Токтогул ГЭСинде оңдоо иштери. Архивдик сүрөт

Айбек Калиев: CASA-1000 долбооруна толук катышуу үчүн үч ГЭС оңдолуп жатат

157
(жаңыланган 19:16 27.02.2018)
Токтогул, Ат-Башы жана Үч-Коргон ГЭСтери толук кандуу иштесе, Кыргызстандын CASA-1000 долбоорунун алкагында жай мезгилинде электр энергиясын эч тоскоолдуксуз экспорттой алат

БИШКЕК, 27-фев. — Sputnik. CASA-1000 долбоорундагы милдеттемелерди толук кандуу аткаруу үчүн Кыргызстан үч ГЭСти жаңылап жатат. Бул тууралуу Улуттук энергохолдингдин төрагасы Айбек Калиев Sputnik Кыргызстан агенттигине билдирди.

"Былтыркы жылдын июль айында америкалык General Electric корпорациясы менен Токтогул ГЭСин реконструкциялоо боюнча сүйлөшүүлөр жүргөн. Азыркы иш пландар боюнча аталган ГЭС толугу менен 2022-23-жылга чейин оңдолуп бүтөт. Андан арткан акчага Үч-Коргон ГЭСин жаңылайбыз. Ошондой эле ушул тапта Ат-Башы ГЭСин оңдоо боюнча иштер жүргүзүлүүдө", — деди Калиев.

Улуттук энергетикалык холдинг компаниясынын жетекчиси Айбек Калиев
© Пресс-служба правительства / Сабыр Аильчиев
Анын айтымында, аталган ГЭСтер толук кандуу иштесе Кыргызстандын CASA-1000 долбоорунун алкагында жай мезгилинде электр энергиясын эч тоскоолдуксуз экспорттой алат.

CASA-1000 долбоору Борбор Азиядан (Кыргызстан, Тажикстан) Түштүк Азия мамлекеттерине жай айында 1300 МВт электр энергиясын сатууга мүмкүнчүлүк түзөт.

Долбоор аяктагандан кийин электр энергиясы 470 чакырымдагы жогорку чыңалуудагы линия аркылуу Кыргызстандан Тажикстанга өтөт. Андан ары электр энергиясы Афганистан менен Пакистанга кетет. Долбоордун алкагында 750 чакырым жогорку чыңалуудагы электр линиясы курулат. Ал 2016-2020-жылдары ишке ашат.

157
Белгилер:
Айбек Калиев, CASA-1000 долбоору
Тема боюнча
CASA-1000 долбоору: электр чубалгыларын Пакистанга тартуу үчүн тендер жарыяланды
Кыдыралиева: микро ГЭС куруу менен электр энергияга болгон көз карандылык жоюлат
Россия Кыргызстанда ГЭС куруу маселесине чекит койгон жок
АКШ долларынын белгиси. Архив

Россияда доллар жайдан бери алгачкы жолу 71 рублге түштү

74
(жаңыланган 14:51 16.10.2021)
Нефтинин кымбаттаганына байланыштуу Россия акчасынын наркы көтөрүлүп бара жатат. Учурда Brent үлгүсү 1,1 пайызга кымбаттап, баасы 84,7 долларга жетти.

БИШКЕК, 16-окт. — Sputnik. Доллардын курсу июль айынан бери алгачкы ирет 70,99 рублге түштү. Бул тууралуу РИА Новости жазды.

Нефтинин кымбаттаганына байланыштуу Россия акчасынын наркы көтөрүлүп бара жатат. Учурда Brent үлгүсүндөгү баасы 1,1 пайызга кымбаттап, 84,7 долларга жетти.

15-октябрь күнү доллар 59 тыйынга арзандады. Аналитиктердин айтымында, рублдин баасынын көтөрүлүп жатканына күйүүчү майдын кымбатташы жана QE программасынын алкагында чыгарылган баалуу кагаздарды сатып алуунун көлөмүнүн азайышы себеп болууда.

QE — Улуттук банктын өлкө экономикасына колдоо көрсөтүү максатында жасаган иш-аракеттер жыйындысы.

