MegaCоm компаниясынын сим-картасы. Архивдик сүрөт

Маммүлк MegaCom Нагорнаяга эмне үчүн сатылбай калганын түшүндүрдү

364
(жаңыланган 13:44 16.11.2017)
Россиялык ишкер Елена Нагорная "Альфа Телекомду" сатып алуу ниетин билдирген болчу

БИШКЕК, 15-ноя. — Sputnik. Россиялык ишкер Елена Нагорнаяга "Альфа Телеком" ЖАКы (MegaCom соода маркасы) эмне себептен сатылбай калганын Мамлекеттик мүлктү башкаруу фондусунун жетекчиси Болсунбек Казаков Sputnik Кыргызстан агенттигине айтып берди.

Белгилей кетсек, буга чейин Нагорнаяга "Альфа Телекомдун" 100 пайыз акциясын сатуу боюнча сүйлөшүүлөр токтотулганы маалым болгон.

Казаковдун айтымында, Нагорнаянын компаниясы Кыргызстан тараптан коюлган шарттарды аткарган эмес.

"Алар финансылык, юридикалык маселелерди карап таанышып чыккандан кийин бизге компанияны азыртан тарта башкарып андан кийин сатып алуу сунушун киргизишти. Биздин мыйзамда андай ыкма жок. Жарыя кылган талапка ылайык, түз келишим түзүлүшү керек болчу. Андыктан биздин шарттарга туура келбегендиктен сүйлөшүүлөрдү расмий түрдө токтоттук", — деди Казаков.

Ал ошондой эле "Альфа Телеком" ЖАКтын акциясын сатуу боюнча аракеттер уланарын, кийинки жолу качан аукционго коюлары өкмөт менен макулдашылып, бардык кадамдар иликтенгенден кийин белгилүү болорун кошумчалады.

"Биз бардыгын мыйзам чегинде аткарып жатабыз. Жогорку Кеңештин жана өкмөттүн компанияны сатуу боюнча чечими бар. Сатуу шарттарын карап, улам жаңы ыкманы колдонуп жатабыз. Бул жаатта иш улана берет", — деди ал.

Казаков ошондой эле бул жерде жумурткадан кыр издөөнүн кажети жоктугун, уюлдук компания акционери алмашабы-алмашпайбы иштеп, кызматын көрсөтө берерин айтты.

100 пайыз акциясы мамлекетке тиешелүү болгон уюлдук оператор аукционго 2016-жылы февралда 19 миллиард сомдук баа менен коюлуп, бирок сатылбай калган. Кайра май айында аукционго уюштурулуп, арыз келип түшпөгөндүктөн кийинкиге калган. Анын айынан ошол убакта Мамлекеттик мүлк фондун башкарып жаткан Алмаз Кадыркулов кызматтан кетүүгө аргасыз болгон. Кийинки аукцион декабрга пландалып, уюлдук оператордун баасы 14 миллиард 255 миллион 250 миң сом деп бааланган. Ал аукцион да ишке ашпай калган.

2017-жылдын июнь айына кезектеги аукцион белгиленип, компаниянын баштапкы баасы 13,5 миллиард сом деп бааланган. Бирок аукционго катышуу үчүн бир дагы арыз түшкөн эмес.

Ал эми сентябрдын аягында аталган уюлдук компанияны РФ жараны Елена Нагорная сатып алуу ниетин билдирген.

364
Белгилер:
MegaCom, Альфа-Телеком, Болсунбек Казаков
Тема:
"Альфа Телеком" (MegaCom) жабык акционердик коомун менчиктештирүү (30)
Тема боюнча
MegaCom Елена Нагорнаяга сатылбай калды
Казаков: MegaCom качан сатылары жыл аягына чейин белгилүү болот
Нагорнаянын бизнеси. MegaCom боюнча келишим кайда түзүлүшү мүмкүн
Сабиз. Архив

Сабиздин кымбатташы. Чүй менен Бишкекте кампалар текшерилип жатат

135
(жаңыланган 20:18 16.06.2021)
Монополияга каршы күрөшүү агенттигинин кызматкерлери Бишкек менен Чүйдүн аймагындагы дүңүнөн саткан жайларды, кампалардагы запасты текшерип жатышат.

БИШКЕК, 16-июн. — Sputnik. Монополияга каршы күрөшүү мамлекеттик агенттиги сабиз кымбаттап кеткенине байланыштуу түшүндүрүү иштерин жүргүзүп жатат. Бул тууралуу аталган агенттиктен билдиришти.

