Иран мамлекетинин желеги. Архив

ЕАЭБ менен Иран эркин соода аймагын түзүү боюнча убактылуу келишим кабыл алды

41
(жаңыланган 23:36 17.05.2018)
Былтыр ЕАЭБ менен Иран ортосундагы соода 2,7 миллиард долларга бааланган.

БИШКЕК, 17-май — Sputnik. Астана экономикалык форумунун алкагында ЕАЭБ менен Иран мамлекетинин ортосунда эркин соода аймагын түзүү боюнча убактылуу келишимге кол коюлду. Бул тууралуу РИА Новости агенттиги жазды.

Документ эки тараптын ортосунда эркин соода боюнча аймак түзүүнүн биринчи кадамы болуп эсептелет. Ал аркылуу бир топ товарларга бажы салыктары азайтылып же такыр эле алып салынуусу каралып жатат.

Макалада айтылгандай, былтыр ЕАЭБ менен Иран ортосундагы соода 2,7 миллиард долларга бааланган.

"Сүйлөшүүлөр маалында талаш жараткан маселелерди эффективдүү чечүү механизми каралды. Ошондой эле эки тараптын ортосунда жогорку кызмат адамдарынан турган комитет түзүлүп, бизнес-диалогдор жүргүзүлмөй болду", — деди Евразия экономикалык комиссиясынын төрагасы Тигран Саркисян.

Анын айтымында, учурдагы келишим үч жылга ылайыкталган. Бул аралыкта тараптар толук кандуу кызматташтык тууралуу келишим түзүүгө жетишиши зарыл.

41
Белгилер:
келишим, товар, соода, Евразиялык экономикалык биримдик, Иран
Тема боюнча
Жээнбеков ЕАЭБге мүчө өлкөлөрдүн президенттеринин жыйынында эмне деди
Кыргызстан жана ЕАЭБ өлкөлөрү: кантип үйлөнөт, көбөйөт, канча айлык алат
Пикирлер