Ресторанда стол даярдап жаткан официант. Архив

Дарыгердин 70, райондук гезиттин 80 жылдыгы. Мамлекет өткөргөн 105 той

390
(жаңыланган 19:13 23.09.2018)
Премьер-министр Мухаммедкалый Абылгазиев укук коргоо жана мамлекеттик органдарга түрдүү маараке-тойлорду өткөрүү үчүн ишкерлерден акча чогултканды токтотууну буюрду.

Өкмөт башчы Жалал-Абад ОИИБдин атынан кылмыш иликтөө кызматынын 100 жылдыгын өткөрүүгө каражат жагынан жардам көрсөтүү үчүн ишкерлерге жөнөтүлгөн катты мисал келтирди.

Негизи эле бюджеттин, мамлекеттик органдардын жана жеке ишкерлердин эсебинен өткөрүлүп жаткан мааракелерге беш жылга мораторий жарыялоо керек деген сунушу менен өткөн аптада ЖК депутатыты Акылбек Жаманкулов өкмөткө кайрылган.

Анын айтымында, 2018-жылы белгилениши керек деп түзүлгөн иш-чаралардын тизмесине кирген 105 мааракени тең өтө маанилүү деп эсептөөгө болбойт.

"Алардын ичинен 10-15ин гана өткөрүүгө татыктуу. Көбүнчөсү тың чыкма небере-чөбөрөлөрүнүн аркасы менен тизмеге кирип калган, "тигинин 100, мунун 90 жылдыгы" дегендер. Эсептеп көрсөк, анын баарына мамлекеттик органдардын, демөөрчүлүк кылууга мажбур болгон айрым ишкерлердин 200 миллион сомдон ашык каражаты кетет экен", — деди депутат.

Мындан тышкары, эл өкүлү өкмөт тарабынан бекитилген 105 иш-чаранын тизмесин берди.

Аны карап көрсөк, чындап эле облустук оорукананын дарыгеринен тарта райондук гезиттердин бир канча жылдыгына чейин киргизилиптир.

Документте көрсөтүлгөндөй, бул той-топурлар жоопкерчиликтүү министрлик, комитет, административдик ведомство, айыл өкмөттөрдүн эсебинен жана демөөрчүлөр аркылуу келген каражаттарга өткөрүлөт деп жазылган.

Эл аралык маанидеги мааракелер

1. Кыргыз Эл жазуучусу Чыңгыз Айтматовдун 90 жылдыгы;
2. Алп баатыр Каба уулу Кожомкулдун 130 жылдыгы;
3. Балыкчы шаарынын 120 жылдыгы;
4. СССРдин Эл артисти Муратбек Рыскуловдун 110 жылдыгы;
5. КРдин Эл артисти Сабира Күмүшалиеванын 100 жылдыгы;
6. КР баатыры, чыгаан манасчы Жусуп Мамайдын 100 жылдыгы;
7. КРдин УКМКсынын түзүлгөндүгүнүн 100 жылдыгы;
8. Коомдук ишмер Султан Ибраимовдун 90 жылдыгы;
9. КРдин Эл жазуучусу Шүкүрбек Бейшеналиевдин 90 жылдыгы;
10. КРдин Эл жазуучусу Асанбек Стамовдун 80 жылдыгы;
11. "Кант-Рыбачье" темир жолунун ачылышынын 70 жылдыгы;
12. Кыргыз сомунун 25 жылдыгы;

Аймактык маанидеги юбилейлер

13. Нарын шаарынын 150 жылдыгы;
14. Кызыл-Кыя шаарынын 120 жылдыгы;
15. Сузак районунун 100 жылдыгы;
16. Базар-Коргон районунун 100 жылдыгы;
17. Лейлек районунун 90 жылдыгы;
18. Аксы районунун 90 жылдыгы;
19. Ноокен районунун 90 жылдыгы;
20. Кадамжай районунун 80 жылдыгы;

