Батир. Архив

Күздөн тарта Мамлекеттик ипотека компаниясы пайыздык коюмду арзандатат

814
(жаңыланган 14:36 23.09.2018)
Сооронбай Жээнбеков социалдык багыттагы "Арзан турак жай" программасын ишке ашырууда Мамлекеттик ипотекалык компания жарандардын төлөө жөндөмдүүлүгүн жана социалдык-экономикалык абалын эске алуусу зарылдыгын белгилеген.

БИШКЕК, 21-сен. — Sputnik. Быйыл күздөн тарта Мамлекеттик ипотекалык компаниясы (МИК) бюджеттик кызматкерлер үчүн пайыздык коюмдарды 7 пайызга чейин төмөндөтөт. Бул тууралуу аталган компаниянын жетекчиси Бактыбек Шамкеев президент Сооронбай Жээнбеков менен болгон жолугушууда билдирди.

Шамкеев өлкө башчысына ипотекалык насыя берүүнүн шарттарын жакшыртуу боюнча аткарылып жаткан иштер тууралуу маалымат берди.

"Азыркы күндө 8-10 пайыз менен суммасы 3,7 миллиард сомдук 3450 ипотекалык кредит берилген. 2018-жылдын күзүнөн баштап МИК бюджеттик мекемелердин кызматкерлери үчүн ипотекалык насыялардын пайыздык ченин 7 пайызга чейин төмөндөткөнгө даяр", — деди ал.

Ошондой эле Шамкеев кийин сатып алуу үчүн ижарага берүү ыкмасы менен эконом-класстагы көп батирлүү үйлөрдүн курулушу тууралуу маалымат берди.

"Бул механизм алгачкы төлөмдү талап кылбайт жана пайыздык ченемди 6 пайызга чейин төмөндөтүүнү камтыйт. Азыркы учурда Нарын шаарында 5 кабаттуу, 60 батирлүү эконом-класстагы үй жана Бишкек шаарындагы "Туңгуч" кичи районунда 9 кабаттуу, 135 батирлүү үй курулууда", — деп белгиледи ал.

Финансы министрлигинин маалыматы боюнча 2017-жылы ипотекалык насыя берүүнү ишке ашыруу үчүн бюджеттен 1,3 миллиард сом, 2018-жылы 1,5 миллиард сом бөлүнгөн. 2019-жылы бул сумманы 2 миллиард сомго жеткирүү болжолдонууда.

Ал эми президент Сооронбай Жээнбеков социалдык багыттагы "Арзан турак жай" программасын ишке ашырууда МИК жарандардын төлөө жөндөмдүүлүгүн жана социалдык-экономикалык абалын эске алуусу зарылдыгын белгиледи.

"Азыркы учурда бюджеттик тармактарда — медицина, билим берүү, маданият жана социалдык камсыздоо чөйрөлөрүндө иштеген жарандар үчүн бекитилген 8-10 пайыздык төлөм кыйындыкка турат. Ошондуктан мамлекеттик ипотека боюнча кредиттердин пайыздык ченин төмөндөтүү боюнча ишти тездетүү зарыл", — деди мамлекет башчы.

Жээнбеков андан сырткары, эконом-класстагы көп батирлүү турак жайларды куруу долбоорун ишке ашырууга токтолуп, үйлөрдү аймактарда, тактап айтканда региондорду өнүктүрүү Концепциясындагы өнүгүү орундары катары белгиленген шаарларда курууну жана МИКтин турак жайларынын чарчы метринин наркы калктын көпчүлүгү үчүн жеткиликтүү болушун баса белгиледи.

814
Белгилер:
насыя, батир, Мамлекеттик ипотекалык компания, Бактыбек Шамкеев, Сооронбай Жээнбеков, Кыргызстан
Тема:
Мамлекеттик ипотекалык насыя берүү (62)
Тема боюнча
Алданып калбаңыз! Батир алам дегендерге юристтин 9 кеңеши
Мамлекеттик ипотека берүү убактылуу токтотулду. Себеби
Сом купюралары жана монеталары. Архив

Өлкөдө бюджет тартыштыгынан айрым чыгымдар токтотулат

184
(жаңыланган 20:55 30.09.2020)
Быйыл республикалык бюджеттин кирешеси пландагандан төмөн болгондуктан, анын тартыштыгы 7 миллиард сомду түзөрү болжолдонуп жатканы эскертилди.

БИШКЕК, 30-cен. — Sputnik. Өлкөдө ыкчам каржылоо зарылдыгына ээ болбогон чыгымдар убактылуу токтотулат. Бул тууралуу премьер-министр Кубатбек Боронов "КРдин 2021-жылга карата республикалык бюджети жана 2022-2023-жылдарга болжолу жөнүндө" мыйзам долбоору каралган кеңешмеде билдирди.

"Учурдун талаптарын эске алуу менен 2021-жылга бюджеттин айрым параметрлерин өзгөртүүгө туура келип жатат. Анткени быйыл республикалык бюджеттин кирешеси пландагандан төмөн болгондуктан, бюджет тартыштыгы 7 миллиард сомду түзөрү күтүлүүдө. Ошондуктан биз кийинки жылдагы айрым чыгашаларды кыскартууга аргасызбыз", — деген Боронов.

Ал Финансы министрлигине бир ай ичинде министрлик жана ведомстволордун зарыл деп эсептеген чыгымдарын карап чыгууну тапшырган.

