Премьер-министр Сапар Исаковдун архивдик сүрөтү

Исаков Дубайдын "акылдуу шаар" долбоору менен таанышты. Премьерди коштоп баргандар

1043
(жаңыланган 17:27 11.02.2018)
Саммитке 150гө жакын мамлекеттен келген өкмөт мүчөлөрү менен эл аралык уюмдардын өкүлдөрү укук коргоо, саламаттык сактоо, инвестиция жаатында тажрыйба алмашат

ДУБАЙ, 10-фев. — Sputnik. Премьер-министр Сапар Исаков жетектеген делегация өкмөттөр аралык дүйнөлүк алтынчы саммитке катышуу үчүн Бириккен Араб Эмираттарына (БАЭ) келди.

Саммит 10-11-февраль күндөрү Дубай шаарында өтөт. Анын алкагында 150гө жакын мамлекеттен келген өкмөттөрдүн мүчөлөрү менен эл аралык уюмдардын өкүлдөрү укук коргоо, саламаттык сактоо, инвестиция жаатында дегеле мамлекеттик мекемелердин кызмат көрсөтүүсүн инновациялык жаңы деңгээлге чыгаруу боюнча тажрыйба алмашат.

Саммиттин алкагында өкмөт башчы бүгүн эки тараптуу бир нече жолугушууларды өткөрүүдө.

Алгач БАЭнин адам ресурстарын жана коомчулукту өнүктүрүү боюнча министри Хесса бинт Эсса Бухумейд менен жолукту.

Ошондой эле премьер Emaar Proporties инвестициялык компаниянын жетекчиси Мохамед Али Алаббар менен пикир алышты. Али Алаббар бизнестин өнүгүшү, ишканалардын жетишкендиги өкмөттүн күчтүүлүгүнөн көз каранды экенин баса белгилеп, Кыргызстанда өтө турган Көчмөндөрдүн Бүткүл дүйнөлүк оюндарына кызыгуусу жаралганын билдирди.

Учурда Дубай полициясынын башчысы Абдулла халиф Аль Марри калаадагы "Акылдуу шаардын" артыкчылыктарын делегация мүчөлөрүнө тааныштырууда.

Кыргызстандан келген делегациянын курамында Бишкек шаарынын мэри Албек Ибраимов, Инвестицияларды илгерилетүү агенттигинин жетекчиси Эсенкул Момункулов, Мамлекеттик маалыматтык технология жана байланыш комитетинин төрагасы Нурбек Абасканов, ошондой эле Кыргызстандын БАЭдеги ыйгарым укуктуу элчиси Чыңгыз Эшимбеков бар.

1043
Белгилер:
Дубай, Сапар Исаков, өкмөт, саммит
Тема боюнча
Сапар Исаков Дубайга учуп кетти. Максаты кандай?
Акча каражаттары. Архив

Жыл башынан бери импорттон алынган салыктын көлөмү 5,2 млрд. сомго көбөйдү

38
Бул сумма өткөн жылдын ушул мезгилине салыштырмалуу 5 миллиард 252,6 миллион сомго же 147,8 пайызга көп экени белгиленди.

БИШКЕК, 31-июл. — Sputnik. Үстүбүздөгү жылдын 1-январынан 15-июлга чейин ЕАЭБдин алкагында бюджетке импорттун кыйыр салыгынан 16 миллиард 231,6 миллион сом түштү. Бул тууралуу Мамлекеттик салык кызматы билдирди.

Аталган сумма өткөн жылдын ушул мезгилине салыштырмалуу 5 миллиард 252,6 миллион сомго же 147,8 пайызга көп экени белгиленди.

Ал эми ташып келинген жүктөргө товар коштоочу документтерди бербеген фактылар боюнча 1 021 материал мобилдүү топторго өткөрүлүп берилген. Мындай материалдардын саны былтыркыдан 567ге көбөйгөн.

38
Белгилер:
салык, импорт, товар, Мамлекеттик салык кызматы
Тема боюнча
Өлкөдө көмүскө экономиканын көлөмү кыскарды. Салык кызматы себебин айтты
Шайлоо жана референдум өткөрүү боюнча борбордук комиссиянын мүчөсү, Ысык-Көл жана Ош облустарынын мурдагы жетекчиси Узарбек Жылкыбаев

Жылкыбаев: үч баскычтуу бюджетке өтүшүбүз керек

61
Шайлоо жана референдум өткөрүү боюнча борбордук комиссиянын мүчөсү, Ысык-Көл жана Ош облустарынын мурдагы жетекчиси Узарбек Жылкыбаев өлкө эки баскычтуу бюджеттен үч баскычтуу бюджетке өтүү зарылдыгын айтты.

