Бензинди текшерүү. Архивдик сүрөт

Министрлик: Кыргызстан K4 жана K5 класстагы бензинге бир жылдан кийин өтөт

161
(жаңыланган 12:23 13.01.2018)
Евразия экономикалык комитетинин Кыргызстан экологиялык күйүүчү майга өтөт деген билдирүүсүнө КРдин Экономика министрлиги түшүндүрмө берди

БИШКЕК, 12-янв. — Sputnik. Кыргызстан K4 жана K5 экологиялык класстагы бензинге 2019-жылдын 12-августунан тарта өтөт. Бул тууралуу КРдин Экономика жана өнөр жай министрлигинин маалымат кызматы билдирди.

Буга чейин Евразия экономикалык комитети (ЕЭК) билдирүү таратып, анда 2018-жылдын 1-январынан тарта Кыргызстан экологиялык жогорку класстагы күйүүчү майга өтүшү керектиги айтылган.

КР Экономика министрлиги техникалык регламенттин ишке кирүүсүн кийинкиге калтыра турчу документке таянууда. Ага ылайык, ЕЭКтин 2016-жылдын 26-январындагы жыйынында кабыл алынган чечими боюнча Бажы биримдигинин техникалык регламентти ишке ашыруу жол-жобосу Кыргызстандын аймагында 2019-жылдын 12-августунан тарта ишке кирет.

K4 жана K5 экологиялык класстагы күйүүчү майлар чыккан уулуу заттардын көлөмүн азайтат.

161
Белгилер:
сапат, бензин, ЕЭК, Экономика министрлиги
Тема боюнча
Кыргызстан К4 жана К5 классындагы бензинге өтөт. Артыкчылыгы эмнеде?
Кант арзандап, бензин кымбаттады. Жыл ичинде Кыргызстанда жашоо кандай өзгөрдү?
Пикирлер