Рабочая поездка премьер-министра КР Сооронбая Жээнбекова в Чуйскую область

Жээнбеков "Кайыңды-Кант" заводуна барчу жолду тез арада оңдоону тапшырды

69
(жаңыланган 15:37 05.07.2017)
Өкмөт башчы ушу тапта Чүй облусун кыдырып жүрөт

БИШКЕК, 5-июл. — Sputnik. Премьер-министр Сооронбай Жээнбеков Чүй облусуна болгон иш сапарынын алкагында Транспорт жана жолдор министрлигине "Кайыңды-Кант" заводуна барчу жолду ремонттоону тез арада баштоону тапшырды. Бул тууралуу өкмөттүн маалымат кызматы кабарлады.

Билдирүүдө кант кызылчасын ташыган автоунаалар "Кайыңды-Кант" заводуна ушул жол аркылуу өтөрү, анын начардыгынан улам дыйкандар Кайыңды шаарынын ички жолдору менен айланып өтүүгө аргасыз болуп жатканы айтылат. Өкмөт башчы мындай жагдай калаанын ички жолдорунун бузулушуна алып келерин белгилеп, ремонтту алдыдагы 10 күндүн ичнде баштоону милдеттендирди.

  • Рабочая поездка премьер-министра КР Сооронбая Жээнбекова в Чуйскую область
    Премьер-министр Сооронбай Жээнбеков Чүй облусуна болгон иш сапарынын алкагында Транспорт жана жолдор министрлигине "Кайыңды-Кант" заводуна барчу жолду ремонттоону тез арада баштоону тапшырды
    © Пресс-служба правительства / Сабыр Аильчиев
  • Билдирүүдө кант кызылчасын ташыган автоунаалар Кайыңды-Кант заводуна ушул жол аркылуу өтөрү, анын начардыгынан улам дыйкандар Кайыңды шаарынын ички жолдору менен айланып өтүүгө аргасыз болуп жатканы айтылат.
    Билдирүүдө кант кызылчасын ташыган автоунаалар "Кайыңды-Кант" заводуна ушул жол аркылуу өтөрү, анын начардыгынан улам дыйкандар Кайыңды шаарынын ички жолдору менен айланып өтүүгө аргасыз болуп жатканы айтылат
    © Пресс-служба правительства / Сабыр Аильчиев
1 / 2
© Пресс-служба правительства / Сабыр Аильчиев
Премьер-министр Сооронбай Жээнбеков Чүй облусуна болгон иш сапарынын алкагында Транспорт жана жолдор министрлигине "Кайыңды-Кант" заводуна барчу жолду ремонттоону тез арада баштоону тапшырды

Транспорт жана жолдор министри Жамшитбек Калиловдун берген маалыматы боюнча жол тилкесинин үч чакырымы оңдоону талап кылат. Ошондой эле сууну бургулоо системасын орнотуу жана көпүрө куруу пландалууда. Анын айтымында, аталган жол менен Чүй облусунун ички жолдорун асфальттоо иштери жүрүп, ал 15-августка чейин аягына чыгат.

Жумушчу сапарынын алкагында өкмөт башчы Сосновка — Сары-Булак авто жол тилкесиндеги Кара-Балта дарыясында 1967-жылы курулган авариялык абалда турган көпүрөнү көрдү. Аталган көпүрө Чүй облусунун бир нече райондорун жана айыл өкмөттөрүн байланыштырат.

Калиловдун айтымында, бүгүнкү күндө жарыяланган тендердин жыйынтыгында жалданма компания аныкталды, эми жакынкы күндөрү көпүрөнү калыбына келтирүү иштери башталат. Бул максатка республикалык бюджеттен 14 миллион сом каралган.

Мындан тышкары, Жайыл районунда жалпысынан үстүбүздөгү жылга республикалык бюджеттин эсебинен беш чакырым жолду асфальттоо пландаштырылган. Аталган иштердин жалпы баасы 22 млн сомду түзөт.