Жамааттык маанидеги иш-чаралар

21. Михаил Фрунзе атындагы №73809 аскерлик бөлүгүнүн түзүлгөнүнө 100 жыл;
22. Чыңгыз Айтматов атындагы кыргыз тили жана адабияты институтунун түзүлгөнүнө 90 жыл;
23. "Ысык-Көл кабарлары" облустук гезитинин 80 жылдыгы;
24. "Вести Иссык-Куля" облустук гезитинин 80 жылдыгы;
25. "Ош жаңырыгы" облустук гезитинин 80 жылдыгы;
26. Кемин райондук "Эмгек жарчысы" гезитинин 80 жылдыгы;
27. Кыргыз ССРинин геология башкармалыгынын 80 жылдыгы;
28. Нарын облустук "Теңир Тоо" гезитинин 80 жылдыгы;
29. Панфилов райондук "Эмгекке даңк — Слава труду" гезитинин 40 жылдыгы;
30. Калый Молдобасанов атындагы улуттук консерваториянын 25 жылдыгы;
31. КР өкмөтүнүн алдындагы Интеллектуалдык менчик жана инновациялар мамлекеттик кызматынын 25 жылдыгы;
32. КР Социалдык фондунун 25 жылдыгы;
33. Нарын мамлекеттик телерадиокомпаниясынын 25 жылдыгы;

