MegaСom соода маркасынын симкартасы. Архивдик сүрөт

MegaСom бул ирет да сатылбай калды

63
(жаңыланган 16:56 05.06.2017)
Аукционго катышуу үчүн бир дагы табыштама келип түшкөн эмес.

БИШКЕК, 5-июн. — Sputnik. "Альфа Телеком" жабык акционердик коомун (MegaСom соода маркасы) сатуу боюнча аукцион өтпөй калды. Бул тууралуу Мамлекеттик мүлктү башкаруу фондунун маалымат кызматы билдирди.

Ага ылайык, аукционго катышуу үчүн бир дагы табыштама келип түшкөн эмес. Компаниянын баштапкы баасы 13,5 миллиард сом деп бааланган. Аукциондун жеңүүчүсү жалпы нарктан сырткары жети пайыздык комиссия төлөшү керек болчу.

"2-июнда саат 17-00гө чейин "Альфа Телеком" ЖАКтагы мамлекеттин 100 пайыз акциясын сатуу боюнча аукционго катышууга табыштама түшкөн эмес. Андыктан аукционго даярдануу жана өткөрүү боюнча ведомстволор аралык комиссия белгиленген мөөнөттө табыштама түшпөгөндүктөн аукционду болбой калды деп тапты", — деп айтылат маалыматта.

Мамлекеттик мүлк фонду аталган объектини КР мыйзамдарында каралган тартип менен сатуу иштерин улантат. КР өкмөтүнүн 2012-жылдын 29-ноябрындагы бекитилген №801 токтому боюнча Мамлекеттик мүлктү аукциондо сатуу ыкмасы менен менчиктештирүү жобосуна ылайык, аукционго эки катышуучу катталса ал өттү деп эсептелет.

100 пайыз акциясы мамлекетке караган ири уюлдук операторду сатууга былтыр эки ирет аракет көрүлгөн. Биринчи жолкусунда баасы 19 миллиард сом деп бааланса, экинчисинде 14,3 миллиард сомго чейин түшкөн. Экөөндө тең компанияны сатып алууну каалагандар чыкпай, аукцион ишке ашпай калган.

Өзүн актай албай сатылып жаткан 7 мамлекеттик ишкана тууралуу Sputnik Кыргызстан материалынан окуңуздар>>

63
Белгилер:
Мамлекеттик мүлктү башкаруу фонду, Альфа Телеком” ЖАК, MegaСom, аукцион
Тема боюнча
Чубактын кунундай чубалган Megacom иши аягына чыкты. Абеков соттолду
УКМКнын депутаттар жана Megacom тууралуу маалыматын прокуратура текшерет
Сегизбаев Megacom ишканасын сатууга үч депутат кызыкдар болгонун президентке айтты
Базар. Архив

Былтыр өлкөнүн кайсы аймагында чекене соода көп болгон. Тизме

295
(жаңыланган 10:39 17.10.2021)
2020-жылы пандемиядагы чектөөлөрдөн улам чекене сооданын көлөмү бардык аймактарда азайган. Анын ичинде көбүрөөк төмөндөө Ысык-Көл жана Жалал-Абадда катталды.

БИШКЕК, 17-окт. — Sputnik. Улуттук статистика комитети былтыр өлкөнүн кайсы аймактарында чекене сооданын көлөмү кандай болгондугу тууралуу маалымат жарыялады.

Эскерте кетчү жагдай, бул статистикага тамактануу жайларынын соодасы кошулган жок.

Бишкек шаарын эске албаганда (жалпы чекене сооданын 36,2 пайызы), алдыңкы орунга Чүй (15,9 пайыз) жана Жалал-Абад (14,5 пайыз) облустары чыкты. Калган региондорго 10 пайыздан төмөн үлүш туура келди.

"Эске салсак, 2020-жылы пандемиядагы чектөөлөрдөн улам чекене сооданын көлөмү бардык аймактарда төмөндөгөн. Анын ичинде көбүрөөк төмөндөө Ысык-Көл (21,1 пайызга) жана Жалал-Абад (25,1 пайызга) облустарында болгон", — деп айтылат билдирүүдө.