69
Белгилер:
Сооронбай Жээнбеков, 'Кайыңды-Кант' заводу, жол
Тема боюнча
Ак-Талаа: кулайын деген көпүрөгө өкмөт каражат карады
АКШ долларлары. Архив

Улуттук банк бүгүн 71,3 млн. доллар сатып, дагы бир рекорд жаратты    

39
(жаңыланган 22:34 07.12.2021)
Мурунку рекорд эки жума мурун катталган. Анда башкы финансылык ведомство 70,3 миллион долларлык интервенция жасаган.

БИШКЕК, 7-дек. — Sputnik. Улуттук банк бүгүн, 7-декабрда, валюта рыногуна 71,3 миллион доллар сатты. 

Бул 2010-жылдан бери жүргүзүлгөн эң ири интервенция (андан мурунку жылдарга карата маалымат ачык булактарда жок).

Буга чейинки рекорддук көрсөткүч 23-ноябрда катталып, 70,3 миллион доллар сатылган болчу.

Ушуну менен быйылкы жылдын эсебинен 14 жолу интервенция жасалды. Бул аралыкта сатылган доллардын суммасы 633 миллионго жетти. Улуттук банк 24-ноябрда накталай түрүндө дагы 38 миллион доллар саткан.

39
Белгилер:
Улуттук банк, интервенция, доллар, сатуу
Тема боюнча
Улуттук банк ноябрда сомдун курсун кармап туруш үчүн канча акча коротту
Президент салыктан бошоткон ишканаларга беш талап койду. Тизме
Иран желеги. Архив

ЕЭК министри ЕАЭБ менен Ирандын макулдашуусунун пайдалуу жактарын айтты

33
(жаңыланган 15:10 07.12.2021)
ЕАЭБ менен Ирандын ортосундагы соода жүгүртүү өсүп жатат. Пандемияга чейинки статистика боюнча экспорт 47, импорт 67 пайызга жогорулаган.

БИШКЕК, 7-дек. — Sputnik. ЕАЭБ менен Ирандын ортосундагы убактылуу макулдашууну ишке ашыруу эки тараптын тең соода-сатыгына жакшы таасирин тийгизет. Бул тууралуу Евразия экономикалык комиссиянын (ЕЭК) соода боюнча министри Андрей Слепнев кабарлады.

ЕЭКтин маалымат кызматы билдиргендей, министр Ирандын Россиядагы элчиси Казем Жамали менен жолуккан.

Тараптар Евразия экономикалык биримдиги менен Ирандын ортосунда эркин соода жүгүртүүгө шарт түзгөн убактылуу келишим соода-экономикалык кызматташтыкты өнүктүрүүгө өбөлгө болорун белгилешкен.

Генеральный директор Российского экспортного центра Андрей Слепнёв во время пресс-подхода по итогам бизнес-диалога Россия – Африка в рамках Петербургского международного экономического форума 2019 (ПМЭФ-2019).
© Sputnik / Александр Гальперин
Евразия экономикалык комиссиянын (ЕЭК) соода боюнча министри Андрей Слепнев
"2021-жылдын январь-август айларында ЕАЭБ менен Ирандын ортосундагы соода жүгүртүү өткөн жылдын ушул мезгилине салыштырмалуу 60 пайызга өстү. ЕАЭБге мүчө мамлекеттердин экспорту 80 пайызга жогорулап, 1,12 миллиард доллардан 2 миллиардга чейин жетти. Импорттун көлөмү 30 пайызга көбөйүп, 803 миллион доллардан 1 миллиардга чыкты", — деди Слепнов.

Ошону менен катар ал соода жүгүртүү пандемияга чейинки статистика боюнча да өсүп жатканын баса белгиледи. 2019-жылкыга салыштырмалуу экспорт 47 пайызга, ал эми импорт 67 пайызга жогорулаган.

Соңунда ЕАЭБ министри менен Ирандын элчиси соода жүгүртүү тууралуу толук форматтуу макулдашуу түзүү боюнча сүйлөшүүлөрдүн жүрүшүн жогору баалап, өз ара иштешүүгө канааттануусун билдирген.

33
Белгилер:
Евразиялык экономикалык биримдик, Иран, макулдашуу, ЕЭК, министр, соода
Тема:
ЕАЭБдеги Кыргызстан
Тема боюнча
Министр Казакбаев Иранды өлкө экономикасына инвестиция жасоого чакырды