Юбилейлик иш-чаралар

34. Коомдук ишкер, тарыхый инсан Карга бий Мендегул уулунун 300 жылдыгы;
35. Саясий ишмер, тарыхый инсан Атаке-баатыр Тынай уулунун 280 жылдыгы;
36. Тарыхий инсан Төрөкелди баатырдын 220 жылдыгы;
37. Төкмө акын жана манасчы Нурмолдо Наркул уулунун 180 жылдыгы;
38. Манасчы Багыш Сазан уулунун 140 жылдыгы;
39. Акын жана жазуучу Абылкасым Жутакаевдин 130 жылдыгы;
40. Кыргыз ССРинин Эл артисти Ыбрай Тумановдун 130 жылдыгы;
41. Кыргыз ССРинин Эл артисти, төкмө акын Осмонкул Бөлөбалаевдин 130 жылдыгы;
42. Манасчы Актан Тыныбек уулунун 130 жылдыгы;
43. Манасчы Ыбырайым Абдырахмановдун 130 жылдыгы;
44. Төкмө акын Молдо Багыш Сарыбай уулунун 130 жылдыгы;
45. Кыргыз ССРинин эмгек сиңирген артисти Айдар Кожобековдун 120 жылдыгы;
46. Кыргыз ССРинин коомдук ишмери Данаке Имановдун 120 жылдыгы;
47. Кыргыз ССРинин эмгек сиңирген артисти Асанбек Жантемировдун 110 жылдыгы;
48. Кыргыз ССРинин эмгек сиңирген дарыгери Иса Ахунбаевдин 110 жылдыгы;
49. Кыргыз ССРинин Эл артисти Таджихан Хасанованын 100 жылдыгы;
50. Кыргыз ССРинин Эл артисти Лайлихан Моидованын 100 жылдыгы;
51. Социалисттик эмгектин баатыры Ыймаш Базаровдун 100 жылдыгы;
52. Кыргыз ССРинин эмгек сиңирген окутуучусу Ыбрай Жакыповдун 100 жылдыгы;
53. Кыргыз ССРинин Эл акыны Нуркамал Жетикашкаеванын 100 жылдыгы;
54. Социалисттик эмгектин баатыры Курманкул Абдулаевдин 100 жылдыгы;
55. Социалисттик эмгектин баатыры Аграфена Реуцкаянын 100 жылдыгы;
56. Кыргыз ССРинин Эл артисти Султан Юсуповдун 100 жылдыгы;
57. Кыргыз ССРинин Эл сүрөтчүсү Мырза Оморкулдун 90 жылдыгы;
58. Кыргыз ССРинин маданиятына эмгек сиңирген ишмер Валерий Кимдин 90 жылдыгы;
59. Төкмө акын, комузчу жана обончу Исак Стамкуловдун 90 жылдыгы;
60. Композитор, комузчу Сейдалы Медетовдун 90 жылдыгы;
61. Кыргыз ССРинин маданиятка эмгек сиңирген ишмери Таштан Эрматовдун 90 жылдыгы;
62. Социалисттик эмгектин баатыры Санталатхан Юсупованын 90 жылдыгы;
63. Акын жана котормочу Орозбай Сулаймановдун 90 жылдыгы;
64. Илимге эмгек сиңирген ишмер Бейшен Турусбековдун 90 жылдыгы;
65. Социалисттик эмгектин баатыры Ишемби Илипбаевдин 90 жылдыгы;
66. Тарых илимдеринин доктору Абдылда Каниметовдун 90 жылдыгы;
67. Композитор Мааданбек Алмакуновдун 80 жылдыгы;
68. Социалисттик эмгектин баатыры Таштанбек Акматовдун 80 жылдыгы;
69. КР Эл сүрөтчүсү Алексей Каменскийдин 80 жылдыгы;
70. Кыргыз ССРинин маданиятына эмгек сиңирген ишмер Сатылган Осмоновдун 80 жылдыгы;
71. Социалисттик эмгектин баатыры Кайыр Мукашеванын 80 жылдыгы;
72. КРдин билим берүүсүнө эмгек сиңирген кызматкер Кыргызбай Алагушевдин 80 жылдыгы;
73. Медицина илимдеринин доктору Айнагүл Алмерекованын 80 жылдыгы;
74. Кыргыз ССРинин искусствого эмгек сиңирген ишмери Усенжан Ибрагимовдун 80 жылдыгы;
75. КРдин Эл артисти Кеңеш Алиевдин 80 жылдыгы;
76. Коомдук жана саясий ишмер Жумаш Эшперовдун 80 жылдыгы;
77. Акын Калыбай Осмоналиевдин 80 жылдыгы;
78. Экономика илимдеринин доктору Кыдыр Абдымаликовдун 80 жылдыгы;
79. Медицина илимдеринин доктору Валентина Кононованын 80 жылдыгы;
80. КРдин Эл артисти Жамал Сейдакматованын 80 жылдыгы;
81. Жалал-Абад облустук ооруканасынын дарыгери Анвар Касымовдун 70 жылдыгы;
82. Кыргыз ССРинин Эл артисти Акылбек Абдыкалыковдун 70 жылдыгы;
83. КММАнын доценти Жумабай Аденовдун 70 жылдыгы;
84. КРдин маданиятына эмгек сиңирген ишмер Мурат Алиевдин 70 жылдыгы;
85. КРдин Эл артисти Жамиля Сыдыкбаеванын 70 жылдыгы;
86. КРдин мамлекеттик гербинин автору Асеин Абдраевдин 70 жылдыгы;
87. КРдин маданиятка эмгек сиңирген ишмери Жылдызбек Молдохматовдун 70 жылдыгы;
88. КРдин эмгек сиңирген артисти Зейнеп Шакееванын 70 жылдыгы;
89. КММКнын профессору Гульнар Чолокованын 70 жылдыгы;
90. КРдин маданиятка эмгек сиңирген ишмери Тазагүл Закированын 70 жылдыгы;
91. КММАнын профессору Мавлянжан Кадыровдун 70 жылдыгы;
92. КРдин эмгек сиңирген артисти Гүлмайрам Момушеванын 70 жылдыгы;
93. КРдин эмгек сиңирген артисти Токтобек Сатаровдун 70 жылдыгы;
94. КРдин Эл артисти Жыргал Көбөгөнованын 70 жылдыгы;
95. КРдин Эл артисти Турганбүбү Бообекованын 70 жылдыгы;
96. КРдин эмгек сиңирген артисти Райма Абдубачаеванын 70 жылдыгы;
97. КРдин маданиятка эмгек сиңирген ишмери Сагыналы Субаналиевдин 70 жылдыгы;
98. КРдин искусствого эмгек сиңирген кызматкери Жалил Сооданбектин 70 жылдыгы;
99. КРдин Эл артисти Назира Мамбетованын 70 жылдыгы;
100. КРдин Эл артисти Лариса Любомудрованын 70 жылдыгы;
101. КРдин Эл артисти Күмөндөр Абыловдун 60 жылдыгы;
102. КРдин Эл артисти Жумакадыр Каниметовдун 60 жылдыгы;
103. КРдин эмгек сиңирген артисти Сайрабүбү Мырсалиеванын 60 жылдыгы;
104. КРдин эмгек сиңирген артисти Жыпариса Кочорбаеванын 60 жылдыгы;
105. Жазуучу жана журналист Кален Сыдыкованын 60 жылдыгы;

