Казакстан Өзбекстандан газды Кыргызстан аркылуу алат

© Sputnik / Табылды КадырбековСтроительство магистрального газопровода "Бухарский газоносный район —Ташкент — Бишкек — Алматы"
Строительство магистрального газопровода Бухарский газоносный район —Ташкент — Бишкек — Алматы - Sputnik Кыргызстан
Жазылуу
Газ кууру кыргыз-казак чек арасынан "Сокулук" станциясына чейин орнотулду. Анын өндүрүмдүүлүгү жылына 1,7 миллиард метр кубга чейин жетет.

БИШКЕК, 29-авг. — Sputnik. КР премьер-министри Сапар Исаковдун жана "Газпром" ишканасынын төрагасы Алексей Миллердин катышуусунда толугу менен калыбына келтирилген газ кууру ишке берилди. Ал Ташкент — Бишкек — Алматы багыты боюнча иштейт.

"Газпром Кыргызстан" ЖЧКнын маалымат кызматы билдиргендей, куурдун ишке берилиши менен эми Кыргызстандын түндүгү эле эмес, Казакстандын Алматы жана Талдыкорган облустары дагы көгүлтүр от менен камсыз болот.

Газ плитасы. Архив - Sputnik Кыргызстан
Бишкек менен Чүйдүн газ берилген жана бериле турган көчө-конуштары. Карта
Белгилей кетсек, аталган магистралдык газ кууру 40 жылдан ашык убакыт мурда салынган. Андан бери анын Кыргызстан аркылуу өткөн бөлүгү бир да жолу оңдолгон эмес. Андыктан биринчи кезекте 111 чакырымдык магистралды оңдоо планы турган.

Газ кууру кыргыз-казак чек арасынан "Сокулук" станциясына чейин салынган. Анын өндүрүмдүүлүгү жылына 1,7 миллиард метр кубга чейин жетет.

Миллердин айтымында, оңдолгондон кийин магистралдык газ өткөрүү мүмкүнчүлүгү эки эсе көбөйгөн. Бул өз кезегинде калкты көгүлтүр от менен тынымсыз камсыздоого шарт түзөт. Аталган магистраль ишке берилери менен "Ала-Тоо" жаңы конушундагы 6 600 түтүнгө газ берилди.

Жаңылыктар түрмөгү
0