Иш-чаранын алкагында Монополияга каршы күрөшүү агенттигинин кызматкерлери Бишкек менен Чүйдүн аймагындагы дүкөндөргө мониторинг жүргүзүп, кампаларды текшерип жатат. Ошондой эле ортомчулар дагы аныкталууда.

"Бүгүн Чүй облусуна караштуу Москва районундагы Александровка айылынын жергиликтүү бийлик өкүлдөрү менен жолугушуу болду. Анда монополияга каршы күрөшүү боюнча мыйзамдарды бузуу фактыларын аныктоо маселеси талкууланды", — деп айтылат маалыматта.

Мындан сырткары, жергиликтүү бийлик өкүлдөрү менен биргеликте сабиз өстүргөн фермерлер менен дагы жолугушуу болуп, түшүндүрүү иштери жүргүзүлдү.

135
Белгилер:
баалар, монополия, Сабиз, Чүй облусу, Бишкек
Тема боюнча
Сабиз менен картошканы сыртка сатууга тыюу салынат
Жашылча-жемиш сатып алып жаткан адам. Архив

Сабиз менен картошканы сыртка сатууга тыюу салынат

88
(жаңыланган 19:09 16.06.2021)
Өлкөдө азык-түлүк кымбаттоодо. Буга чейин министрлик башка продукциянын чет жакка сатылуусун чектөөнү сунуштаган.

БИШКЕК, 16-июн. — Sputnik. Айыл чарба, суу жана аймактарды өнүктүрүү министрлиги сабиз менен картошканы Кыргызстандан сыртка сатууга убактылуу тыюу салат. Бул тууралуу Монополияга каршы күрөшүү боюнча мамлекеттик агенттикте өткөн жыйында маалым болду.

Аталган жашылчаларды сатууга тыюу кийинки жумадан тарта салынып, чектөө күзгө чейин созулушу мүмкүн.

Кыргызстанда айыл чарба продукциясы кымбаттап жаткан учур. Ушу тапта сабиздин бир килограммы 100 сомдун тегерегинде болсо, картошка 60-70 сомдон сатылууда.

Буга чейин министрлик жарым жылга чейин бир катар азык-түлүктү сыртка сатууга тыюу салган. Мындай кадам кургакчылык сыяктуу бир катар себептерден улам жасалууда.

Фермерлер сугат суунун тартыштыгынан улам кырдаал курч экенин айтып чыгышкан. Чүй облусунда суунун жетишсиздигинен улам айдалган 100 миң гектар жердин алты миң гектары куурап кеткен. Бийлик буга мөңгүлөрдүн эрибей жатканы да себеп экенин билдирген болчу.

88
Белгилер:
тыюу салуу, экспорт, фермер, Мөңгү, Картошка, Сабиз, азык-түлүк, суу
Тема боюнча
Марипов: эгер эртең суу дыйкандарга жетпесе аткаминерлерге катуу чара көрөбүз
АКШ президенти Жо Байден

Байдендин маалымат жыйынына россиялык журналисттерди киргизбей коюшту

0
Россия лидеринин жыйынтыктоочу маалымат жыйынына АКШлык журналисттер дагы катышып, суроолоруна жооп ала алышты.

БИШКЕК, 17-июн. — Sputnik. Россиялык журналисттерди АКШ президенти Жо Байдендин маалымат жыйынына киргизбей коюшканын Sputnik International кабарлады.

Маалыматка карганда, аларды аталган иш-чарага аккредитациядан өткөрбөй коюшкан.

Ак үйдүн маалымат кызматы чет элдик журналисттерди каттоого ала турган кызматкердин байланыш номерин берген. Бирок ал россиялык журналисттердин өтүнүчүн көңүл сыртында калтырып койгону айтылат.

Эске салсак, бүгүн Жо Байден менен Владимир Путин Женева саммитинен кийин Ла Гранж вилласынан көрүшүп, эки этап менен сүйлөшүүлөрдү жүргүздү. Россия лидеринин жыйынтыктоочу маалымат жыйынына АКШлык журналисттер дагы катышып, суроолоруна жооп ала алышты.

0
Белгилер:
журналист, Женева, Владимир Путин, Жо Байден
Тема боюнча
Өзөктүк согушта жеңүүчү болбойт! Путин менен Байдендин биргелешкен билдирүүсү
Путин Байден менен жолугушуусу кандай өткөнүн айтып берди
Путин: Байден “жан алгыч” деп эмнеге айтканын түшүндүргөн
Путин менен Байден RT жана Sputnik радиосунун ишин талкуулады