Сапар Исаков: 8-10 жылдан кийин "Кумтөр" жабылат, бирок иштетишибиз керек

Жазылуу
Премьер кыргыз өкмөтү Канадалык Centerra Gold Inc. компаниясы менен сүйлөшүүлөрдү жүргүзүп жаңы келишимдин долбоору даярдалганын айтты.

КУМТӨР, 9-сен. — Sputnik. 8-10 жылдан кийин "Кумтөр" кени жабылат, бирок биз анын узак иштешине аракет кылышыбыз керек. Бул тууралуу премьер-министр Сапар Исаков Ысык-Көл аймагында "Кумтөр" компаниясынын ишмердүүлүгү менен таанышып жүрүп журналисттерге билдирди.

Анын айтымында, кыргыз өкмөтү Канадалык Centerra Gold Inc. компаниясы менен сүйлөшүүлөрдү жүргүзүп жаңы келишимдин долбоору даярдалган.

"Учурда "Кумтөрдүн" чет өлкөдө сакталган 23 миллион доллар рекультивациялык фонду Кыргызстандын банкына которулат. Ал 7-8 жылдын ичинде 70 миллион долларга чейин көтөрүлөт", — деди Исаков.

Премьер аталган кендин бир топ жыл казылып, иштешине өкмөт бир нече кадамдарды жасашы керектигин айтты

"8-10 жылдан кийин "Кумтөр" кени жабылат, бирок, кендин узак иштешине аракет кылышыбыз керек", — деди Исаков.

Республиканское национальное собрание в Кливленде - Sputnik Кыргызстан
Centerra акциялары боюнча сотто "Кыргыз алтын" толугу менен утуп чыкты
Ал "Кумтөрдү" иштетүүдө эң биринчи орунга экологияны сактоону коюу керек деген пикирин айтып, Centerra Gold Inc. компаниясы жаңыдан түзүлгөн "Жаратылышты өнүктүрүү" фондусуна 50 миллион доллар которорун кошумчалады. Ал каражат биринчи кезекте Ысык-Көлдүн жээгинде суу тазалоочу заманбап түтүктөрдү курууга, жаңылоого сарпталарын айтты.

Ошондой эле социалдык өнөктөштүктүн алкагында канадалык инвесторлор Бишкектеги онкологиялык борборду техникалык модернизациялоодон өткөрүүгө 10 миллион доллар бөлүүгө даяр экендигин кошумчалады.

Улуу Британия кен жабылгандан кийин Кыргызстандын каржы мекемелерине калыбына келтирүү иштери аяктаганга чейин жыл сайын 6 миллион доллар которуп турат. Бул каражаттын көлөмү 69 миллион доллардан кем болбойт.

Жаңылыктар түрмөгү
0