Непалдык ишкер, миллиардер Бинод Чоудхари. Архив

Непалдагы жападан жалгыз миллиардер КР ишкерлерине кеп-кеңеш берди

444
(жаңыланган 20:30 25.08.2017)
Бизнесмен туризмди өнүктүрүү боюнча оюн айтты

БИШКЕК, 25-авг. — Sputnik. Кыргызстанга туристтердин агылып келиши үчүн экотуризимди өнүктүрүү боюнча стратегия иштеп чыгуу керек. Бул тууралуу Кыргызстанда өтүп жаткан ак илбирстерди сактоо боюнча эл аралык саммитке келген непалдык миллиардер Бинод Чоудхари айтты.

Эскерте кетсек, кечээ башталган форум бүгүн аяктайт. Ага ак илбирс байырлаган 12 өлкөнүн өкүлдөрү катышууда. Иш-чаранын максаттарынын бири жапайы жаныбарды сактап калуу көйгөйүнө инвестиция тартуу болуп саналат.

Саммиттин ардактуу конокторунун бири Непалдагы жападан жалгыз миллиардер Бинод Чоудхари болду. Ишкер жашыл экономиканы өнүктүрүү жаатында Кыргызстандын делегациясына бирин-экин кеңеш берди.

"Аталган тармакты өнүктүрүүгө басым жасоо сөзсүз өз жемишин берет. Бирок бул үчүн инвестиция салып коюу жетишсиз, адамдык ресурс зарыл, жергиликтүү эл аны өнүктүрүүгө кызыкдар болушу кажет. Дал ушул жеке сектор жашыл экономиканын пайдубалын түзүүдө түркүк болуп бере алат. Туристтердин агылып келиши үчүн ушул тармактын ыраатка салынган системасын иштеп чыгуу керек. Буга коомчулук тартылышы зарыл", — деди миллиардер.

Ишкер өз сөзүндө Непалды мисал келтирип, жеке бизнести тартуу менен гана экотуризмди өнүктүрүү мүмкүн экенин белгиледи.

444
Белгилер:
Ак илбирс, ишкер, туризм, Непал
Тема боюнча
Көрбөгөн адам арманда! Кыргыз тоолорундагы ак илбирс, сүлөсүн жана сейрек куштар
Ысык-Көл жээгинде IV экономикалык форум өтөт
Кыргызстанда туризм жаатындагы мыктылар аныкталат
Депутаттар Жогорку Кеңештин жыйынында. Архив

Парламент 2021-жылдын Республикалык бюджетин биринчи окуудан колдоду

78
(жаңыланган 18:25 25.11.2020)
Бюджеттин көлөмү чет өлкөдөн алына турган гранттарды кошуп эсептегенде 163 миллиард сом болору пландалууда.

БИШКЕК, 25-ноя. — Sputnik. Жогорку Кеңештин депутаттары 2021-жылга карата Республикалык бюджеттин долбоорун биринчи окууда жактырды.

Кийинки жылга карата бюджеттин долбоору менен премьер-министрдин милдетин аткаруучу Артем Новиков тааныштырды. Эл өкүлдөрү сунуштарын берип, алымча-кошумчаларды эске алуу менен биринчи окуудан колдоп беришти.

Республикалык бюджеттин көлөмү чет өлкөдөн алына турган гранттарды кошуп эсептегенде 163 миллиард сом болору пландалууда. Бул 2020-жылдын биринчи кабыл алынган бюджетине салыштырмалуу 610 миллион сомго аз. Ал эми кайра өзгөртүлгөндөн кийинки бюджет боюнча 25,9 миллиард сомго көбөйөт.

Чыгаша бөлүгүн 170,1 миллиард сом менен бекитүү сунушталууда. Муну менен бюджеттин тартыштыгы 7,1 миллиард сомду түзөт.

Белгилей кетсек, 2020-жылдын бюджети алгачкы ирет кабыл алынганда кирешеси 163 миллиард 610 миллион сом, чыгашасы 171 миллиард 563 миллион сомду түзгөн. Дефицит 7 миллиард 953 миллион сом деп белгиленген. Бирок коронавирустун жана өлкөдөгү саясий башаламандыктын кесепетинен улам эки ирет өзгөртүлдү.