390
Белгилер:
той, маараке, каражат, бюджет, Акылбек Жаманкулов, Мухаммедкалый Абылгазиев
Тема боюнча
Депутат Жамангулов: тойлорго беш жылга чейин мораторий киргизүү керек
Премьер маморгандар менен милицияга ишкерлерден акча алууга тыюу салды
Мектептен мечит, бакчадан тойкана көп. Кафе-ресторандардан канча салык түшөт?
Ак-Булак плюс сүт заводу

Ысыккөлдүк ишкана Кытайга сүт экспорттой баштайт

193
(жаңыланган 18:49 03.08.2020)
Ишкана жакынкы жылдары  сүт өндүрүүнү суткасына 70-80 тоннага чейин көбөйтүү, күнүнө 10 тонна быштак (сыр) чыгаруу кубаттуулугуна жетүү  планын койгон.

БИШКЕК, 3-авг. — Sputnik. 2021-жылдан тартып ысыккөлдүк ишкерлер Чүй облусундагы өнөктөштөрү менен биргеликте Кытайга сүт жана сүт азыктарын экспорттоону пландап жатат. Бул тууралуу президент Сооронбай Жээнбековдун аталган облуста болгон иш сапары учурунда белгилүү болду.

  • Деятельность молокоперерабатывающего предприятия ОсОО Ак-Булак плюс в городе Каракол
    2021-жылдан тартып ысыккөлдүк ишкерлер Чүй облусундагы өнөктөштөрү менен биргеликте Кытайга сүт жана сүт азыктарын экспорттоону пландап жатат
    © Пресс-служба президента КР / Султан Досалиев
  • Президента КР Сооронбай Жээнбеков в ходе ознакомления с деятельностью молокоперерабатывающего предприятия ОсОО Ак-Булак плюс в городе Каракол
    Бул тууралуу президент Сооронбай Жээнбековдун аталган облуста болгон иш сапары учурунда белгилүү болду
    © Пресс-служба президента КР / Султан Досалиев
  • Деятельность молокоперерабатывающего предприятия ОсОО Ак-Булак плюс в городе Каракол
    Мамлекет башчынын маалымат кызматынан билдиришкендей, Жээнбеков Каракол шаарындагы сүттү кайра иштетүүчү ишкананын ишмердүүлүгү менен таанышты
    © Пресс-служба президента КР / Султан Досалиев
  • Деятельность молокоперерабатывающего предприятия ОсОО Ак-Булак плюс в городе Каракол
    Бул жерге Каракол шаарынын, ошондой эле Түп, Ак-Суу жана Жети-Өгүз райондорунун жергиликтүү фермерлери сүт өткөрөт.
    © Пресс-служба президента КР / Султан Досалиев
1 / 4
© Пресс-служба президента КР / Султан Досалиев
2021-жылдан тартып ысыккөлдүк ишкерлер Чүй облусундагы өнөктөштөрү менен биргеликте Кытайга сүт жана сүт азыктарын экспорттоону пландап жатат

Мамлекет башчынын маалымат кызматынан билдиришкендей, Жээнбеков Каракол шаарындагы сүттү кайра иштетүүчү ишкананын ишмердүүлүгү менен таанышты.

