Темир жол. Архив

Кыргызстан менен Өзбекстан темир жол курууну 25-декабрда сүйлөшөт

120
(жаңыланган 17:52 14.12.2017)
Кыргызстан менен Өзбекстандын президенттери Кытай — Кыргызстан — Өзбекстан темир жолун куруу боюнча маселени талкуулашты.

БИШКЕК, 14-дек. — Sputnik. Кыргызстан менен Өзбекстан темир жол куруу долбоору боюнча биргелешип иштемекчи. Бул туурасында президент Сооронбай Жээнбеков Ташкенттеги расмий иш сапары учурунда айтты.

13-декабрда Ташкентке расмий иш сапар менен барган Жээнбеков Өзбекстан башчысы Шавкат Мирзиёев менен кеңири жана тар чөйрөдө жолукту. Андан соң мамлекеттердин башчылары журналисттер үчүн биргелешкен билдирүү жасашты.

"Темир жол куруу долбоору боюнча жумушчу топтор 25-декабрда жолугат. Бүгүнтөн тарта эле биргелешкен ишканаларды түзүү, өндүрүштүк линияны жөнгө салуу боюнча келишимдердин ишке ашып бара жатканын байкоого болот", — деди Жээнбеков.

Премьер-министр Сапар Исаков Кумтөр кенинде. Архивдик сүрот
© Пресс-служба правительства / Сабыр Аильчиев
Мамлекет башчы темир жол куруу өлкөнүн транзиттик мүмкүнчүлүгүн арттырып, негизинен транспорттук инфраструктураны өнүктүрүүнү шарттайт.

Жээнбеков аны менен катар эле Ош, Жалал-Абад жана Баткенди коңшу Өзбекстан менен байланыштырган жүргүнчүлөр каттамын кайра жандандыруу мүмкүнчүлүгүн карап көрүүнү сунуштады.

Кытайды Борбор Азия мамлекеттери менен байланыштыра турган темир жол куруу долбоору 20 жылдан бери талкууланып келет. Бир нече багыттар, анын ичинен Кытайдан Өзбекстанга, Түркмөнстан, Иранга кетип, андан ары Түркиядагы портторго жетип, андан ары деңизге чыгуу каралган. Тараптар жолдун туурасы, тагыраагы колеясы, тагыраагы наркы боюнча талаштуу маселеге келип такалып калган. Жетүүгө кыйыныраак болгон тоолор аркылуу өтүүдө суроо жаралган.

120
Белгилер:
деңиз, долбоорлор, келишим, темир жол, Түркия, Кытай, Өзбекстан
Тема боюнча
Өзбекстан — Кыргызстан — Кытай темир жолун куруу келишимине жайында кол коюлат
Атамбаев: Кытай — Кыргызстан — Өзбекстан темир жолун курууга насыя алуу керек
Алча түшүмү. Архив

Кыргызстан азык-түлүктүн жаңы түрлөрүн Кытайга экспорттоону көздөп жатат

114
(жаңыланган 23:48 19.09.2020)
Мамлекет башчы фермерлер Кытайга таза бал, гилас, коон, ун, сүт азыктарын сатууга мүмкүнчүлүк алышканын белгиледи.

БИШКЕК, 19-сен. — Sputnik. Кыргызстан бир катар жаңы азык-түлүктүн түрлөрүн Кытайга экспорттоонун үстүндө аракеттерди көрүп жатат. Бул тууралуу президент Сооронбай Жээнбеков "Биринчи радиого" берген кезектеги маегинде айтты.

Кытайдын тышкы иштер министри Ван Инин жакында эле Кыргызстанга келген иш сапары тууралуу суроого жооп берип жатып, өлкө башчы Кытай Кыргызстан үчүн чоң рынок экенин белгиледи.

"Алар биздин экологиялык таза азыктарыбызга кызыкдар. Биз мына ушул багытты күчөтүү ниетибиз бар экенин билдирдик. Тышкы иштер министри Ван И мырза жардам берерин билдирип, колдоду", — деп белгиледи мамлекет башчы.

Президенттин айтымында, экспорт маселеси Кытайдын төрагасы Си Цзиньпин Бишкекке Шанхай кызматташтык уюмунун саммитине келгенде дагы талкууланган.

"Кытай бизге чектеш, жакын. Бизден өндүрүлгөн азык-түлүктү Кытайдын Кашкар, Синьцзян аймактарына алып киргенге ыңгайлуу. Кытай башчысы "Кыргызстандын продукциясы эл аралык стандартка жооп берет, экологиялык жактан таза" деп, бизде өндүрүлгөн айыл чарба продукциясын тааныштырып, даамын көргөн. Ошондон кийин иш жыла баштады", — деди президент.

Жыл башынан бери КР кайсы мамлекеттерге канча азык-түлүк экспорттоду. Тизме

Жээнбеков фермерлер Кытайга таза бал, гилас, коон, ун, сүт азыктарын сатканга мүмкүнчүлүк алышканын белгиледи. Бирок коронавирус илдети чыккандан улам бул иш токтоп калган.