Эки баскычтуу бюджеттин автору - Акылбек Жапаров. Ал азыр мамлекетте маселе чечкен кызматта отурат, андыктан үч баскычтуу бюджетке өтүү оор го деп ойлойм. Бирок бул заман талабы болуп турат, облуска же районго бюджетти кайтарып берүү зарыл. Мындай пикирин Узарбек Жылкыбаев Sputnik Кыргызстан радиосунда маек куруп жатып билдирди.

Жылкыбаев: үч баскычтуу бюджетке өтүшүбүз керек

Анын айтымында, айрым салыктардан түшкөн кирешенин жарымын жергиликтүү бюджетте калтыруу абзел. Бул өз кезегинде аймактардын өнүгүшүнө шарт түзүп, айыл өкмөт, акимдердин ишине дем-күч берет.

"Учурда өлкөдө эки баскычтуу бюджет, бирок муну үч баскычтууга өткөрүп, районго же облуска бюджет каралышы шарт. Ошондой эле жер-жерлерден чогулган салыктардын жарымы ошол аймакта калтырылышы керек. Азыр иш кандай жүрүүдө? Салык кызматы борбордо отуруп алып районго план коёт. Ал пландын аткарылышына аким жоопкер болот, бирок райондук салык кызматынын жетекчисин аталган кызмат өзү бекитет. Мына ушундай башаламандыктар көп кездешүүдө. Бир сөз менен айтканда, "оюндун" шарты баарына ачык, түшүнүктүү болушу зарыл. Мамлекеттик кызматкер дагы, ишкер дагы так, даана түшүнүп, аткара турган мыйзамдар жазылганда аймактар өнүгөт", — деди Жылкыбаев.

Ал бардыгын башынан баштап, 1991-жылдарга кайтпай эле, иштеп жаткан мыйзамдардын элге ыңгайлуу жактарын калтырып, андан ары өнүктүрүү менен мыйзам долбоорлору сунушталышы керектигин кошумчалады.

Эске сала кетсек, президент тарабынан "Министрлер кабинети жөнүндө" мыйзам долбоору сунушталып, ал 22-июлда эл өкүлдөрүнүн кескин сынына кабылып, кайрадан редакциялоого артка кайтарылган.

Подкасттын толук вариантын видеодон көрүңүз:

61
Белгилер:
Узарбек Жылкыбаев, мыйзам, мамлекет, башкаруу
Тема боюнча
Карашев: өкмөт чечимди тезирээк кабыл алуусун мыйзамга киргизиш керек
Ооруканадагы бейтап. Архив

Бир суткада коронавирус 10 адамдын өмүрүн алды

0
(жаңыланган 14:45 01.08.2021)
Азыркы тапта коронавирус аныкталган 3 759 киши ооруканаларда дарыланууда. Алардын ичинен 1 100 бейтаптын абалы оор болсо, 222синин абалы өтө оор деп бааланды.

БИШКЕК, 1-авг. — Sputnik. Өткөн суткада өлкө боюнча коронавирустан 10 бейтап көз жумду. Бул тууралуу Саламаттык сактоо жана социалдык өнүктүрүү министрлигинин маалымат кызматы кабарлады.

Каза болгондор:

  • Бишкек шаары — 5;
  • Ысык-Көл — 3;
  • Нарын — 1;
  • Жалал-Абад — 1.

Ушуну менен Кыргызстанда жалпысынан 2 335 адам дарттын курмандыгы болду.

Азыркы тапта коронавирус аныкталган 3 759 киши ооруканаларда дарыланууда. Алардын ичинен 1 100 кишинин абалы оор болсо, 222 бейтаптын абалы өтө оор деп бааланды. Бүгүнкү күндө 10 369 адам үй шартында дарыланып жатканы кошумчаланды.

0
Белгилер:
Кыргызстан, коронавирус, оору, дарт, өлүм, статистика
Тема:
Коронавируска байланыштуу Кыргызстандагы кырдаал
Тема боюнча
COVID жуктургандарга Бишкек жана Чүйдүн ооруканаларындагы бош орундар
Кыргызстанда бир суткада 17 миңден ашык адам вакцина алды