SIM-карта. Архивдик сүрөт

MegaCom менен Beeline компанияларына 839 миң доллар айып салынды

339
(жаңыланган 19:11 29.06.2017)
Монополияга каршы күрөшүү агенттиги уюлдук операторлор "Атаандаштык" жөнүндө мыйзамды бузгандыгы үчүн алгачкы жолу айыпка жыкты

БИШКЕК, 29-июн. — Sputnik. Монополияга каршы күрөшүү агенттиги "Скай Мобайл" ЖЧКсы (Beeline бренди) менен "Альфа Телеком" ЖАКга (MegaCom бренди) монополияга каршы мыйзамдарды бузгандыгы үчүн 58 миллион сом (839 миң долларга жакын) айып салды. Бул тууралуу аталган ведомствонун маалымат кызматынан кабарлашты.

Уюлдук операторлор абоненттердин сүйлөшүүсүн 50 пайызга кымбаттатуу боюнча өз ара жаңы келишим түзүшкөн. Бирок башка операторлор менен болгон шарттар өзгөрүлгөн эмес. Монополияга каршы агенттигинин маалыматына караганда, мындай аракеттер "Атаандаштык" жөнүндөгү мыйзамдарга туура келбейт.

"Аталган келишим рынокко жаңы оюнчулардын киришине жолтоо болуп, атаандаштык жаратууга жол бербейт. Мындан ары Монополияга каршы органы тарабынан мындай фактыларга карата катуу чаралар көрүлөт", — деп айтылат маалыматта.

Мамлекеттик агенттиктен 58 миллион сомду чапчыган айып пул мамлекеттик казынаны толуктай турганын билдиришти. Ошондой эле мындай айып пул тарыхта биринчи жолу салынып жатканын кошумчалашты.

339
Белгилер:
айып пул, Beeline, MegaCom
Тема боюнча
Бишкекте салык төлөбөгөн автоунаа жана таксилерге рейд жүргүзүлөт