Экономика министри: Кыргызстандын ички дүң продукциясынын көлөмү кыскарды

"Учурда бул ишкана Кант шаарындагы өнөктөшү менен бир соода маркасынын алдында товар өндүрүп, Россия, Казакстан, Тажикстандын рыногуна чыгарып жатат. 2021-жылдан тартып Кытайга экспорттоону баштайт", — деп айтылат билдирүүдө.

Ишкана бир нече кабыл алуу пунктуларына жана муздаткыч жайларына ээ. Бул жерге Каракол шаарынын, ошондой эле Түп, Ак-Суу жана Жети-Өгүз райондорунун жергиликтүү фермерлери сүт өткөрөт. Завод Ысык-Көл облусундагы райондордун 70тен ашуун айылдарындагы алты миңден ашуун дыйкан чарбалардын сүтүн кабыл алууда, муну менен бирге аймактагы айыл чарба өнүгүүдө.

Алар жакында сүт өндүрүүнү суткасына 70-80 тоннага чейин көбөйтүү, күнүнө 10 тонна быштак (сыр) чыгаруу кубаттуулугу менен европалык деңгээлдеги автоматташтырылган быштак жана коюлтулган сүт өндүрүү боюнча линияны ишке киргизүүнү пландап жатат.

Эске салсак, президент Ысык-Көлдө эки күндүк иш сапары менен жүрөт.

193
Белгилер:
экспорт, Кытай, завод, Сүт, Ысык-Көл облусу
Тема боюнча
Ысык-Көлдө атамекендик ишкана коргонуучу кийим тиге баштады. Сүрөт
Экономист Замирбек Осмонов. Архив

Осмонов: экономиканы көтөрүү үчүн экспортту көбөйтүү зарыл

34
(жаңыланган 13:51 03.08.2020)
Экономист Замирбек Осмонов өнөктөш өлкөлөрдө абал жакшырса Кыргызстандын экономикасына оң таасирин тийгизет деген пикирин билдирди.

Өнөктөш өлкөлөрдө коронавируска байланыштуу эпидемиологиялык абал жакшырса, Кыргызстандын экономикасына оң таасирин тийгизет. Бул тууралуу Замирбек Осмонов Sputnik Кыргызстан радиосуна маек куруп жатып маалымдады.

Осмонов: экономиканы көтөрүү үчүн экспортту көбөйтүү зарыл

Анын айтымында, карантинден кийин экономиканы тез арада калыбына келтирүү үчүн ЕАЭБдин алкагында Казакстан-Кыргызстан чек арасындагы тоскоолдуктарды болтурбоо аракеттери көрүлүүсү шарт.

"Күйүүчү май, газ дагы көптөгөн товарларды ЕАЭБге мүчө Россиядан, Казакстандан алып келебиз. Ошондой эле эт, сүт жана башка товарларды Казакстанга чыгаруудабыз. Бул өлкөлөрдө коронавируска байланыштуу эпидемиологиялык кырдаал жакшырса, Кыргызстанга оң таасирин тийгизет. Себеби аталган мамлекеттерде бизден барган товарларга суроо-талап жогорулайт. Ошондой эле импорт жаатында да жылыштар болот. Алардан келген товарлардын саны көбөйсө, баалар төмөндөйт. Мындан тышкары, соода-сатык балансын теңдеп, ал тургай колдон келишинче өлкөнүн экспорттук потенциалын жогорулатуу зарыл. Ал үчүн экологиялык таза продукциялар: фасоль өстүрүү, жер-жемиш иштетүү, балык чарбачылыгын колдоого жана бал өндүрүүгө жеңилдетилген насыяларды бериш керек. Ошол эле текстиль тармагы дагы пандемиянын таасиринен улам басаңдап калды. Аны тез арада калыбына келтирүү үчүн тийиштүү кадамдар жасалышы шарт", — деди Осмонов.

Министрлик: азык-түлүк, керектелүүчү товарлардын экспортуна чектөө коюлду

Ошондой эле ал ишкерликти өнүктүрүү үчүн мамлекеттик органдардагы бюрократияны жоюу керектигин кошумчалады.

