өкмөт суу май жана кумшекер өндүргөндөр менен түз келишим түзүүнү карап жатат

188
(жаңыланган 18:10 06.03.2021)
Премьер-министр азык-түлүк жарманкесине барды. Ал өкмөт бир катар азыктардын баасын кармап туруу үчүн бардык күч-аракетин жумшап жатканын белгилеген.

БИШКЕК, 6-мар. — Sputnik. Өсүмдүк майын жана кумшекер өндүрүүчүлөр менен түз келишим түзүү маселеси иштелип жатат. Бул тууралуу премьер-министр Улукбек Марипов Бишкекте өткөн айыл чарба жарманкесине барганда айтканын өкмөттөн кабарлашты.

Маалыматка ылайык, жарманкеге келгендер азык-түлүк баасынын жогорулашына жана анын пенсионерлер менен калктын аярлуу катмарына бөтөнчө сезилип жатканына тынчсызданган. Бааны жөнгө салуу боюнча мамлекеттик антимонополиялык кызматтын ишине да сын айтылган.

  • Премьер-министр Кыргызской Республики Улукбек Марипов во время посещения сельскохозяйственной ярмарки в Бишкеке.
    Өсүмдүк майын жана кумшекер өндүрүүчүлөр менен түз келишим түзүү маселеси иштелип жатат. Бул тууралуу премьер-министр Улукбек Марипов Бишкекте өткөн айыл чарба жарманкесине барганда айтканын өкмөттөн кабарлашты.
    © Фото / Пресс-служба правительства / Алишер Алиев
  • Премьер-министр Кыргызской Республики Улукбек Марипов во время посещения сельскохозяйственной ярмарки в Бишкеке.
    Маалыматка ылайык, жарманкеге келгендер азык-түлүк баасынын жогорулашына жана анын пенсионерлер менен калктын аярлуу катмарына бөтөнчө сезилип жатканына тынчсызданган.
    © Фото / Пресс-служба правительства / Алишер Алиев
  • Премьер-министр Кыргызской Республики Улукбек Марипов во время посещения сельскохозяйственной ярмарки в Бишкеке.
    Бааны жөнгө салуу боюнча мамлекеттик антимонополиялык кызматтын ишине да сын айтылган.
    © Фото / Пресс-служба правительства / Алишер Алиев
  • Премьер-министр Кыргызской Республики Улукбек Марипов во время посещения сельскохозяйственной ярмарки в Бишкеке.
    Премьер-министр келтирилген жүйөлөр менен макул болуп, учурда өкмөт бир катар азыктардын баасын кармап туруу үчүн болгон күч-аракетин жасап жатканын белгиледи.
    © Фото / Пресс-служба правительства / Алишер Алиев
  • Люди покупают товары в сельскохозяйственной ярмарке в Бишкеке
    Бишкекте өткөн айыл чарба жарманкеси
    © Фото / Пресс-служба правительства / Алишер Алиев
1 / 5
© Фото / Пресс-служба правительства / Алишер Алиев
Өсүмдүк майын жана кумшекер өндүрүүчүлөр менен түз келишим түзүү маселеси иштелип жатат. Бул тууралуу премьер-министр Улукбек Марипов Бишкекте өткөн айыл чарба жарманкесине барганда айтканын өкмөттөн кабарлашты.

Премьер-министр келтирилген жүйөлөр менен макул болуп, учурда өкмөт бир катар азыктардын баасын кармап туруу үчүн болгон күч-аракетин жасап жатканын белгиледи.

"Азык-түлүк коопсуздугу жана негизги тамак-аш азыктарынын баасын жөнгө салуу маселелери менин жеке көзөмөлүмдө турат. Жооптуу мамлекеттик органдарга өсүмдүк майын жана шекерди өлкөгө жеткирүү жана жеткиликтүү баада сатуу үчүн өндүрүүчүлөр менен түз келишимдерди түзүү маселесин иштеп чыгуу тапшырылды. Бул кадамдар өсүмдүк майынын жана кумшекердин баасынын бир аз төмөндөшүнө алып келиши керек. Эт азыктарына бааны жөнгө салуу боюнча зарыл болгон иштер жүргүзүлүп жатат. Өсүмдүк майын өндүрүүгө дараметибиз бар. Мен мурдараак кумшекер жана өсүмдүк майын иштетүү жана өндүрүү максатында кант кызылчасын жана күнкараманы айдоо аянтын кеңейтүүнү тапшыргам", — деди Марипов.

Ошондой эле ал өкмөттүн негизги максаты — тамак-аш азыктарында импорттун үлүшүн 50 пайызга чейин азайтуу болуп саналарын кошумчалады.