Ал эми бул статистикага кошулбаган тамактануу жайларынын жүгүртүүсү боюнча айтсак, 2019-жылга салыштырмалуу былтыр соода 39 пайызга азайып, кафе-ресторандар 15 миллиардга жакын сомдон кол жууган.

295
Белгилер:
Кыргызстан, аймак, соода, экономика
Тема боюнча
Былтыр өлкөдөгү кафе-ресторандар 15 миллиард сомдон кол жууган
Кыргызстан Индия өкмөтүнөн 200 млн. доллар кредит алууну макулдашты
АКШ долларынын белгиси. Архив

Россияда доллар жайдан бери алгачкы жолу 71 рублге түштү

127
(жаңыланган 14:51 16.10.2021)
Нефтинин кымбаттаганына байланыштуу Россия акчасынын наркы көтөрүлүп бара жатат. Учурда Brent үлгүсү 1,1 пайызга кымбаттап, баасы 84,7 долларга жетти.

БИШКЕК, 16-окт. — Sputnik. Доллардын курсу июль айынан бери алгачкы ирет 70,99 рублге түштү. Бул тууралуу РИА Новости жазды.

Нефтинин кымбаттаганына байланыштуу Россия акчасынын наркы көтөрүлүп бара жатат. Учурда Brent үлгүсүндөгү баасы 1,1 пайызга кымбаттап, 84,7 долларга жетти.

15-октябрь күнү доллар 59 тыйынга арзандады. Аналитиктердин айтымында, рублдин баасынын көтөрүлүп жатканына күйүүчү майдын кымбатташы жана QE программасынын алкагында чыгарылган баалуу кагаздарды сатып алуунун көлөмүнүн азайышы себеп болууда.

QE — Улуттук банктын өлкө экономикасына колдоо көрсөтүү максатында жасаган иш-аракеттер жыйындысы.

127
Белгилер:
Россия, доллар, рубль
Тема боюнча
Сегиз айда Кыргызстандан 335 млн. доллардан көп акча сыртка чыкты
Суусундук кармаган кыздар. Архивдик сүрөт

Ден соолукту талкалаган суусундук. Дарыгердин эскертүүсү

0
Дарыгер кадимки сууну да качан гана чаңкаганда ичүү керектигин айткан. Бирок аны көп ичүү эмнеси менен кооптуу экендигин тактаган эмес.

БИШКЕК, 17-окт. — Sputnik. Адамдын ден соолугуна коркунуч жаратып, диабеттен тарта онкологиялык ооруну чакырган азыктардын бири газдалган таттуу суусундуктар экенин дарыгер жана теле алып баруучу Александр Мясников айтып берген. Бул туурасында РИА Новости жазды.

Адистин айтымына караганда, баарынан кооптуусу газдалган суусундук.

"Диабетти жаратып, кишини семиртип, акырында онкологиялык ооруга алып барып такайт. Бул чындыгында ден соолукту талкалоочу жолдордун бири. Остеопороздон тарта онкология, жүрөк, кан тамыр ооруларын жаратат", — деп түшүндүргөн Мясников.

Дарыгер кадимки сууну да качан гана чаңкаганда ичүү керектигин айткан. Бирок сууну көп ичүү эмнеси менен кооптуу экендигин тактаган эмес.

Мясников чай менен кофенин пайдалуу жактарын да эске сала кеткен. Кофе жүрөк, кан тамыр илдеттеринин, боор оорунун алдын аларын айтса, көк чайдын онкологияга каршы күрөшүү артыкчылыгын белгилеген.

Буга чейин россиялык онколог Елена Смирнова жоон ичеги рагына кабылуу тобокелчилигин арттырган суусундуктарды тизмектеп айтып берген. 

0
Белгилер:
Россия, ден соолук, суусундук, зыян
Тема боюнча
Боору жарабай калган. 1,5 литр коланы 10 мүнөттө ичкен киши каза болду