КР президенти Сооронбай Жээнбеков кыргыз-түрк бизнес форумунда

Жээнбеков түрк ишкерлерин Кыргызстанга инвестиция салууга чакырды

143
(жаңыланган 22:59 02.09.2018)
Түрк президенти Режеп Тайип Эрдоган расмий иш сапары менен Кыргызстанга келди.

БИШКЕК, 2-сен. — Sputnik. КР президенти Сооронбай Жээнбеков кыргыз-түрк бизнес форумунда сүйлөп жатып түрк ишкерлерин Кыргызстандын экономикасына инвестиция салууга чакырды. Бул тууралуу өлкө башчынын маалымат кызматы билдирди.

Бүгүн Бишкекте мамлекет башчыларынын жана эки өлкөнүн маморгандарынын катышуусу менен бизнес форум өтүп жатат.

Жээнбеков эки мамлекеттин экономикалык жактан кызматташуусуна жаңы дем берүү керектигин айтты.

"Биздин соода тармагындагы мүмкүнчүлүктөр толугу менен колдонулбай жатат. Товар жүгүртүүнүн көлөмүн 1 миллиард долларга жеткирүү үчүн бардык аракеттерди көрүү керек. Биз Түркияга экологиялык таза азыкты экспорттоону көбөйтүүгө даярбыз", — деди Жээнбеков.

Өлкө башчысы учурда Кыргызстанда ишкердик кылуу үчүн эң жагымдуу шарт түзүлгөнүн белгиледи. Ишкердик кылам дегендерди каттоо процедурасы жеңилдетилип, эми үч күндөн ашык күндү албай турганын кошумчалады. Аймактагы башка мамлекеттерге салыштырмалуу салыктар бир кыйла төмөн.

Официальный визит президента Турции Реджепа Тайипа Эрдогана в Кыргызстан
© Пресс-служба президента КР / Султан Досалиев
Президент ошондой эле инвестициялык мыйзамдарды жөнөкөйлөштүрүү боюнча реформалар уланып жатканын, анын жыйынтыгында ишкердикке болгон чектөөлөр алынып, келишимдердеги укуктарды сактоо каралат.

Жээнбеков өз сөзүндө жаңы ачылган ишканалар үч жылга чейин текшерүүдөн бошотулганын айтып, өлкөдө эркин валюта режими иштей турганын баса белгиледи. Чет элдик валютаны сатуу, сатып алууда чектөөлөр жок экенин, технологиялык жабдууларды алып кирүүдө бажы алымдарынан бошотуларын маалымдады.

Түрк президенти Тайип Эрдоган учурда Кыргызстанда расмий иш сапары менен жүрөт

143
Белгилер:
инвестициялар, ишкердик, форум, бизнес, Режеп Тайип Эрдоган, Сооронбай Жээнбеков, Кыргызстан, Түркия
Тема боюнча
Ажайып гүлдөр жана боорсоктор. Жээнбековдун Эрдоганды тосуп алгандагы видеосу
Жээнбеков Кыргызстандагы ФЕТО өкүлдөрүнө каршы кандай күрөш жүрөрүн айтты
Банк имараты. Архив

Банктарга жана финансы уюмдарына жасалчу инспектордук текшерүү токтотулду

28
(жаңыланган 16:56 04.07.2020)
Улуттук банктын кызматкерлери арасында коронавирустун жайылып кетишине жол бербөө максатында ушундай чечим кабыл алынган.

БИШКЕК, 4-июл. — Sputnik. Банктарды, акча алмаштыруу жайларын жана башка банктык эмес финансы-кредиттик уюмдарга инспектордук текшерүү жүргүзүү токтотулду. Бул туурасында Улуттук банктан билдиришти.

Маалыматта өлкөдө эпидемиологиялык кырдаал чыңалып тургандыктан Улуттук банктын кызматкерлери арасында коронавирустун жайылып кетишине жол бербөө максатында ушундай чечим кабыл алынганы айтылат.

"Коммерциялык банктарды, банктык эмес финансы-кредиттик уюмдарын, кепилдик фонддорун, адистештирилген финансы-кредиттик уюмдарды, акча алмаштыруу жана кредиттик бюролорду инспектордук текшерүүгө алууну токтотуу чечими чыкты. Буга үчүнчү тараптын сурамы менен аткарылчу текшерүүлөр да кирет", — деп айтылат маалыматта.

Улуттук банк коронавирустан улам банктарга 1 млрд сом насыя берет

Мындан сырткары, акча алмаштыруу жайларын жободо көрсөтүлгөн талаптарды аткарышын текшерүү жана лицензия берүү маселесин кароо иши да токтотулган.

Өлкөдө кырдаал турукташкандан кийин текшерүүлөр кайрадан улантылат.

