Интернет кабель. Архив

КР интернетти Казакстандан башка дагы 3 мамлекеттен алуу жолдорун карап жатат

(жаңыланган 17:00 16.12.2016)
Казакстандан тартылган интернеттин баасы боюнча ызы-чуудан кийин КР бийлиги эми анын башка жолдорун караштырып баштаган.

БИШКЕК, 16-дек. — Sputnik. Маалыматтык технологиялар жана байланыш боюнча мамлекеттик комитет өлкөгө интернет тартуунун альтернативалуу жолдорун издеп жатат. Бул туурасында ведомствонун маалымат кызматы кабарлады. 

Белгилей кетсек, Казакстандан тартылган интернеттин баасы боюнча ызы-чуудан кийин КР бийлиги эми анын башка жолдорун караштырып баштаган. 

Буга байланыштуу Мамлекеттик байланыш комитетинин төрагасы Бакыт Шаршембиев Россия, Казакстан, Азербайжан жана Кытай тарап менен жолугушууларды өткөрдү.

Премьер-министр Сооронбай Жээнбековдун архивдик сүрөтү
© Пресс-служба президента КР / Султан Досалиев
Азербайжан интернет кызматын "Азеркосмос" компаниясынын спутниги аркылуу жеткирүүнү сунуштады. Өлкөнүн Байланыш жана жогорку технологиялар боюнча министри Рамин Гулузаде бул багытта кызматташууга даяр экендигин билдирди. 

Кытай аркылуу интернет тартуу сүйлөшүлүп, тестирлөө да жүргүзүлгөн. 24-ноябрда үч мамлекеттин кызматташуусу тууралуу документтерге кол коюлган (Кыргызстан, Кытай жана Өзбекстан). Учурда кыргыз-кытай компаниялары интернеттин баасын бычуу маселесин карап жатат. Бул процесске мамлекеттик органдар таасир эте албай турганы белгиленген. 

Москва интернетти "Ростелеком" аркылуу жеткирүүнү талкууга койсо Астанадагы Казактелеком, Транстелеком, KazTransCom жана TNS-Plus байланыш компанияларынын жетекчилери Кыргызстан менен мындан ары да кызматташууга даяр экендиктерин айтышкан. 

Белгилей кетсек, интернет кызматын алуу боюнча альтернативалык жолдорун издөө премьер-министр Сооронбай Жээнбековдун тапшырмасынын негизинде аткарылууда.

Кыргызстан Интернетти кайдан жана кантип ала тургандыгын Sputnik Кыргызстан инфографикасынан караңыз>>

Белгилер:
интернет, Азербайжан, Астана, Москва
Тема:
Кыргызстандагы интернеттин кымбатташы (25)
Тема боюнча
Кыргызстан интернетти Кытайдан алуу жолун караштырып жатат
Интернеттин кымбатташы боюнча Башкы прокуратура иликтөө жүргүзмөй болду
Кыргызстандын жана Казакстандын желектери. Архив

Казакстан менен Кыргызстандын товар айлантуусу эки айда 109 млн. долларга жетти

(жаңыланган 10:55 20.04.2021)
Жалпысынан Казакстанда жыл башынан бери ЕАЭБ өлкөлөрүнө экспорттун көлөмү тогуз пайызга өсүп, импорт эки пайызга азайганы айтылат.

БИШКЕК, 20-апр. — Sputnik. Кыргызстан менен Казакстандын ортосундагы товар айлантуунун көлөмү 2021-жылдын алгачкы эки айында 109,8 миллион долларга жетти. Бул тууралуу Sputnik Казакстан агенттиги жазды.

"Январь, февраль айларында эки өлкөнүн ортосундагы товар айлантуунун көлөмү 109,8 миллион долларды түздү. Бирок бул былтыркы жылга салыштырмалуу 8,2 пайызга төмөн", — деп айтылат кабарда.

Жалпысынан Казакстанда жыл башынан бери ЕАЭБ өлкөлөрүнө экспорттун көлөмү тогуз пайызга өсүп, импорт эки пайызга азайганы айтылат.

Коңшу өлкө биримдикке кирген өлкөлөр менен эки ай ичинде 3 миллиард долларлык соода кылган. Алдыңкы орунда 2,7 миллиард доллар менен Россия турат. Андан кийин Беларусь (112,4 миллион доллар), Кыргызстан (109,8 миллион доллар) жана Армения (2,3 миллион доллар) жайгашкан.

