Жогорку Кеңештин Республика — Ата-Журт фракциясынан депутат Акылбек Жамангуловдун архивдик сүрөтү

Депутат: мамлекеттик ишканалар миллиондогон акчаны каякка жумшайт?

145
(жаңыланган 21:13 17.04.2018)
Эл өкүлү жыйында айрым мамлекеттик ишкана менен компаниялардын чыгашаларын ачыктады.

БИШКЕК, 17-апр. — Sputnik. Жогорку Кеңештин "Республика — Ата-Журт" фракциясынан депутат Акылбек Жамангулов киреше алып келбеген мамлекеттик ишканалар менен мамлекеттин үлүшү бар акционердик коомдор он миллиондогон сомду демөөрчүлүк максатта жумшаганына нааразы болду.

Эскерте кетсек, бүгүн, 17-апрелде, оппозициялык "Ата Мекен", "Республика — Ата-Журт" жана "Өнүгүү — Прогресс" фракциялары премьер-министр Сапар Исаков баштаган өкмөттүн 2017-жылы жасалган иши боюнча отчетун угууда.

"Мен Мамлекеттик мүлктү башкаруу фондусунан акыркы беш жылда ишкана менен компаниялар демөөрчүлүккө канча каражат жумшаганы тууралуу маалымат алдым. "Кыргызалтын" 12 миллион сомдон ашуун, MegaCom — 70,5 миллион, "Манас" эл аралык аэропорту — 10 миллион… Бизде, 120 депутатта, төраганын эле 30 миллион сомдук резервдик фондусу бар. Ишкана жетекчилери кирешеси аз экенин айтып, ошол эле маалда миллиондогон акчаларды коротуп жатышат", — деди Жамангулов.

Маммүлк жетекчиси быйыл мамлекеттик ишканалардын чыгымы 400 миллион сомго кыскартылганын, бирок ушул сыяктуу уюмдардын бюджети тармактык министрлик тарабынан бекитилерин кошумчалады. Өз кезегинде өкмөт башчы Исаков чыгымдар текшерилип жатканын, анын жыйынтыгы менен бардык материалдар укук коргоо органдарына өткөрүп берилерин айтты.

145
Белгилер:
чыгым, өкмөт, Мамлекеттик мүлктү башкаруу фонду, Жогорку Кеңеш, Акылбек Жамангулов
Тема боюнча
Кыргызстанда коңшу өлкөлөргө сууну үч тыйындан болсо да сатуу сунушталды

Кыргызстандыктар жактырып айдаган унаалардын баасы. Инфографика

159
Sputnik Кыргызстан агенттиги даярдаган инфографикада өтүмдүү делген 15 автоунаанын баасы берилди.

Кыргызстандыктар арасында эң популярдуу унаалардын тизмеси:

  • Toyota Camry;
  • Daewoo Nexia;
  • Honda Fit;
  • Honda CR-V;
  • Mercedes-Benz E-класса;
  • Daewoo Matiz;
  • BMW, 5-серия;
  • Volkswagen Passat;
  • Honda Accord;
  • Honda Odyssey;
  • Lexus GX;
  • Hyundai Sonata;
  • Lada 2107;
  • Toyota Prius;
  • Toyota RAV4.

Баа мониторинги 20-ноябрда autobaza.kg, cars.kg жана mashina.kg сайттарына жарыяланган маалыматка таянып жасалды. Машиналардын баасы доллар менен көрсөтүлгөн (27-ноябрга карата доллардын баасын Улуттук банк 84,7 сом деп бекиткен).

159
Белгилер:
баа, унаа, популярдуулук, Кыргызстан
Тема боюнча
Кыргызстанга жалпы эреже менен машина алып кирүү канча турат. Калькулятор
Көз айнек жана сом купюралары. Архив

Ысык-Көл облустук өнүктүрүү фонду мамлекетке 13 млн. сом зыян келтиргени аныкталды

82
(жаңыланган 13:16 02.12.2020)
Башкы прокуратуранын маалыматына караганда, Ысык-Көл облустук өнүктүрүү фондунун башкаруу дирекциясы мыйзамсыз аракеттерди жасаган.