28
Белгилер:
Акча алмаштыруу жайлар, текшерүү, Улуттук банк
Тема боюнча
Июнда Кыргызстанда акча көбөйүп абсолюттук рекорд койду
Эртеңден тарта Бишкек катаал карантиндик режимге өтөт. Чектөөлөрдүн тизмеси
Бишкектеги шайлоо участогундагы автоматташтырылган үкөк. Архив

БШК 21 млн сомго тендер жарыялады. Акча эмнеге жумшалат?

71
(жаңыланган 10:06 04.07.2020)
Мамлекеттик орган ал каражатка шайлоого тиешелүү баннер, жабдуу, кеңсе товарларын аймактык шайлоо комиссияларына жана участокторуна жеткирет.

БИШКЕК, 4-июл. — Sputnik. Борбордук шайлоо комиссиясы 21 миллион сомдон ашык акчага тендер өткөрөт. Бул тууралуу маалымат Мамлекеттик сатып алуулар боюнча порталына чыкты.

Ага ылайык, БШК 21 миллион 121 миң 200 сомго шайлоого тиешелүү баннер, жабдуу, кеңсе товарларын аймактык шайлоо комиссияларына жана участокторго жеткирүүнү көздөп жатат.

Жээнбеков парламенттик шайлоо өткөрүү жарлыгына кол коюп, күнүн белгиледи

3-июлда жарыяланган тендер 24-июлда соңуна чыгат. Жеңүүчү тарап өз автоунаасы менен 1-августтан 6-октябрга чейин 60 миң чакырым жол жүрүп, жүргүнчү жана жүк ташуу менен алектенет.

Эскерте кетсек, Жогорку Кеңешке шайлоону 2020-жылдын 4-октябрына белгилөө тууралуу президенттин Жарлыгы 3-июлда күчүнө кирди.

71
Белгилер:
депутат, акча, тендер, шайлоо, БШК
Тема боюнча
Бекматов: саясий партиялар үгүт иштерин 50 пайызга чейин онлайн өткөрөт
Боронов партияларга: шайлоого коротчу акчаңарды COVID менен күрөшүүгө бергиле
Россиянын президенти Владимир Путин. Архив

Песков Путиндин "унутуп калган" көйнөгүн саткан жарнама боюнча айтып берди

0
(жаңыланган 20:33 04.07.2020)
Жарнамада көйнөк отелдин номерин тазалап жатканда табылгандыгы, бирок андан кийин атайын жуулбагандыгы, эгерде керек болсо сатуучу аны экспертизага берүүгө даяр экендиги айтылган.

БИШКЕК, 4-июл. — Sputnik. Интернеттеги "Россия президенти Владимир Путиндин унутуп таштап кеткен көйнөгү сатылат" деген кабарга лидердин маалымат катчысы Дмитрий Песков комментарий берип, ага ишенбеш керектигин айтты. Бул тууралуу РИА Новости жазды.

Элге белгилүү болгон сайттардын бирине "Нижний Новгород аймагындагы Sheraton мейманканасына президент Путиндин унутуп таштап кеткен көйнөгү сатылат" деген жарнама чыккан. Анда көйнөк отелдин номерин тазалап жатканда табылгандыгы, бирок андан кийин атайын жуулбагандыгы, эгерде керек болсо сатуучу аны экспертизага берүүгө даяр экендиги айтылган. Көйнөк 165 миң рублга бааланган. Путин аталган шаарда соңку ирет 2019-жылдын 10-ноябрында Дене тарбия жана спортту өнүктүрүү боюнча президенттин алдындагы кеңештин отурумуна катышкан.

Путин жыйында калемин столго ыргытып жиберип, министрлерден отчёт сурады. Видео

Сатуучу көйнөк дагы деле сатыкта экендигин айткан. Анын сөзүнө караганда, "кийимдин президентке таандык экендиги боюнча жазылган эч кандай атрибуттар жок, бирок зарыл болсо ДНК-экспертизага берүүгө даяр".

Песков мындай кулактандырууларга ишене берүүгө болбой тургандыгын айткан.

"Жок. Андай болууга мүмкүн эмес", — деген ал көйнөк чын эле президентке таандык болушу мүмкүнбү деген суроого жооп берип жатып.

Путин буга чейин журналисттерге кабинетиндеги жашыруун бөлмөсүн көрсөтүп, ал ЖМКлардын эле эмес, коомчулуктун дагы кызыгуусун жараткан.

0
Белгилер:
отель, көйнөк, Владимир Путин, Россия
Тема боюнча
Путин кабинетиндеги жашыруун бөлмөсүн көрсөттү. Видео
Путин чүмбөттөлүп алып коронавируска кабылган жарандарын көрүп чыкты. Видео