Белгилер:
товар, соода, экономика, Евразиялык экономикалык биримдик, Кыргызстан, Казакстан
Тема боюнча
Казакстанда баалар "чектен чыгып", бийлик кескин чараларга бара баштады
Өзбекстан менен КР товар айлантуусун 2 млрд. долларга жеткирүүнү көздөп жатат
Автоунаалар. Архив

Кыргызстанда автоунаа импортунун көлөмү эки эсеге азайды

(жаңыланган 09:46 20.04.2021)
2021-жылдын январь-февраль айларында өлкөгө 1 560 авто алып келинген. Былтыркы жылдын ушул эле маалында 3 392 машина киргизилген.

БИШКЕК, 20-апр. — Sputnik. Кыргызстанга жеңил автоунааларды ташуунун саны эки эсеге азайды. Бул тууралуу Улуттук статистика комитетинин маалыматында жазылган.

Билдирмеге караганда, 2021-жылдын январь-февраль айларында өлкөгө 1 560 машина алып келинген. Былтыркы жылдын ушул эле маалында 3 392 автоунаа киргизилген болчу.

Маалыматта машиналар Казакстандан көп кирбей калганы айтылат. Аталган мамлекеттен көлүктүн саны 2 205тен 45ке чейин кыскарган. Россиядан келген автолордун саны 1 071ден 807ге чейин азайган.

Ошол эле учурда Түштүк Кореядан көп автоунаа алып келине баштаган. Улуттук статистика комитетинин маалыматы боюнча, аталган мамлекеттен келген көлүктөрдүн саны 10дон 405ке чейин көбөйгөн.

Белгилер:
импорт, автоунаа, статистика, Кыргызстан
Тема боюнча
Кыргызстанга Түштүк Кореядан автоунаа ташыгандардын саны кескин өстү
Ооруканада палатадагы капельница. Архив

Бишкекте уу коргошунга ууланып төртүнчү бейтап ооруканага түштү

(жаңыланган 22:48 20.04.2021)
Учурда бейтап Бишкектеги Травматология жана ортопедия илим-изилдөө борборунда жатат. Абалы туруктуу экени айтылды.

БИШКЕК, 20-апр. — Sputnik. Бишкек шаарында уу коргошунга ууланган төртүнчү адам ооруканага түштү. Бул тууралуу кабарды Саламаттык сактоо жана социалдык өнүктүрүү министрлигинин маалымат кызматы тастыктады.

Билдирүүгө ылайык, бейтап тундурманы беш күндөн бери үйүндө ичип жатканын айткан. Учурда ал Бишкектеги Травматология жана ортопедия илим-изилдөө борборунда жатат. Абалы туруктуу.

Кыргызстандын президенти Садыр Жапаров
© Пресс-служба президента КР / Султан Досалиев
Ушуну менен борбор калаада уу коргошунга ууланган төртүнчү бейтап катталганы маалым болду. Бүгүн аталган ооруканага 71 жана 67 жаштагы жубайлар түшүп, алдын ала диагнозу "аконитке уулануу, аритмогендик шок" деп коюлган.

Андан мурдараак Тез жардам кызматы уу коргошунга ууланган киши ооруканага жеткирилгенин билдирген. Министрлик ал белгисиз затка ууланганын айтып, каны менен заарасы экспертизага жиберилгенин маалымдады. 

Уу коргошун чуусу

Президент Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан. Көп өтпөй мамлекет башчы өзү аконит (уу коргошун) кайнатып жасап жатканы белгилүү болду

Ал эми саламаттык сактоо министри Алымкадыр Бейшеналиев түз эфирде уу коргошун ичип, мындан ары коронавирустан дарылоого колдонуларын жар салган. Ошол эле учурда бул тундурманы адам муздак ичип алса беш мүнөткө жетпей өлөрүн эскерткен.

Белгилер:
Бишкек, уулануу, бейтап, оорукана, Ысык-Көл тамыры, уу коргошун
Тема:
Уу коргошун чуусу
Тема боюнча
Уу коргошун ичкендерден кагаз жүзүндө уруксат алган эмеспиз. Министрдин маеги