Акча каражаттары. Архив

Мигранттар Кыргызстанга жыл башынан бери 1,6 млрд. доллар жөнөтүшкөн

111
(жаңыланган 15:08 18.09.2018)
Былтыркы жылдын ушул мезгилине салыштырганда чет жакта иштеп жүргөндөр 300 миллиондон ашык доллар салышкан.

БИШКЕК, 14-сен. — Sputnik. Жыл башынан бери эмгек мигранттары Россиядан Кыргызстанга 1 миллиард 653,3 миллион доллар которгон. Бул тууралуу Россиянын борбордук банкынын сайтында айтылат.

Экинчи кварталда мигранттар 681 миллион доллар жөнөтсө, биринчи кварталда мындан бир жарым эсе көп салышкан болчу.

Россиядан которулган акча боюнча Кыргызстан экинчи орунда турат. Биринчи орунда Өзбекстан. Бул өлкөнүн эмгек мигранттары экинчи жарым жылдыкта эле миллиарддан ашык доллар которушкан. Үчүнчү орунду Тажикстан ээлейт, алар 672 миллион доллар жөнөтүшкөн.

Расмий маалыматр боюнча бүгүнкү күнү Россияда 600 миңден ашык кыргызстандык эмгек мигранттары иштейт.

111
Белгилер:
миграция, Мигрант, каражат, Акча которуулар, акча, Россия, Кыргызстан
Тема боюнча
Бармак тиштеп каларың бат эле. Миграция азабын тарткан Түркиядагы кыргыз кыздары
Пикирлер