Продажа MegaСom в КР

Нагорнаянын бизнеси. MegaCom боюнча келишим кайда түзүлүшү мүмкүн

164
(жаңыланган 22:39 30.09.2017)
Өлкөдө MegaCom компаниясын 14,5 миллиард сомго сатып алууга ниеттенген россиялык Елена Нагорнаяга кызыгуу күч алды. Мындан улам Sputnik Кыргызстан россиялык жарандын эмне бизнеси бар экенине жана Кыргызстандын Мамлекеттик мүлктү башкаруу фондусу анын төлөө жөндөмдүүлүгү тууралуу эмне билерине кызыгып көрдү.

"За честный бизнес" порталынын маалыматы боюнча "Альфа Телеком" ЖАК акцияларынын 100 пайызын сатып алууну пландаган россиялык Елена Нагорнаянын төрт жоопкерчилиги чектелген коому (Россияда бул ООО деген кыскартылган аталышта) бар. Мамлекеттик ачык маалыматтарды жарыялаган бул портал өзүн контрагенттерди текшерген жалпы россиялык тутум катары сыпаттайт.

Майнап чыкпаган бир канча аукциондордон соң толугу менен КР өкмөтүнө таандык болгон уюлдук оператор быйыл 25-августта түз сатыкка чыгарылган. Ишкананы сатып алууну каалагандардан арыз кабыл алуу мөөнөтү 25-сентябрда аяктаган. Объектинин акысы 13,5 миллиард деп бааланып, ага кошумча жалпы сумманын 7 пайызы комиссиялык төлөм катары каралган. Ошондой эле сатып алуучу аталган ишкананын сот иштерин да мойнуна алмак. "Альфа Телеком" компаниясын сатып алуу ниетин жападан жалгыз россиялык Елена Нагорная билдирип, арыз берген. 

Бул коомчулукту, анын ичинде Жогорку Кеңешти да дүрбөлөңгө салды. Ал эми Нагорная өзү Sputnik Кыргызстанга ал "чех ишканасы" эместигин билдирген.

Нагорнаянын ишканалары боюнча маалымат издөөдө анын Россиянын Федералдык салык кызматынын сайтында тастыкталган жеке идентификациялык номери колдонулган.

Нагорнаянын компаниялары жана ишканалары

Компанияларынын тизмеси (2016-жылга карата алынган "За честный бизнес" сайтындагы маалыматтар):

  • ООО "Контраст-Ти". Негиздөөчүсү (уставдык капиталынын 100 пайызына ээ) жана жетекчиси. Негизги ишмердиги: чай, кофе өндүрүү жана кошумча дагы ишмердиктин 31 түрү камтылган. Түшкөн акчасы — 4 миллион 644 миң рубль, чыгашасы — 239 миң рубль.
  • ООО "Кени-Ти". Негиздөөчү (уставдык капиталдын 100 пайызына ээ) болуп саналат. Негизги ишмердиги: чай, кофе өндүрүү жана кошумча 18 ишмердик түрү, түшкөн акчасы — 19 миң рубль, тапкан пайдасы — 2 миң рубль.
  • ООО "Африка ТМ". Түптөөчүлөрдүн бири (уставдык капиталдын 50 пайызына ээ) жана жетекчиси. Азык-түлүк, суусундук жана тамеки түрлөрүн дүңүнөн сатуу боюнча агенттер жана кошумча ишмердиктин 14 түрү менен алектенет. Түшкөн каражаты жана көргөн пайдасы — 0 рубль.
  • ООО "Бизнес контраст". Негиздөөчүсү (уставдык капиталдын 100 пайызына ээ) жана жетекчиси. Жүк ташууга байланышкан көмөкчү жана кошумча дагы 14 ишмердиктин түрү менен алектенет. Түшкөн каражаты жана көргөн пайдасы — 0 рубль.

Ошондой эле аталган порталдын маалыматы боюнча ал үч ишкананы жетектейт.

Сапаттуу, коопсуз азык-түлүк өндүрүүчү жана жабдып туруучулардын ассоциациясы. Жетектейт, негиздөөчүлөрү — "Кени Ти" жана "Контраст-Ти" компаниялары. Түшкөн каражат — 0 рубль, чыгашасы — 28 миң рубль. Негизги ишмердиги: коммерциялык, башкаруучулук боюнча кеңеш берүү жана кошумча дагы төрт ишмердикти жүргүзөт.

Жергиликтүү жана "Африка өлкөлөрүнүн соода альянсы" африкалык ишканалардын кызматташтыгына жардам көрсөтүүчү коммерциялык эмес өнөктөштүгү. Жетекчиси болуп саналат, түптөөчүлөрү — "Кени Ти" жана "Контраст-Ти" компаниялары. Түшкөн каражаты — 0 рубль. Негизги ишмердиги: коммерциялык жана башкаруу маселелери боюнча кеңеш берүү жана кошумча дагы төрт ишмердик менен алектенет.

