Жилищное строительство в Московской области

Мамлекеттик ипотека 6 пайыздан бериле баштайбы? МИКтин түшүндүрмөсү

1196
(жаңыланган 21:05 09.04.2018)
Президент Сооронбай Жээнбеков январь айында келечекте ипотекалык насыялоонун пайыздык чени алтыга чейин төмөндөй турганын айткан

БИШКЕК, 6-апр. — Sputnik. "Жеткиликтүү турак жай — 2015-2020" программасынын алкагында жарандарга алты пайыз менен ипотека берүүнүн жол-жобосу изделип жатат. Бул тууралуу "Мамлекеттик ипотека компаниясы" (МИК) ишканасынын төрага орун басары Нуржигит Үсөнакун уулу Sputnik Кыргызстан агенттигине билдирди.

Эске салсак, президент Сооронбай Жээнбеков январь айында Нарын облусуна болгон жумушчу сапарында келечекте ипотекалык насыялоонун пайыздык чени алтыга чейин төмөндөй турганын айткан.

Үсөнакун уулунун айтымында, МИКке пайыздык ченди алты пайызга жеткирүү тапшырмасы коюлгандыктан, учурда бул маселенин үстүндө иштер жүргүзүлүүдө.

"Пайыздарды түшүрүү — бул турак жайды жеткиликтүү кылуунун негизги шарттарынын бири. Бирок ошол эле мезгилде рынокто бардык нерсенин өз наркы бар. Биз ошол жагдайды эске алуу менен эсептөөлөрдү жүргүзүп жатабыз. Тиешелүү министрлик, ведомстволор менен дагы иштешүүдөбүз. Биз кайсыл учурдан баштап ипотеканы алты пайыз менен берип каларыбызды так айтуу кыйын. Бул өкмөттүн саясатынан жана башка факторлордон көз каранды", — деди Үсөнакун уулу.

Белгилей кетсек, учурда ипотека 15 жылга 8-10 пайыз менен берилүүдө.

МИКтин маалыматына караганда "Жеткиликтүү турак жай — 2015-2020" программасынын негизинде жалпысынан 2930 адам 3 миллиард 250 миллион сомго турак жай сатып алды.

Баса, мамлекеттик ипотека тууралуу ийне-жибине чейин Sputnik агенттигинин материалынан окусаңыз болот.

1196
Белгилер:
пайыз, ипотекалык насыя, Азия MIX, Нуржигит Үсөнакун уулу
Тема:
Мамлекеттик ипотекалык насыя берүү (62)
Тема боюнча
Үйлүү болгуңуз келеби? Мамлекеттик ипотека тууралуу эмнелерди билүү керек
Ипотекага берилчү арзан үйлөр кайсы аймакка курулары белгилүү болду
Жээнбеков: быйыл ипотекалык насыя бардык жарандарга 8% менен бериле баштайт
Сом купюралары жана монеталары. Архив

Өлкөдө бюджет тартыштыгынан айрым чыгымдар токтотулат

298
(жаңыланган 20:55 30.09.2020)
Быйыл республикалык бюджеттин кирешеси пландагандан төмөн болгондуктан, анын тартыштыгы 7 миллиард сомду түзөрү болжолдонуп жатканы эскертилди.

БИШКЕК, 30-cен. — Sputnik. Өлкөдө ыкчам каржылоо зарылдыгына ээ болбогон чыгымдар убактылуу токтотулат. Бул тууралуу премьер-министр Кубатбек Боронов "КРдин 2021-жылга карата республикалык бюджети жана 2022-2023-жылдарга болжолу жөнүндө" мыйзам долбоору каралган кеңешмеде билдирди.

"Учурдун талаптарын эске алуу менен 2021-жылга бюджеттин айрым параметрлерин өзгөртүүгө туура келип жатат. Анткени быйыл республикалык бюджеттин кирешеси пландагандан төмөн болгондуктан, бюджет тартыштыгы 7 миллиард сомду түзөрү күтүлүүдө. Ошондуктан биз кийинки жылдагы айрым чыгашаларды кыскартууга аргасызбыз", — деген Боронов.

Ал Финансы министрлигине бир ай ичинде министрлик жана ведомстволордун зарыл деп эсептеген чыгымдарын карап чыгууну тапшырган.

ЖК, президент жана өкмөттүн аппараттары бюджеттен канча каражат алары айтылды

Ага катар бюджеттин киреше бөлүгүн аткаруу боюнча жаңы инструменттерди карап чыгуу керектигин, бул негизинен бажы жана салык кызматтарына тийиштүү экендигин айткан.

"Фискалдаштыруу мамлекеттик органдардын ишине жана бюджеттин киреше бөлүгүн толтурууга гана жардам бербестен, ишкерлердин да жумушун жеңилдетет. Бул чаралар 2020-жылы пандемия шартында да жакшы жыйынтыктарын берди. Маселен, Салык кызматы ай сайын планды 1 миллиард сомго чейин аткарууда. Бизде мындай пландар көп, алардын негизги бөлүгүн 2021-жылы ишке ашырышыбыз керек", — деген өкмөт башчы.

Боронов бюджет үчүн бажы тутумундагы пайдалуу программаларды да белгилеп өткөн.

