Megacom сайты. Архивдик сүрөт

Багы ачылбаган MegaCom. Эми аукцион аркылуу эмес, түз сатылышы мүмкүн

121
(жаңыланган 16:49 01.08.2017)
Уюлдук оператор буга чейин үч жолу тоорукка коюлуп, үчөөндө тең сатылбай калган. Башында ал 19 миллиард сомго бааланса, учурда 13,5 миллиардга чейин түштү

БИШКЕК, 1-авг. — Sputnik. Өлкөнүн Экономика министрлиги Мамлекеттик мүлктү менчиктештирүү боюнча жобого түз сатуу ыкмасын киргизүү жаатында токтомдун долбоорун иштеп чыкты.

Документте мамлекеттик мүлктү менчиктештирүүдө аны белгилүү инвесторго түз сатуу ыкмасын киргизүү сунушталган. Мындай кадам айрым учурларда, мисалы, бир объектини сатуу үчүн үч жолку аракет ишке ашпаган учурда гана колдонулат. Алар:

  • Аукциндо сатуу;
  • Конкурста сатуу;
  • Кийин сатылат деп башкарууну өткөрүп берүү;
  • Кийин сатылат деп ижарага берүү;
  • Чарбалык коомдордун уставдык капиталы катары коюу;
  • Акцияларды биржа фондусуна жайгаштыруу жана сатыкка коюу.

"Мамлекеттик мүлкү менчиктештирүү боюнча азыркы жана мурдагы программаларга жасалган анализ көргөзгөндөй, сатыкка коюлган объектилер арыздын жоктугунан сатылбай жатат. Анын ичинде "Альфа Телеком" ЖАКтын мамлекеттик акциялары да бар", — деп жазылат токтомдун долбоорунда.

100 пайыз акциясы мамлекетке таандык болгон ири уюлдук оператор аукционго үч жолу коюлуп, бирок сатылбай калган. Анын баштапкы наркы 19 миллиард сом деп белгиленип, акыркы аукциондо баасы 13,5 миллиард сомго чейин төмөндөгөн.

121
Белгилер:
сатуу, өкмөт, аукцион, MegaCom
Тема:
"Альфа Телеком" (MegaCom) жабык акционердик коомун менчиктештирүү (30)
Тема боюнча
Трамп тарткан сүрөт аукциондон 30 миң долларга сатылды
MegaCom менен Beeline компанияларына 839 миң доллар айып салынды
Чубактын кунундай чубалган Megacom иши аягына чыкты. Абеков соттолду
Курулуш иштери. Архив

Бизде акча бар! МИК жарандарды мамлекеттик ипотека алууга чакырды

453
(жаңыланган 14:00 13.08.2020)
Жеңилдетилген түрдө ипотекалык насыялар бир нече коммерциялык банктар аркылуу берилет. Жылдык 10 пайыздык чен менен 15 жылдык мөөнөткө сунушталат.

БИШКЕК, 13-авг. — Sputnik. Мамлекеттик ипотека алууну каалагандар коммерциялык банктарга кайрылса болот. Бул максатка багытталган акча мамлекетте ири өлчөмдө бар. Бул тууралуу Мамлекеттик ипотекалык компаниянын (МИК) төрайымы Элмира Абжапарова брифинг учурунда айтты.

"Бюджеттен тышкаркы каражаттарды тартуу максатында КР өкмөтү менен ГФР өкмөтүнүн ортосунда Германиянын өнүктүрүү банкы аркылуу 10,5 миллион евро өлчөмүндөгү гранттык каражатты берүү жөнүндө макулдашууга кол коюлган. Учурда акча бар жана аз эмес. Ошондуктан каалоочулардын бардыгын чакырабыз", — деди Абжапарова.

Жеңилдетилген түрдө ипотекалык насыялар бир нече коммерциялык банктар аркылуу берилет. Жылдык 10 пайыздык чен менен 15 жылдык мөөнөткө сунушталат.

Карабаева: насыя боюнча жеңилдик алгандардын 28%ы соодагер

Долбоордун алкагында буга чейин 158 миллион сомго 153 насыя берилди.