"Кения үйү" аталган кениялык жана жергиликтүү ишканалардын кызматташтыгына көмөктөшүүчү коммерциялык эмес өнөктөштүк. Аны өзү жетектейт, ал эми түптөөчүлөрү —"Кени Ти" жана "Контраст-Ти" компаниялары. Түшкөн каражаты жана пайдасы — 0 рубль. Негизги ишмердиги: коммерциялык жана башкаруу маселелери боюнча кеңеш берүү жана кошумча дагы төрт ишмердикти алып барат.

MegaCom боюнча сатуу-сатып алуу келишими Швейцария аркылуу жүрөт

Төлөө кудурети боюнча Нагорнаянын өзү менен байланышууга мүмкүн болгон жок. Ошондуктан редакция Мамлекеттик мүлктү башкаруу фондусунун (ММБФ) төрагасы Болсунбек Казаковго кайрылды. Ал шаршемби күнкү Нагорная менен болгон жолугушуунун жыйынтыктарын айтып берди.

"Жакын арада ал кандай каражаттарга ээ экенин жана алардын келип чыгышын көрсөткөн документтерин тапшырат. Коомчулуктагы дүрбөлөң себебин түшүнбөй турам, компания тымызын сатып жиберилбейт. Сатып алууда каражатынын бир бөлүгү жеке акчасынан, экинчи бөлүгү насыя болушу ыктымал. Бирок булардын баары ачык көрсөтүлөт, биздин башкы талабыбыз – ал акчанын таза болушу", — деп белгиледи Казаков.

Фонддун башчысы азыр тапшырык гана кабыл алынганын, эч кандай келишимге кол коюла электигин эске салды.

КР өкмөтүнүн сот өкүлчүлүгү борбору Liglass Trading CZ, SRO компаниясынын билдирүүсүнө жооп даярдады
© Пресс-служба президента КР / Султан Досалиев
"Нагорная сатуу-сатып алууну Швейцариядан бир юридикалык компания коштой турганына бизди ынандырууда. Бул келишимди да швейцариялык банк тейлемекчи. Ал жакта мыйзам өтө олуттуу, ыпластыктарга жол бербейт. Ошондой эле анын айтымында, келишим камсыздандырылат, кандайдыр бир шек жаралса, камсыздандыруудан баш тартышат", — деди ММБФ төрагасы.

Казаков уюлдук операторду сатуу зарылдыгы боюнча чечим Жогорку Кеңеш жана Коопсуздук кеңешинин деңгээлинде кабыл алынганын да эсибизге салды.

"Нагорная кризис-менеджер да болуп саналат, россиялык жана африкалык ишкерлерге бири-биринин рынокторуна кирүүгө көмөк көрсөтөт. Чай-кофе сатат деген кеп… Бул анын ишканаларынын ишмердиги", — деп кошумчалады Казаков.

Тарыхы

Акцияларынын 100 пайызы мамлекетке таандык болгон ири уюлдук операторду былтыркы жылдын февралында 19 миллиард сомдун тегерегиндеги баштапкы баасы менен сатыкка чыгарылган. "Альфа Телеком" ЖАК акцияларынын мамлекеттик пакетин сатуу боюнча аукцион май айында болмок, бирок эч бир тапшырыктын жоктугунан жылдырылган. Жыйынтыгында ал кездеги ММБФ төрагасы Алмаз Кадыркулов кызматынан кеткен. Кийинки аукционду декабрь айына белгилешкен, анда уюлдук оператордун баштапкы баасы 14 миллиард 255 миллион 250 миң сомду түзгөн. Бирок соодалоо анда да жүргөн эмес. 2017-жылдын июнь айына 13,5 миллиард сом баштапкы баасы менен дагы бир аукцион коюлган, бирок дагы тапшырык түшкөн эмес.

164
Белгилер:
MegaCom, Елена Нагорная, Болсунбек Казаков, Кыргызстан
Тема:
"Альфа Телеком" (MegaCom) жабык акционердик коомун менчиктештирүү (30)
Тема боюнча
MegaCom компаниясын 14,5 млрд. сомго РФ жараны сатып алууга ниеттенип жатат
MegaCom компаниясын сатып алам деген Нагорная: мен чех компаниясы эмесмин
Акча санап жаткан аял. Архив

Мэрия: бишкектик ишкерлер июлда 395 миң сом айыпка жыгылды

25
(жаңыланган 10:51 06.08.2020)
Мэриядан билдиришкендей, июль ичинде шаар боюнча санитардык эрежени бузгандардын көпчүлүгү кафе жана тез татым түйүндөрү.

БИШКЕК, 6-авг. – Sputnik. Июль айынын ичинде бишкектик ишкерлер санитардык талаптарды бузгандыгы үчүн 395 миң сомго айыпка жыгылды. Бул тууралуу шаар жетекчилигинен билдиришти.

"Эреже бузгандардын көпчүлүгү кафе жана тез татым түйүндөрү. Ошондой эле ишмердүүлүгүнө уруксат берилбеген, бирок жашыруун иштеп жүргөн компьютердик клубдарда дагы тартип сактабагандык байкалууда", — деп айтылат мэриянын билдирүүсүндө.

Пандемия учурунда коюлган талаптардын сакталышына көз салган Санитардык-экологиялык инспекция иштей баштагандан бери 289 протокол түзүлүп, 1 миллион 287 миң сом айып салынганы айтылат.