БИШКЕК, 2-дек. — Sputnik. Ысык-Көл облустук өнүктүрүү фондунун башкаруу дирекциясы мамлекетке 13 миллион сомдон ашуун зыян келтирген. Бул тууралуу Башкы прокуратурадан кабарлашты.

Ысык-Көл облустук прокуратурасы социалдык объектилерди курууга сарпталган акчанын максаттуу пайдаланылышы боюнча текшерүү жүргүзгөн.

Мааламатка караганда, аталган дирекция 2016-2019-жылдары З.С. аттуу жоопкерчилиги чектелген коому менен Жети-Өгүз районунун Светлая Поляна айылына спорт зал куруу үчүн келишим түзгөн. 2019-жылдын 4-мартында спорт зал пайдаланууга берилген.

"Бирок дирекциянын өкүлдөрү пайда көрүү үчүн кызматтык абалын кыянаттык менен пайдаланып З.С. ЖЧКсынын кызматкерлери менен сүйлөшүп алып айрым иштерди жогорулатылган баада жасаткан. Ошондой эле аткарылбаган иштер дагы сметага кирип калган. Анын кесепетинен мамлекетке 4 миллион 324 миң 200 сом зыян келтирилген", — деп айтылат маалыматта.

Ошондой эле 2014-2018-жылдар аралыгында Тоң районунун Тоң айылында бала бакча куруу үчүн дирекция менен жогоруда аталган ЖЧКнын ортосунда келишим түзүлүп, курулушу бүткөрүлдү делген бала бакча 2018-жылдын 29-майында пайдаланууга берилген.

"Мында дагы тараптар сүйлөшүп алып мамлекетти 4 миллион 378 миң 100 сом зыянга учураткан", — дешти Башкы прокуратурадан.

Мындан тышкары, 2015-2018-жылдар аралыгында Балыкчы шаарында бала бакча курууда дирекциянын кызмат адамдары менен ТИП коомунун кызматкерлеринин ушундай эле кылмыштуу аракеттеринен улам мамлекетке 4 миллион 338 миң 700 сом зыян келтирилгени айтылды.

Мамлекетке жалпы жонунан 13 миллион 041 миң сом өлчөмүндө зыян келтирилген.

Белгиленген фактылар Ыссык-Көл облустук прокуратурасы тарабынан Жазык кодексинин 320-беренеси ("Кызмат абалынан кыянаттык менен пайдалануу") менен КЖБРге катталып, сотко чейинки өндүрүш иши башталды.

82
Белгилер:
бюджет, коррупция, фонд, өнүктүрүү, Ысык-Көл облусу
Тема боюнча
Прокуратура 10 млн. сомдук жер тилкени мамлекетке кайтарды
Прокуратура: Бишкекте иштебеген мугалимдерге айлык төлөнгөн факты аныкталды

Каракчылыкка шектүүнү Бишкекте спецназ кармады. Видео

0
(жаңыланган 23:09 02.12.2020)
Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, ири суммадагы акчаны алып кетишкен.

Бишкекте Криминалдык милициянын кызматкерлери спецназ жоокерлери менен биргеликте мыкаачылык менен кол салууга шектелген жаранды кармашты.

Кармоо учурундагы видеону Бишкек ШИИБинин маалымат кызматы жарыялады.

Маалыматка караганда, 8-октябрь күнү "Жер ынтымагы" конушундагы үйлөрдүн бири каракталган. Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, 5 500 доллар, 150 миң сом жана 60 миң сомдук алтын буюмдарды уурдап кетишкен.

Жазык кодексинин 202-беренесине (“Каракчылык”) ылайык сотко чейинки өндүрүш башталган.

Жыйынтыгында 32 жаштагы шектүү кармалып, убактылуу кармоо жайына киргизилди.

0
Белгилер:
шектүү, каракчылык, милиция, Бишкек
Тема боюнча
Уюшкан кылмыштуу топтун эки мүчөсүн кармаган видео жарыяланды