Кайсы документтер зарыл:

  • программага катышууга анкета-арыз;
  • паспорттун көчүрмөсү (салыштыруу үчүн түп нускасы);
  • иш берүүчү тарабынан күбөлөндүрүлгөн эмгек китепчесинин көчүрмөсү;
  • нике тууралуу күбөлүктүн көчүрмөсү (салыштыруу үчүн түп нускасы);
  • балдарынын туулгандыгы жөнүндө күбөлүктөрүнүн көчүрмөлөрү (салыштыруу үчүн түп нускасы);
  • акыркы үч жылдын ичинде турак жайынын жоктугу жөнүндө кыймылсыз мүлккө укукту каттоо чөйрөсүндөгү ыйгарым укуктуу мамлекеттик органдын маалым каты;
  • жашаган жеринен маалым кат.
453
Белгилер:
жеңилдик, каражат, ипотекалык насыя, Кыргызстан
Тема боюнча
Жекшенкулов: КР жарандарынын Россиядан ипотека алуусуна аракеттер көрүлүүдө
Акчалар. Архивдик сүрөт

Кыргызстанга мигранттардан келген акчанын көлөмү өстү

101
Июнь айында былтыркы жылдын ушул учуруна салыштырмалуу 86 миллион долларга көбүрөөк акча которулду. Жыл башынан бери бардыгы 970 миллион доллардай акча чет мамлекеттерден жиберилди.

БИШКЕК, 13-авг. — Sputnik. Ушул жылдын июнь айында мигранттардын Кыргызстанга которгон акчасы 277,9 миллион долларды түзгөнүн Улуттук банктан билдиришти.

Кеп жеке тараптар атайын системалар аркылуу которгон каражат тууралуу болуп жатат.

Белгилей кетсек, мигранттар былтыркы жылдын ушул учурунда мекенине 191,6 миллион доллар жөнөтүшкөн.

Кыргыз экономикасынын артка кеткен тармактары. Тизме

277,9 миллион доллар 2018-жылдын август айынан бери бир айлык өлчөм менен алганда эң чоң көрсөткүч. Бирок жалпы жыл башынан берки сумма өткөн жылдагыдан азыраак. Мисалы, 2020-жылдын алты айында Кыргызстанга сыртта иштеп жүргөн жарандардан 977,3 миллион доллар келсе, былтыр бул көрсөткүч 1 миллиард 126,4 миллионго жеткен.

101
Белгилер:
Акча которуулар, каражат, Мигрант, Кыргызстан
Тема боюнча
COVID: КРге канча акча жардам катары келип, алар кайда жумшалды
Футболисттер машыгып атат. Архивдик сүрөт

КРдеги футболдук үч клубга айып салынды. Машыктыруучу 50 миң сом төлөйт

0
Дисциплинардык комитет оюн талаасында күч колдонгон, үчтөн ашык эскертүү алган жана маалымат жыйынга катышпаган тараптарга айып салды.

БИШКЕК, 13-авг. — Sputnik. Бир катар жергиликтүү футболдук клубдарга айып пул салынды. Бул тууралуу Кыргыз футбол кеңешинен (КФК) билдирди.

Маалыматка ылайык, аталган бирикменин дисциплинардык комитети "Алай" футбол клубунун машыктыруучусу Бакыт Маматовго 50 миң сом айып пул салып, алты айга спорттук ишмердүүлүккө катышууга тыюу салды.

Кыргызстандык футболчу Гүлжигит Алыкулов УЕФАнын мелдешинде ойнойт

КФК эреже бузган "Алга" клубун 2000 сомго, "Алай" командасын 3500 сомго, "Абдыш-Атаны" 2000 сомго төлөмөр кылган.

Алар оюн талаасында бирөөгө карата күч колдонуп, үчтөн ашык эскертүү алып, уюштурулган маалымат жыйындарына катышкан эмес.

 

0
Белгилер:
клуб, айып пул, футбол, Кыргызстан
Тема боюнча
Кыргызстандык футболчу Гүлжигит Алыкулов УЕФАнын мелдешинде ойнойт
Шоро премьер-лигасынын беттештеринде тең чыгышты. Күйөрмансыз оюндар
Криштиану Роналду эзелки атаандашы Лионель Мессинин клубуна өтөбү?