188
Белгилер:
май, Кумшекер, кымбаттоо, калк, баа, азык-түлүк, Улукбек Марипов, премьер-министр
Тема боюнча
Былтыр Кыргызстан 6 миң тонна грек жаңгагын экспорттоду. Алган өлкөлөр
Бензин 5 сомго кымбаттап кетти. Нефть ташуучулар себебин түшүндүрдү
Грек жаңгагы. Архив

Былтыр Кыргызстан 6 миң тонна грек жаңгагын экспорттоду. Алган өлкөлөр

113
Кыргызстандын эң белгилүү экспорттук продукциясын 16 өлкө сатып алган. Арасында Араб, Европа мамлекеттери бар.

БИШКЕК, 5-мар. — Sputnik. Өткөн жылы Кыргызстан 6 миң 335,9 тонна грек жаңгагын экспорттоду. Бул тууралуу Улуттук статистика комитети билдирди.

Мында чагылган жана кабыгы менен кошо сатылгандарынын баары кошулуп эсептелген. Жалпы баасы 9,3 миллион долларды түзөт.

Сатып алган өлкөлөр (тонна менен):

  • Афганистан — 44 ;
  • Азербайжан — 21,4;
  • Грузия — 19,5;
  • Германия — 29,6;
  • Индия — 3,1;
  • Иран — 8;
  • Ирак — 71,3;
  • Казакстан — 24;
  • Катар — 0,4;
  • Монголия — 3,2;
  • Молдова — 0,5;
  • БАЭ — 23;
  • Россия — 5 миң 401,4;
  • Түркия — 577,6;
  • Түркмөнстан — 103,9;
  • АКШ — 5.

2019-жылы жалпы баасы 6,2 миллион долларлык 8,2 миң тонна грек жаңгагы экспорттолгон.

113
Белгилер:
чет өлкө, сатуу, экспорт, жаңгак
Тема боюнча
Кыргызстан мал сатууну эселеп көбөйткөн. Былтыркы статистика
Кыргызстан былтыр 500 тонна бал саткан. Экспорттолгон мамлекеттер
Кыргызстан былтыр 987 млн. долларлык алтын экспорттоду

Жаңы куралдар коркунуч жаратууда. ЖККУга мүчө-мамлекеттер билдирүү таратты

0
ЖККУга мүчө-мамлекеттер абалды мындан ары көзөмөлдөөгө үндөп, зарыл болгон сунуштарды иштеп чыгууга чакырды. БУУнун Генералдык Ассамблеясы кабыл алган үч жылдык резолюциясын колдой тургандыктарын билдиришти.

БИШКЕК, 7-мар. — Sputnik. Жааматтык коопсуздук келишим уюмуна (ЖККУ) мүчө болгон мамлекеттер "Массалык жок кылуучу куралдардын жаңы түрлөрүн жана ошондой куралдардын жаңы системаларын өндүрүү жана иштеп чыгууну тыюу салуу жөнүндө" бирдиктүү билдирүүнү кабыл алышты. https://www.mid.ru/ru/foreign_policy/news/-/asset_publisher/cKNonkJE02Bw/content/id/4606196

"Аталган уюмга мүчө болгон мамлекеттер мындай маанилүү документтерди макулдашуу учурдун талабы экендигин белгилешет. Анткени эл аралык жана аймактык коопсуздук үчүн учурда жаңы чакырыктар пайда болууда. Алардын арасында массалык жок кылуучу куралдардын жаңы түрлөрүнүн пайда болушу, түрдүү курал-жарактардын космос мейкиндигинде жүрүүсү, маалыматтык жана коммуникациялык технологиялардын деструктивдүү багытта колдонулушу, коркунучтуу куралдардын террордук топ же уюмдардын колуна тийип калганы да бар. Андан сырткары, илимий-техникалык прогресстин аркасында трансулуттук корпорация, мамлекеттик эмес субъектилердин ролу да жогорулоодо. Мунун баары жыйынтыктуу чечимдерди кабыл алып, Бириккен Улуттар Уюмунун системасындагы тармактык органдар жана Куралсыздандыруу боюнча конфреренция менен өз убагында иш-аракеттерди биргеликте көрүүгө мажбур кылууда", — деп жазылат билдирүүдө.

ЖККУнун мүчөлөрү абалды мындан ары көзөмөлдөөгө үндөп зарыл болгон сунуштарды иштеп чыгууга чакырат жана буга чейин БУУнун Генералдык Ассамблеясы кабыл алган үч жылдык резолюциясын колдойт.

Рубрика: дүйнө

Инжект: https://sputnik.kg/politics/20210228/1051622943/zhkkunun-mashyguularynyn-zaryldygy.html

https://sputnik.kg/politics/20210226/1051598586/kyrgyzstan-rossiya-s-300.html

https://sputnik.kg/columnists/20210208/1051380261/rossiyalyk-armata-tanky-chet-olkogo-talpyndy.html

https://sputnik.kg/politics/20201202/1050639836/zhkku-sammitinde-maaniluu-dokumentterge-kol-koyuldu.html

Теги: ЖККУ курал-жарак билдирүү

0