74
Белгилер:
Россия, доллар, рубль
Тема боюнча
Сегиз айда Кыргызстандан 335 млн. доллардан көп акча сыртка чыкты
Коммуналдык кызмат үчүн квитанция жана акча. Архив

Электр энергиясы менен жылуулукка канча төлөйбүз? Күчүнө кирген жаңы тарифтер

913
(жаңыланган 13:23 16.10.2021)
Быйыл Кыргызстанда калк үчүн электр энергиясынын жана жылуулуктун тарифтери мурдагы деңгээлинде калтырылган.

БИШКЕК, 16-окт. — Sputnik. Энергетика жана өнөр жай министрлиги "Кыргыз Республикасынын 2021-2025-жылдарга карата электр энергиясына орто мөөнөттүү тарифтик саясатын бекитүү жөнүндө" токтомуна ылайык, 15-октябрдан тартып электр жана жылуулук энергиясы үчүн кандай тариф белгиленгенин маалымдады.

Калк үчүн тарифтер төмөндөгүдөй:

  • калк үчүн бир киловатт-саат электр кубаты 77 тыйынды түзөт. 700 киловатт-сааттан ашса 2,16 сомдон эсептелет;
  • бийик тоолуу аймакта жана шарты катаал жерлерде жашагандар үчүн чектөө коюлбайт, жыл бою мындагылар 0,77 сомдон төлөшөт;
  • суу чыгаруу менен алектенген станциялар бир киловатт-саат электр энергиясы үчүн 1,09 сомдон (салыктарды эске албаганда) төлөшү керек;
  • электр транспорту, балдар интернаттары, карылар жана майыптар үйлөрү, диний мекемелер бир киловатт-саат электр энергиясына 1,68 сомдон (салыктарды эске албаганда) төлөшү керек;
  • башка мекемелер бир киловатт-саат электр энергиясына 2,52 сомдон (салыктарды эске албаганда) төлөшү керек;
  • майнинг-фермалар, алтын, металл иштеткен фабрикалар жана ичимдик өндүргөн ишканаларга бир киловатт-саат электр энергиясын 2,52 сомдон сатуу сунушталып жатат. Бирок белгиленген коэффициенттен ашып кеткен учурда 5,04 сомдон төлөшү керек болот;
  • куюучу, эритүүчү цехтер бир киловатт-саат электр энергиясын 3,78 сомдон алат (салыктарды эске албаганда);
  • цемент заводдору бир киловатт-саат электр энергиясын 3,28 сомдо сатып алат (салыктарды эске албаганда).

2021-жыл жылуулук тарифтери:

  • калк үчүн жылуулук энергиясы үчүн тариф бир гигакалориясы 1 134,76 сом болуп сакталат;
  • ысык суу үчүн тарифи бир гигакалориясы 981,76 сом деңгээлинде сакталат.

Калган колдонуучулар үчүн сунушталып жаткан тариф:

  • жылуулук энергиясы үчүн тариф — бир гигакалориясы 1 802 сом (азыркы баасы 1 695,1 сом);
  • ысык суу үчүн тариф — бир гигакалориясы 1 802 сом.
913
Белгилер:
Кыргызстан, электр энергиясы, ысык суу, жылуулук, баа, тариф
Тема боюнча
Эт — 440, суу май — 131 сом. Бишкекте дем алыш күндөрү өтчү жарманкедеги баа
Жаратылыш. Архив

Жекшембиге карата аба ырайы

0
Жекшембиге караган түнү республика боюнча жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 16-окт. — Sputnik. 17-октябрда дыйканчылык аймактарда күн ачык болот. Бул тууралуу Кыргызгидромет билдирди.

Абанын температурасы Чүй, Талас облустарында +15...+20, Ош, Жалал-Абад жана Баткен өрөөнүндө +20...+25, Ысык-Көлдө +12...+17, Нарын жергесинде +14...+19 градуска чейин көтөрүлөт.

Борбор калаада күндүн табы +18...+20, ал эми Ош шаарында +23...+25 градус болору болжолдонду.

0
Белгилер:
аба ырайы, Кыргызстан
Тема боюнча
Электр энергиясы менен жылуулукка канча төлөйбүз? Күчүнө кирген жаңы тарифтер