Президент Алмазбек Атамбаев жекшемби күнү Өзбекстан ТИМ жетекчиси Абдулазиз Камиловду кабыл алып, эки тараптуу маселе талкууланды

Атамбаев Өзбекстандын тышкы иштер министрин кабыл алды

70
(жаңыланган 12:57 07.11.2017)
Сентябрда Бишкекке Өзбекстан президенти Шавкат Мирзиёев келсе, бир айдан соң Ташкентке кыргыз президенти Алмазбек Атамбаев барган.

БИШКЕК, 6-ноя. — Sputnik. Президент Алмазбек Атамбаев жекшемби күнү Өзбекстан ТИМ жетекчиси Абдулазиз Камиловду кабыл алып, эки тараптуу маселе талкууланды. Бул туурасында мамлекет башчынын маалымат кызматына кабарлашты.

Жолугушууда Кыргызстан менен Өзбекстандын өз ара алакалары, аларды өнүктүрүү жолдору талкууланган.

Маалыматта тараптар буга чейин болгон эки өлкөнүн президенттеринин жолугушуусунан кийин түзүлгөн келишимдин акыбетин сүйлөшкөн. Мындан сырткары транспорт, туризм жана соода-экономикалык тармакта кызматташууга маани берүү белгиленген.

70
Белгилер:
сүйлөшүүлөр, Абдулазиз Камилов, Алмазбек Атамбаев
Тема боюнча
Атамбаев менен Мирзиёев телефон аркылуу баарлашты
Сабиз. Архив

Сабиздин кымбатташы. Чүй менен Бишкекте кампалар текшерилип жатат

135
(жаңыланган 20:18 16.06.2021)
Монополияга каршы күрөшүү агенттигинин кызматкерлери Бишкек менен Чүйдүн аймагындагы дүңүнөн саткан жайларды, кампалардагы запасты текшерип жатышат.

БИШКЕК, 16-июн. — Sputnik. Монополияга каршы күрөшүү мамлекеттик агенттиги сабиз кымбаттап кеткенине байланыштуу түшүндүрүү иштерин жүргүзүп жатат. Бул тууралуу аталган агенттиктен билдиришти.

Иш-чаранын алкагында Монополияга каршы күрөшүү агенттигинин кызматкерлери Бишкек менен Чүйдүн аймагындагы дүкөндөргө мониторинг жүргүзүп, кампаларды текшерип жатат. Ошондой эле ортомчулар дагы аныкталууда.

"Бүгүн Чүй облусуна караштуу Москва районундагы Александровка айылынын жергиликтүү бийлик өкүлдөрү менен жолугушуу болду. Анда монополияга каршы күрөшүү боюнча мыйзамдарды бузуу фактыларын аныктоо маселеси талкууланды", — деп айтылат маалыматта.

Мындан сырткары, жергиликтүү бийлик өкүлдөрү менен биргеликте сабиз өстүргөн фермерлер менен дагы жолугушуу болуп, түшүндүрүү иштери жүргүзүлдү.

135
Белгилер:
баалар, монополия, Сабиз, Чүй облусу, Бишкек
Тема боюнча
Сабиз менен картошканы сыртка сатууга тыюу салынат
Жашылча-жемиш сатып алып жаткан адам. Архив

Сабиз менен картошканы сыртка сатууга тыюу салынат

88
(жаңыланган 19:09 16.06.2021)
Өлкөдө азык-түлүк кымбаттоодо. Буга чейин министрлик башка продукциянын чет жакка сатылуусун чектөөнү сунуштаган.

БИШКЕК, 16-июн. — Sputnik. Айыл чарба, суу жана аймактарды өнүктүрүү министрлиги сабиз менен картошканы Кыргызстандан сыртка сатууга убактылуу тыюу салат. Бул тууралуу Монополияга каршы күрөшүү боюнча мамлекеттик агенттикте өткөн жыйында маалым болду.

Аталган жашылчаларды сатууга тыюу кийинки жумадан тарта салынып, чектөө күзгө чейин созулушу мүмкүн.

Кыргызстанда айыл чарба продукциясы кымбаттап жаткан учур. Ушу тапта сабиздин бир килограммы 100 сомдун тегерегинде болсо, картошка 60-70 сомдон сатылууда.

Буга чейин министрлик жарым жылга чейин бир катар азык-түлүктү сыртка сатууга тыюу салган. Мындай кадам кургакчылык сыяктуу бир катар себептерден улам жасалууда.

Фермерлер сугат суунун тартыштыгынан улам кырдаал курч экенин айтып чыгышкан. Чүй облусунда суунун жетишсиздигинен улам айдалган 100 миң гектар жердин алты миң гектары куурап кеткен. Бийлик буга мөңгүлөрдүн эрибей жатканы да себеп экенин билдирген болчу.

88
Белгилер:
тыюу салуу, экспорт, фермер, Мөңгү, Картошка, Сабиз, азык-түлүк, суу
Тема боюнча
Марипов: эгер эртең суу дыйкандарга жетпесе аткаминерлерге катуу чара көрөбүз
АКШ президенти Жо Байден

Байдендин маалымат жыйынына россиялык журналисттерди киргизбей коюшту

0
Россия лидеринин жыйынтыктоочу маалымат жыйынына АКШлык журналисттер дагы катышып, суроолоруна жооп ала алышты.

БИШКЕК, 17-июн. — Sputnik. Россиялык журналисттерди АКШ президенти Жо Байдендин маалымат жыйынына киргизбей коюшканын Sputnik International кабарлады.

Маалыматка карганда, аларды аталган иш-чарага аккредитациядан өткөрбөй коюшкан.

Ак үйдүн маалымат кызматы чет элдик журналисттерди каттоого ала турган кызматкердин байланыш номерин берген. Бирок ал россиялык журналисттердин өтүнүчүн көңүл сыртында калтырып койгону айтылат.

Эске салсак, бүгүн Жо Байден менен Владимир Путин Женева саммитинен кийин Ла Гранж вилласынан көрүшүп, эки этап менен сүйлөшүүлөрдү жүргүздү. Россия лидеринин жыйынтыктоочу маалымат жыйынына АКШлык журналисттер дагы катышып, суроолоруна жооп ала алышты.

0
Белгилер:
журналист, Женева, Владимир Путин, Жо Байден
Тема боюнча
Өзөктүк согушта жеңүүчү болбойт! Путин менен Байдендин биргелешкен билдирүүсү
Путин Байден менен жолугушуусу кандай өткөнүн айтып берди
Путин: Байден “жан алгыч” деп эмнеге айтканын түшүндүргөн
Путин менен Байден RT жана Sputnik радиосунун ишин талкуулады