КСДП фракциясынан депутат Дастан Бекешев. Архив

Дастан Бекешев: бийлик ишкерлерди мажбурлап демөөрчү кылып жатат

94
(жаңыланган 22:02 20.09.2018)
Эл өкүлү мисалга Көчмөндөр оюндарын алып, мамлекет ишканалардын мойнуна "жардам бересиң" деп милдеттеме койгонун белгиледи.

БИШКЕК, 20-сен. — Sputnik. КСДП фракциясынан депутат Дастан Бекешев мамлекет ишкерлерди түрдүү иш-чараларга өз эрки менен демөөрчүлүк кылды демиш болуп, аныгында аларды милдеттендирип коюп жатканын айтты.

Белгилей кетсек, бүгүн депутаттар парламенттин жалпы жыйынына чогулуп, түрдүү маселелерди карап жатат.

Бекешев мисал катары жакында эле болгон Көчмөндөрдүн оюндарын айтты. Ал белгилегендей, бул иш-чараны уюштуруу үчүн мамлекет ири ишканалардын мойнуна "жардам бересиң" деп милдеттеме илип койгон.

"Мамлекеттик деңгээлдеги мындай көрүнүштү жоюш керек. Бул дагы коррупциянын бир түрү. Бир жактан каралар, экинчи жактар кызылдар сурап жатса, бизнести коргоп жатабыз деп кантип айтабыз? Мындай болбойт!" — деди депутат.

Эске салсак, быйыл Көчмөндөрдүн дүйнөлүк үчүнчү оюндары 2-8-сентябрда Ысык-Көлдө өттү. Аны уюштурууга республикалык бюджеттен 303,1 миллион сом бөлүнгөн.

94
Белгилер:
бизнес, ишкердик, Дастан Бекешев, Бишкек
Тема боюнча
Сооронбай Жээнбеков ишкерлер үчүн түзүлгөн шарттарды тизмектеди
Бизнесмендер эмнеге туңгуюкка кептелип жатышканын Жээнбековго түшүндүрүштү
Банк имараты. Архив

Банктарга жана финансы уюмдарына жасалчу инспектордук текшерүү токтотулду

30
(жаңыланган 16:56 04.07.2020)
Улуттук банктын кызматкерлери арасында коронавирустун жайылып кетишине жол бербөө максатында ушундай чечим кабыл алынган.

БИШКЕК, 4-июл. — Sputnik. Банктарды, акча алмаштыруу жайларын жана башка банктык эмес финансы-кредиттик уюмдарга инспектордук текшерүү жүргүзүү токтотулду. Бул туурасында Улуттук банктан билдиришти.

Маалыматта өлкөдө эпидемиологиялык кырдаал чыңалып тургандыктан Улуттук банктын кызматкерлери арасында коронавирустун жайылып кетишине жол бербөө максатында ушундай чечим кабыл алынганы айтылат.

"Коммерциялык банктарды, банктык эмес финансы-кредиттик уюмдарын, кепилдик фонддорун, адистештирилген финансы-кредиттик уюмдарды, акча алмаштыруу жана кредиттик бюролорду инспектордук текшерүүгө алууну токтотуу чечими чыкты. Буга үчүнчү тараптын сурамы менен аткарылчу текшерүүлөр да кирет", — деп айтылат маалыматта.

Улуттук банк коронавирустан улам банктарга 1 млрд сом насыя берет

Мындан сырткары, акча алмаштыруу жайларын жободо көрсөтүлгөн талаптарды аткарышын текшерүү жана лицензия берүү маселесин кароо иши да токтотулган.

Өлкөдө кырдаал турукташкандан кийин текшерүүлөр кайрадан улантылат.

30
Белгилер:
Акча алмаштыруу жайлар, текшерүү, Улуттук банк
Тема боюнча
Июнда Кыргызстанда акча көбөйүп абсолюттук рекорд койду
Эртеңден тарта Бишкек катаал карантиндик режимге өтөт. Чектөөлөрдүн тизмеси
Бишкектеги шайлоо участогундагы автоматташтырылган үкөк. Архив

БШК 21 млн сомго тендер жарыялады. Акча эмнеге жумшалат?

71
(жаңыланган 10:06 04.07.2020)
Мамлекеттик орган ал каражатка шайлоого тиешелүү баннер, жабдуу, кеңсе товарларын аймактык шайлоо комиссияларына жана участокторуна жеткирет.

БИШКЕК, 4-июл. — Sputnik. Борбордук шайлоо комиссиясы 21 миллион сомдон ашык акчага тендер өткөрөт. Бул тууралуу маалымат Мамлекеттик сатып алуулар боюнча порталына чыкты.

Ага ылайык, БШК 21 миллион 121 миң 200 сомго шайлоого тиешелүү баннер, жабдуу, кеңсе товарларын аймактык шайлоо комиссияларына жана участокторго жеткирүүнү көздөп жатат.

Жээнбеков парламенттик шайлоо өткөрүү жарлыгына кол коюп, күнүн белгиледи

3-июлда жарыяланган тендер 24-июлда соңуна чыгат. Жеңүүчү тарап өз автоунаасы менен 1-августтан 6-октябрга чейин 60 миң чакырым жол жүрүп, жүргүнчү жана жүк ташуу менен алектенет.

Эскерте кетсек, Жогорку Кеңешке шайлоону 2020-жылдын 4-октябрына белгилөө тууралуу президенттин Жарлыгы 3-июлда күчүнө кирди.

71
Белгилер:
депутат, акча, тендер, шайлоо, БШК
Тема боюнча
Бекматов: саясий партиялар үгүт иштерин 50 пайызга чейин онлайн өткөрөт
Боронов партияларга: шайлоого коротчу акчаңарды COVID менен күрөшүүгө бергиле
Бишкек шаары. Архив

Жекшембиге карата аба ырайы

0
(жаңыланган 21:03 04.07.2020)
Түнкүсүн Чүй облусунун тоолуу райондорунда өткүн өтүп, күн күркүрөп, бийик тоолуу райондордо кар жаайт. Калган аймактарда жаан-чачын болбойт.

БИШКЕК, 4-июл. — Sputnik. Эртең күндүз республика боюнча көпчүлүк аймактарда жамгыр жаап, бийик тоолуу райондорго кар түшүшү күтүлөт. Бул тууралуу Кыргызгидромет билдирди.

Абанын температурасы Чүйдө +24...+29, Талас жергесинде +23...+28, Ош, Жалал-Абад жана Баткен облустарында +30...+35, Ысык-Көл, Нарын аймактарында +22...+27 градус жылуу болот.

Борбор калаада күндүн табы +27...+29, Ошто +33...+35, Чолпон-Атада +22...+24 градус болору маалымдалды.

Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

0
Белгилер:
аба ырайы, Кыргызстан
Тема боюнча
Жаанчыл болот. Бир жумага карата аба ырайы