"Бишкек асфальттын" жетекчиси жолдогу чуңкур үчүн айыпка жыгылды. Сүрөт

Санитардык-экологиялык инспекциясынын байланыш номерлери:

  • Биринчи май району: 0555 404 818;
  • Свердлов району: 0551 551 745;
  • Октябрь району: 0 500 210 470;
  • Ленин району: 0500 085 580.
25
Белгилер:
пандемия, айып пул, эреже, Бишкек мэриясы, Бишкек
Тема боюнча
Өкмөт "Коопсуз шаардан" түшкөн айып пулга тез жардам унааларын алат
Экономика министрлигинин имараты. Архив

Экономика министрлиги келечекте тоо-кен өнөр жайын басып өтчү тармакты атады

127
Өндүрүштүк көлөмдөгү масштабга ээ болгон инновациялык идеялар ишке ашса, өлкөнүн экономикасына чоң киреше алып келип, капиталдык салымдарды рационалдаштырат, экспорттук мүмкүнчүлүктөрдү жогорулатат.

БИШКЕК, 5-авг. – Sputnik. Экономика министрлиги креативдүү экономиканы өнүктүрүү боюнча концепцияны иштеп чыгууга киришти. Бул тууралуу ведомствонун маалымат кызматынан билдиришти.

Концепция креативдүү индустриянын инновациялык багытын алдыга жылдыруу, өнүктүрүү үчүн укуктук жана экономикалык негиздерди түптөп бериши керек.

Министрликтин маалыматына караганда, Кыргызстандын ички дүң продукциясында креативдүү экономиканын үлүшү 7 пайызды түзөт. Бул тармакка реклама, архитектура, искусство, интерьер дизайны, мода индустриясы, кино индустриясы жана видео өндүрүш, көңүл ачуучу компьютердик программалар жана оюндар, музыка, театралдык искусство, арт-дизайн, көркөм сүрөт исскуствосу, басылма иши, телекөрсөтүү, радио жана башкалар кирет.

Бюджетти толтуруу үчүн ички киреше булактары аныкталууда. Алар кайсылар?

"Өндүрүштүк көлөмдөгү масштабга ээ болгон инновациялык идеялар ишке ашса, өлкөнүн экономикасына чоң киреше алып келип, капиталдык салымдарды рационалдаштырат, экспорттук мүмкүнчүлүктөрдү жогорулатат", — деп айтылат билдирүүдө.

Ошондой эле министрлик креативдүү индустрия сектору келечекте улуттук экономиканын тоо-кен өнөр жайынан жана мигранттардын акча которууларынан көз каранды болуусун жок кылат деген пикирде.

Мындан тышкары, өлкөнүн маданий мурастарынын кайра жаралуусуна жардам берери кошумчаланат.

127
Белгилер:
идея, чыгармачылык, экономика, Кыргызстан
Тема боюнча
COVID-19дун айынан Кыргызстанда майнинг-фермалар эми салык төлөмөкчү
Военнослужащие Национальной гвардии во время показательных выступлений в Бишкеке

Кыргыз-тажик чек арасындагы атышуу: тараптар эки иликтөө жүргүзө турган болду

0
Бүгүнкү жолугушууда көйгөйлөрдү өз учурунда чечүү жана мындан аркы чатактардын болушуна жол бербөө үчүн мамлекеттик органдардын өз ара иштешүү зарылдыгы айтылды.

БИШКЕК, 6-авг. — Sputnik. Бүгүн Тажикстандын Ходжаи айылында Баткен жана Согди облустарынын жетекчилеринин орун басарлары,  эки тараптын чек ара кызматтарынын жана тартип коргоо органдарынын өкүлдөрү жолукту.

Ага катышкандар эки факты -  КРдин Мамлекеттик чек ара кызматынын аскеринин жаракат алышы жана тажикстандык жарандын ок жеп каза болушу боюнча ар бир тарап өзүнчө тактап, иликтөө жүргүзүү чечимине келишти. 

Андан сырткары коңшулардын октон жеп каза болгон тажикстандык жаран  боюнча маалыматтары такталды.

Эске салсак, Бүгүн эртең менен кыргыз-тажик чек арасында коңшулар тараптан ок атуу болуп, Кыргызстандын чек арачысы жаракат алгандыгы тууралуу маалымат тараган. Баткен облусунун Эки-Таш аймагында Тажикстан тараптан белгисиз адамдар аңчылык курал менен Кыргызстандын чек ара кызматынын аскерине ок атып, ал жоокердин колун тешип өткөнү маалым болгон.

 Бүгүнкү жолугушууда келип чыккан көйгөйлөрдү өз учурунда чечүү жана мындан аркы чатактардын болушуна жол бербөө үчүн мамлекеттик органдардын өз ара иштешүү зарылдыгы айтылды. 

Тараптар андан сырткары  чек арага жакын аймактарда жашагандарга түшүндүрүү иштерин улантмакчы.

Учурда кыргыз-тажик чек арасында абал туруктуу деп бааланды.

0