Президент кошумчалагандай, тиешелүү мамлекеттик органдар Кытайга буурчак, жүзүм, картошка, абрикос, жүгөрү, эт азыктарын жана башка айыл чарба продукцияларын экспорттоо боюнча сүйлөшүүлөр башталды.

114
Белгилер:
экспорт, экономика, Кытай, Сооронбай Жээнбеков
Тема боюнча
Президент Жээнбеков аны сындаган талапкерлер боюнча оюн айтты
Темир жол куруу иштери. Архив

Жээнбеков: Кытай Кыргызстан Өзбекстан темир жолун курууга Россия да кызыкдар

95
(жаңыланган 16:35 19.09.2020)
Өлкө башчы долбоорду ишке ашыруу үчүн учурда Кытай, Кыргызстан, Өзбекстан жана Россия мамлекеттеринин ортосунда (3+1 форматында) сүйлөшүүлөр активдүү жүрүп жатканын белгиледи.

БИШКЕК, 19-сен. — Sputnik. Кытай — Кыргызстан — Өзбекстан темир жолун куруу долбоорун ишке ашырууга Россия дагы катышкысы келип жатат. Бул тууралуу өлкө башчы Сооронбай Жээнбеков "Биринчи радиого" берген маегинде билдирди.

Анын айтымында, бул долбоорду ишке ашыруу үчүн учурда Кытай, Кыргызстан, Өзбекстан жана Россия мамлекеттеринин ортосунда (3+1 форматында) сүйлөшүүлөр активдүү жүрүп жатат.

"Бул долбоор бизге аба менен суудай керек. Аны сөзсүз ишке ашыруу зарыл. Кечээ илдет чыгып, пандемия башталып, чек аралар жабылганда биз оор абалда калдык. Темир жол абдан керек экенин дагы бир жолу көрдүк. Долбоорду ишке ашыруу боюнча эксперттер иштеп жатат. Жалпылап алганда ал долбоорго Кытай тараптын кызыгуусу бар. Темир жол долбооруна Россиянын катышуусу тууралуу да РФ менен сүйлөшкөнбүз. Азыр "Россия темир жолдору" бул маселе боюнча биздин темир жолдор менен тыгыз байланышта иштей баштады", — деди өлкө башчы.

Кытай менен байланыштыра турган аталган темир жол долбоору 20 жылга чукул убакыттан бери талкууланып келе жатат. Маршруттун бир нече варианттары каралган. Алардын ичинен Кытайдан Кыргызстан, Өзбекстан аркылуу Түркмөнстанга өтүп, андан ары Иранга чыгуу да пландалган.

Эске салсак, 14-сентябрда Кыргызстанга расмий иш сапары менен Кытайдын тышкы иштер министри Ван И келип, өлкө башчы Жээнбеков менен жолугушкан. Анда тараптар аталган долбоор тууралуу да кеп кылганы маалым болгон.

95
Белгилер:
долбоорлор, темир жол, Россия, Өзбекстан, Кытай, Кыргызстан
Тема боюнча
Факты болсо, жаза да болот. Жээнбеков добуш сатып алуу боюнча пикирин айтты
Сооронбай Жээнбеков: кудай алдында, өз абийиримдин алдында тазамын
Аэропорттогу жүргүнчүлөр. Архивдик сүрөт

Россияга барчу кыргызстандыктар үчүн чектөөлөрдүн баары алынды

0
(жаңыланган 22:33 20.09.2020)
Пандемиядан улам дээрлик бардык мамлекеттер чек арасын жаап, байланыш чектелген. Эпидемиологиялык абал турукташа баштагандан бери каттамдар жанданууда.

БИШКЕК, 20-сен. — Sputnik. 21-сентябрдан тарта Россияга барууну каалаган кыргызстандыктар үчүн бардык чектөөлөр алына турганын КРдин РФтеги элчилиги кабарлады.

Маалыматта эки өлкөнүн ортосундагы туруктуу авиакаттам жандангандыктан аба жолдору ачылганы айтылат.

Эми кыргызстандыктар Казакстанга учак менен гана бара алышат

"Азырынча рейс жумасына эки ирет "Аэрофлот" жана "Авиа Траффик" компаниялары аркылуу аткарылып турмакчы", — деп жазылат кабарда.

Мындан тышкары, Россияга барчу чет өлкөлүктөр коронавирус жок экенин тастыктаган ПЦР-тестинин жыйынтыгын көрсөтүшү шарт. Тестти жүргүнчү Россиянын аймагына кирген күнгө чейинки үч күндүн аралыгында тапшырышы зарыл.

0
Белгилер:
тест, коронавирус, элчилик, авиакаттам, Кыргызстан, Россия
Тема боюнча
Жалал-Абад шаарындагы айрым чектөөлөр алынмай болду
Премьер-министр Россияга болгон авиакаттамдарга чектөөлөр алынарын айтты