78
Белгилер:
дефицит, кароо, Парламент, бюджет
Тема боюнча
Алдыдагы эки шайлоого 853 млн. сом керек. Акча кайдан табылары белгисиз
Депутат: өкмөт алынган карызды иштетпей коюп 100 млн. сом айыпка жыгылды
Кыргызстандын жана Кытайдын желектери. Архив

Кытай карыз төлөө мөөнөтүн узартууга макул болуп, кошумча 3 млрд. сом сурады

551
(жаңыланган 18:08 25.11.2020)
Депутаттар насыя төлөө мөөнөтү кандай шарт менен узартылып жатканын, анын ичинде Кытайдын позициясына кызыкты.

БИШКЕК, 25-ноя. — Sputnik. Кытай Кыргызстандын карызын төлөө мөөнөтүн төрт жылга чейин жылдырууга даяр. Бул туурасында премьер-министрдин милдетин аткаруучу Артем Новиков парламентте 2021-жылдын бюджети каралып жатканда билдирди.

Депутаттар насыя төлөө мөөнөтү кандай шарт менен узартылып жатканын, анын ичинде Кытайдын позициясы кандай экенине кызыкты.

"Сүйлөшүүлөр жүрүп жатат. Кытай тараптан карызды транштар боюнча топ-топко бөлүп төлөөнү төрт жылга жылдыруу сунушталды. Бирок бул аралыкта эки пайыздан үстөк кошулуп турат. Муну эсептей келгенде кийин кошумча дагы 2,9 миллиард сом төлөөгө туура келет", — деди Новиков.

Финансы министрлиги 30-сентябрга карата Кыргызстандын тышкы карызы 4 миллиард 171 миллион доллар экенин билдирди. Ал эми жыл башынан бери 9 миллиард 991 миллион 400 миң сом төлөнгөн. Анын ичинен 7 миллиард 446 миллион 400 миңи — негизги сумма, калганы пайыздары. Бул сумма республикалык бюджеттин чыгаша бөлүгүнүн 8,4 пайызын түзөт.

Ал эми кийинки жылга карата тышкы карызды тейлөө боюнча божомолду дагы айтышты. Анда төлөмдөр 19 миллиард 998 миллион 500 миң сом деп каралууда. Негизги суммасы — 14 миллиард 997 миллион 900 миң сом, пайызы — 5 миллиард 700 миң сом.

Финансисттер тышкы карызды төлөөнүн жогорку чеги 2025-2031-жылдарга туш келерин белгилеп келишет. Ал учурда жыл сайын 400 миллион доллар которуп туруу шарт.

551
Белгилер:
шарт, жеңилдик, төлөө, Кытай, насыя
Тема боюнча
Новиков КЭР элчиси менен "Торугарт" жана "Эркечтамдын" ишин жандантууну кеп кылды
Министр Казакбаев КРдеги кытайлык ишкерлер менен жолукту. Эмне талкууланды
Новиков Кыргызстан чет жактан канча карыз алып, кайда жумшаганын айтты
UFC чемпиону Хабиб Нурмагомедов. Архив

Көк бөрү көрөбүз! Хабиб машыктыруучусу менен Кыргызстанга келет

117
(жаңыланган 01:19 26.11.2020)
Нурмагомедов Кыргызстанга 2018-жылы келген. Анда ал өлкөдө ушунчалык атактуу экенине таң калганын билдирген.

БИШКЕК, 25-ноя. — Sputnik. UFC чемпиону Хабиб Нурмагомедовдун машыктыруучусу Хавьер Мендез Instagram баракчасына Кыргызстанга келип, көк бөрү оюнун көрүү каалоосу тууралуу жазган.

Посмотреть эту публикацию в Instagram

Публикация от Javier Mendez (@akajav)

Мендез менен Нурмагомедов азыр Бириккен Араб Эмирлигинде жүргөнү маалым болду. Машыктыруучу Кыргызстанды кайрадан көргүсү келип жатканын кыргыз ишкери менен жолукканда айткан.

"Кереметтүү Кыргызстанга барууну чыдамсыздык менен күтүп жатам, ошондой эле көк бөрү оюнун да көрсөк дейбиз", — деп жазган Мендез. 

UFC чемпиону да Instagram баракчасынын сторис бөлүмүнө "Жакында Кыргызстанга барам" деп жазган.

Белгилей кетсек, 2018-жылы Хабиб Нурмагомедов Улуттук олимпиада комитетинин чакыруусу менен өлкөгө келип кеткен. Анда ал КРде ушунчалык атактуу экенине таң калганын билдирген.

117
Белгилер:
Көк бөрү, спортчу, тренер, Хабиб Нурмагомедов, Кыргызстан
Тема боюнча
Миссиямды аткардым. Хабиб кайра октагонго чыгар-чыкпасын айтты