"2021-жылга 30 миллиард сом чогултууну пландап жатабыз, ал ички мамлекеттик инфраструктуралык долбоорлорду ишке ашырууга багытталат. Андан тышкары 1,9 миллиард сомдук мамлекеттик бюджеттик резерв түзүлгөн, бул каражат пландаштырылбаган чыгымдарга багытталат", — деген премьер-министр.

Кыргыз өкмөтү COVID кесепетинен канча карыз алып, кайда жумшап жатат. Саресеп

Ошондой эле Боронов 2021-жылы өлкө тышкы карыздарды төлөө боюнча пикке жакындай турганын жана аны реструктуризациялоо боюнча иштер улантылып жаткандыгын эскерткен.

298
Белгилер:
каржылоо, бюджет, Кубатбек Боронов, Кыргызстан
Тема боюнча
Бир партия 105 млн. сом. Шайлоого аттангандар канча каражат короткону айтылды
Суу май. Архивдик сүрөт

Кризис учурунда ЕАЭБден кайсы товарлардын экспорту өскөнү айтылды

105
(жаңыланган 18:19 30.09.2020)
Адистин айтымында, товар ташыгандардын ири интернет аянтчаларына чыгып онлайн-соодага өтүшү ЕАЭБ үчүн перспективдүү тенденция болуп жатат.

БИШКЕК, 30-сен. — Sputnik. Дүйнөдөгү экономикалык оор кырдаалга карабастан ЕАЭБ үчүнчү мамлекеттерге бир катар товарлардын экспортун көбөйттү. Бул тууралуу Евразия экономикалык комиссиясынын соода-сатык боюнча коллегиясынын мүчөсү Андрей Слепнев билдирди.

Адис "КР пандемияга байланыштуу ЕАЭБ мамлекеттеринин ичинен соода жаатында көп жоготууларга учурады" аттуу видеокөпүрөгө катышты. Иш-чара Sputnik Кыргызстан агенттигинин сайтынан көрсөтүлдү.

"Суу майдын экспорту 42 пайызга өстү. Бул товар негизинен Кытай, Түркия жана Индияга жөнөтүлүп жатты. Ал эми кумшекердин экспорту 15 эсеге жогорулады. Продукт адатта Тажикстан, Өзбекстан жана Азербайжанга жиберилди", — деди ал.

Слепнев быйылкы жылдын эсебинен дагы бир маанилүү жаңылык — бул Кытайга тоок жана уй этин жөнөтүүгө жол ачылганы экенин белгиледи. Ал ошондой эле үстүбүздөгү жыл ичинде буудайдын дагы экспорту жогорулаганын кошумчалады.

105
Белгилер:
эт, Буудай, экспорт, Евразиялык экономикалык биримдик
Тема боюнча
Жуматаев: ЕАЭБдин алкагында илимди интеграциялоо бизге пайдалуу
Карабаева: ЕАЭБде доллардан арылуу маселеси бир нече жолу талкууланган
Бактыгулов: ЕАЭБ, Кытай соода алакасы Кыргызстанга 3 млрд. сом пайда берет
Маршрутка. Архив

Кишилерди кууп барып бус менен тебелетип... Кызыл-Кыядагы окуянын видеосу

445
(жаңыланган 12:43 01.10.2020)
Азыркы күндө автоунаанын ээси аныкталып, тергөө иштери жүрүп жатат. Ал эми окуя болгон жерден 28 жаштагы жаран жараат алып, жергиликтүү аймактык ооруканага түшкөн.

БИШКЕК, 1-окт. — Sputnik. Интернет айдыңында кичи автобустун караңгыда аянтчада айланып, элди тебелетип жаткан видеосу тарап, ал "Короче" Telegram каналына жарыяланды.

Окуянын кандай болгонун Баткен ИИБинин маалымат кызматынан билдиришти.

"25-сентябрь күнү саат 20.00дөр чамасында Кызыл-Кыя шаарынын Масалиев көчөсүндө Кадамжай районунун 28 жаштагы тургунун жашыл түстөгү "Mercedes-Benz" үлгүсүндөгү спринтер койдуруп, ал жерден из жашырып кеткен. Азыркы күндө автоунаанын ээси аныкталып, тергөө иштери жүрүп жатат. Ал эми окуя болгон жерде 28 жаштагы жаран денесинен жараат алып, жергиликтүү аймактык ооруканага түшкөн", — деп айтылган маалыматта.

Видеодон ал жерде кишилер чырылдап качып, ал эми бусиктин алардын артынан кууп барып тебелетип жаткандыгын көрүүгө болот.

Бишкекте айдоочу күчүктү артынан кууп барып тебелетип кетти. Видео

Бул факты Кызыл-Кыя ШИИБинде Жазык кодексинин 297, 266 ("Жол кырсыгы"), ("Ээнбаштык") беренелери менен катталып, сотко чейинки өндүрүш иши башталган.

Милициядан тийиштүү экспертизалар дайындалгандыгын кошумчалашты.

445
Белгилер:
милиция, маршрутка, Кызыл-Кыя, Кыргызстан
Тема:
2020-жылдын башынан бери Кыргызстанда болгон жол кырсыктар
Тема боюнча
Машина тебелеп кеткен Эдилдин эжеси: жок дегенде арабага отургузганга операция керек!