Россиянын элчиси Кыргызстан ЕАЭБге кирүү менен көп нерсени утканын айтты

© Sputnik / Табылды КадырбековЕАЭБ мамлекеттеринин желектери. Архив
ЕАЭБ мамлекеттеринин желектери. Архив - Sputnik Кыргызстан
Жазылуу
Кыргызстан менен Россия эки тараптуу гана мамилелер боюнча кызматташпастан көп тармак боюнча алакада.

БИШКЕК, 21-фев. — Sputnik. Кыргызстандын ЕАЭБге киргенден кийинки утуштарын кол менен санай албайсың. Мындай пикирин Россиянын Кыргызстандагы элчиси Андрей Крутько "Россия – Кыргызстан: келечекке багытталган өнөктөштүк" аттуу эл аралык конференцияда билдирди.

Ал өз сөзүндө жакында Кыргызстанга Россиянын президенти Владимир Путин келерин, андан кийин туура бир жумадан соң Бишкекте Евразиялык экономикалык биримдиктин өкмөттөр аралык кеңешинин жыйыны өтөрүн кошумчалады.

Фасольду тазалоочу ишкана. Архив - Sputnik Кыргызстан
Кыргызстан былтыр ЕАЭБге төө буурчак менен этно кийимди көбүрөөк сатты
"Эки тараптуу кызматташууну жакшыртуу үчүн бардык тараптан кызматташуу керек. Быйыл ЕАЭБге кирүүнүн үч жылдыгын белгилейбиз. Уюмга кирүү боюнча бир катар суроолор бар, бирок бардык жактар үчүн анын жакшы тараптары көп", — деди элчи.

Ал ошондой эле эгер Кыргызстан уюмга кирүүдөн баш тартканда анын экономикага тийгизген кесепеттери айтпаса дагы түшүнүктүү болорун белгиледи.

"Уюмга киргенден кийинки жетишкендиктерди кол менен санай албайсың. Мисалы мигранттарга берилген артыкчылыктар. Жакында эле кыргыз-орус өкмөттөр аралык комиссия Кыргызстандан импортту көбөйтүү боюнча чечим кабыл алды", — деди Крутько.

Элчи ошондой эле жакын арада Россияда Кыргызстандын Маданият күндөрү өтөрүн айтты.

Жаңылыктар түрмөгү
0