34
Белгилер:
коронавирус, экономика, Евразиялык экономикалык биримдик, Замирбек Осмонов
Тема боюнча
ЕЭАБ коронавирус менен күрөшүү үчүн иш-чаралардын комплекстүү планын бекитти
Аэропорттогу жүргүнчүлөр. Архив

Россия бирдиктүү электрондук визаны киргизүүдө. Бул эмнени түшүндүрөт?

0
(жаңыланган 00:46 04.08.2020)
2021-жылдын 1-январынан баштап Россияга кыска мөөнөттүү электрондук виза менен барууга мүмкүнчүлүк ачылат. Аны болгону төрт күндүн ичинде алса болот. Жаңы эреже кимдер үчүн колдонуларын Sputnik тактап чыкты.

Алексей Стефанов

53 өлкөнүн жарандарына Владивосток менен Алыскы Чыгыш федералдык округуна, Калиниград областына, Санкт-Петербург менен Ленинград областына барууга мүмкүнчүлүк түзгөн электрондук визаларды берүү пилоттук долбоорунун уландысы катары Россия эми өлкөнүн бардык аймагына барууга укук берген электрондук кыска мөөнөттүү визаны алуу мүмкүнчүлүгүн киргизүүдө.

Өткөн жумада Россиянын президенти Владимир Путин 60 күндүк мөөнөткө универсалдуу бирдиктүү электрондук визаны берүүнү караган федералдык мыйзамга кол койду. Дипломаттык, кызматтык, кадимки, транзиттик жана убактылуу жашаган адамдын визасы сыяктуу бул виза өзүнчө категорияга ээ болот.

Бул виза боюнча сапардын мөөнөтү 16 күндөн ашпашы керек. Россия туроператорлор ассоциациясы Sputnik агенттигине түшүндүрүп бергендей, статистика боюнча, чет элдиктердин Россияга сапары орточо алганда бир жумага созулат, ошондуктан каралган мөөнөт жетиштүү.

113 өлкөнүн жарандары: Россия өлкөгө кирүүнү болушунча жеңилдетүүдө

Жаңы визаны 2021-жылдын 1-январынан баштап ала баштаса болот. Россиянын ИИМи билдиргендей, Алыскы Чыгыш федералдык округуна, Калиниград областына, Санкт-Петербург менен Ленинград областына барууга электрондук визаларды берүү эксперименти учурунда айрым маселелер байкалган – талапкерлер арызды жазууда көп ката кетиргендиктен, аларга визалар берилбей калган учурлар болгон. Жаңы визаларды алууда ушундай каталарга жол бербеш үчүн сайт кайрадан жасалып чыгып, аны менен иштөө кыйла жеңилдетилген.

Өзбекстан бай жана билимдүү чет элдиктерди тартуу үчүн жаңы виза киргизет

Жаңы виза кайсы өлкөлөрдүн жарандарына берилери азырынча белгисиз. “Чет өлкөлөрдүн тизмесин Россия Федерациясынын өкмөтү өзүнчө бекитет”, – деп түшүндүрдү Sputnik агенттигине Мамдуманын дене тарбия, спорт, туризм жана жаштар иштери боюнча комитеттин мүчөсү Наталья Кувшинова.

“Электрондук кыска мөөнөттүү визаны алгысы келгендердин саны арбын болот деген ойдомун. Жаңы демилге Россияга келген туризмдин агымын өстүрүүгө багытталган, анткени учурдагы эң башкы маселелердин бири ички жана сырттан келген туризм болуп эсептелет. Менин пикиримде, бул айрым өлкөлөрдүн жарандарына Россия Федерациясына саякатка келүүсүнө өбөлгө түзгөн механизмдердин бири болуп саналат”, - дейт Мамдуманын депутаты.

Пилоттук долбоордо камтылган 53 өлкө жаңы визаны алуу мүмкүнчүлүгү бериле турган өлкөлөрдүн катарына кирет болушу керек деп болжолдосо болот. Алардын катарында - Евробиримдиктин өлкөлөрү, Кытай, Япония, Түркия, Индия. Бирок бул тизмекте АКШнын, Канаданын жана Улуу Британиянын жарандары байкалбайт. Бул жолкусунда да аларга жаңы визаны алуу мүмкүнчүлүгу берилбейт окшойт. ИИМ белгилегендей, пилоттук долбоордон айырмаланып, визалар эми акысыз берилбейт, 2021-жылдын январынан баштап виза үчүн төлөм киргизилмекчи. Анын өлчөмү 50 АКШ долларынан ашпайт деген божомол бар.

“Келерки жылы башка визаларга салыштырмалуу жаңы электрондук визага кызыгуу кандай болорун байкап көрөбүз”, — дейт Мамдуманын депутаты Наталья Кувшинова.

Электрондук визаны алуу мүмкүнчүлүгү бериле турган 53 өлкөдөн сырткары дагы 60 өлкөнүн жарандары эки тараптуу эл аралык келишимдерге ылайык Россияга визасыз кире алышат.

Жыйынтыгында 2021-жылдан баштап Россиянын аймагына кагаз визаны албай кирүүнүн жеңилдетилген жолу адамзаттын жарымы – 4 млрд адам жашаган өлкөлөр үчүн колдонулат дейт ИИМ.

Туристтик агым кеминде 30%га өсөт

“Бул өлкөбүзгө кирүү мүмкүнчүлүгүн олуттуу жеңилдетүү болуп эсептелет, бул тууралуу канчалаган туристтер көптөн бери кыялданып келишкен. Эң башкысы, иш жүзүндө да электрондук визаны алуу ойлонуштурулгандай жеңил болушу керек”, - деген пикирин билдирди Россия туроператорлор ассоциациясынын (ОТОА) аткаруучу директору Майя Ломидзе.

Анын айтымында, электрондук кыска мөөнөттүү виза такыр эле болбой калды дегенде туристтердин агымын 30%га өстүргөнгө мүмкүнчүлүк берет. Ошондуктан, Ломидзенин пикири боюнча, жаңы жөрөлгө утуштарга гана алып келет, “бир гана учурда, эгер убадаланган жеңилдетүү чындыгында эч кандай жеңилдетүү болбой калса, утулууга учурашыбыз мүмкүн”.

Россия 2021-жылы мигранттардын санын кыскартмай болду

Өз кезегинде ОТОАнын вице-президенти Александр Курносовдун эсеби боюнча өкмөттүн бул кадамы туристтик агымды 40, ал эмес 50%га өстүрүшү мүмкүн, “өсүш андан да чоң болушу ыктымал, визаларды такыр алып салган же болбосо аны алууну өтө жеңилдеткен башка өлкөлөрдүн тажрыйбасы көрсөткөндөй, жыйынтыгы андан да чоңураак болушу мүмкүн”.

“Бул чечимдин кабыл алынышы – кубанычтуу жаңылык, өзгөчө азыркы туристтик тармак үчүн оор кезеңде”, — деди ал.
Александр Курносов “визанын мөөнөтү азыркы эки айдан бери дегенде жарым жылга же бир жылга, ал эми узактыгы 16 күндөн 30 күнгө чейин” узартылып, визалык режим мындан ары да жеңилдетилет деген үмүттө.

Ошондой эле Россия туроператорлор ассоциациясынын вице-президенти электрондук визалар бериле турган өлкөлөрдүн тизмеги да кеңейтилерине үмүт кылат, “анткени бул тизмекке Россияга туристтерди көп жиберген өлкөлөр кирбей калган – мисалы, АКШ жана Улуу Британия.

Александр Курносовдун айтымында, бул ишке ашса эң сонун болмок. Бирок маселе саясатка барып такалары бардыгына түшүнүктүү.

0
Белгилер:
туризм, виза, Россия
Тема боюнча
АКШнын санкциясын эске алып. Кыргызстанда жаңы паспорт кантип жасалууда