ЖК, президент жана өкмөттүн аппараттары бюджеттен канча каражат алары айтылды

Ага катар бюджеттин киреше бөлүгүн аткаруу боюнча жаңы инструменттерди карап чыгуу керектигин, бул негизинен бажы жана салык кызматтарына тийиштүү экендигин айткан.

"Фискалдаштыруу мамлекеттик органдардын ишине жана бюджеттин киреше бөлүгүн толтурууга гана жардам бербестен, ишкерлердин да жумушун жеңилдетет. Бул чаралар 2020-жылы пандемия шартында да жакшы жыйынтыктарын берди. Маселен, Салык кызматы ай сайын планды 1 миллиард сомго чейин аткарууда. Бизде мындай пландар көп, алардын негизги бөлүгүн 2021-жылы ишке ашырышыбыз керек", — деген өкмөт башчы.

Боронов бюджет үчүн бажы тутумундагы пайдалуу программаларды да белгилеп өткөн.

"2021-жылга 30 миллиард сом чогултууну пландап жатабыз, ал ички мамлекеттик инфраструктуралык долбоорлорду ишке ашырууга багытталат. Андан тышкары 1,9 миллиард сомдук мамлекеттик бюджеттик резерв түзүлгөн, бул каражат пландаштырылбаган чыгымдарга багытталат", — деген премьер-министр.

Кыргыз өкмөтү COVID кесепетинен канча карыз алып, кайда жумшап жатат. Саресеп

Ошондой эле Боронов 2021-жылы өлкө тышкы карыздарды төлөө боюнча пикке жакындай турганын жана аны реструктуризациялоо боюнча иштер улантылып жаткандыгын эскерткен.

184
Белгилер:
каржылоо, бюджет, Кубатбек Боронов, Кыргызстан
Тема боюнча
Бир партия 105 млн. сом. Шайлоого аттангандар канча каражат короткону айтылды
Суу май. Архивдик сүрөт

Кризис учурунда ЕАЭБден кайсы товарлардын экспорту өскөнү айтылды

77
(жаңыланган 18:19 30.09.2020)
Адистин айтымында, товар ташыгандардын ири интернет аянтчаларына чыгып онлайн-соодага өтүшү ЕАЭБ үчүн перспективдүү тенденция болуп жатат.

БИШКЕК, 30-сен. — Sputnik. Дүйнөдөгү экономикалык оор кырдаалга карабастан ЕАЭБ үчүнчү мамлекеттерге бир катар товарлардын экспортун көбөйттү. Бул тууралуу Евразия экономикалык комиссиясынын соода-сатык боюнча коллегиясынын мүчөсү Андрей Слепнев билдирди.

Адис "КР пандемияга байланыштуу ЕАЭБ мамлекеттеринин ичинен соода жаатында көп жоготууларга учурады" аттуу видеокөпүрөгө катышты. Иш-чара Sputnik Кыргызстан агенттигинин сайтынан көрсөтүлдү.

"Суу майдын экспорту 42 пайызга өстү. Бул товар негизинен Кытай, Түркия жана Индияга жөнөтүлүп жатты. Ал эми кумшекердин экспорту 15 эсеге жогорулады. Продукт адатта Тажикстан, Өзбекстан жана Азербайжанга жиберилди", — деди ал.

Слепнев быйылкы жылдын эсебинен дагы бир маанилүү жаңылык — бул Кытайга тоок жана уй этин жөнөтүүгө жол ачылганы экенин белгиледи. Ал ошондой эле үстүбүздөгү жыл ичинде буудайдын дагы экспорту жогорулаганын кошумчалады.

77
Белгилер:
эт, Буудай, экспорт, Евразиялык экономикалык биримдик
Тема боюнча
Жуматаев: ЕАЭБдин алкагында илимди интеграциялоо бизге пайдалуу
Карабаева: ЕАЭБде доллардан арылуу маселеси бир нече жолу талкууланган
Бактыгулов: ЕАЭБ, Кытай соода алакасы Кыргызстанга 3 млрд. сом пайда берет
АКШнын Киевдеги элчилигин имараты. Архив

Киевде АКШ элчилигинде иштеген аялдын өлүмүнүн себеби иликтенип жатат

0
(жаңыланган 22:52 30.09.2020)
Алгач полиция аялды өлтүрө сабап кетишкенин билдирсе, кийинчерээк жергиликтүү басылмага укук коргоо органдарындагы ишенимдүү адам аны поезд коюп кетиши мүмкүндүгүн маалымдаган.

БИШКЕК, 30-сен. — Sputnik. Украинанын борбору Киевде АКШ элчилигинин кызматкеринин өлүмү иликтенип жатат. Бул тууралуу РИА Новости жазды.

Киев Улуттук полициясынын маалымат кызматы дипөкүлчүлүктүн кызматкери ооруканага токмок жеп түшкөндөн кийин каза тапканын билдирген. Укук коргоо органдары окуянын жагдайын тактап жатат.

Трамп: полиция кызматкерлерин жөн жерден атып кеткен киши өлүм жазасына тартылат

Полициядан билдиришкендей, шаршемби күнү Киев шаарынын Шевченко районундагы темир жол каттамына жакын жердеги токойлуу аймакта башынан жаракат алган аял жатканы тууралуу маалымат түшкөн. Ал жакка полиция кызматкерлери жана башка кызматтардын өкүлдөрү жөнөп кеткен.

"Аял эс-учун жоготкон абалда ооруканага жаткырылып, кийин ал ошол жерден көз жумган. Жабырлануучунун буюмдарын текшерүү учурунда анын АКШ элчилигинде иштей турганын тастыктаган күбөлүк табылган. Ыкчам иликтөө иш-чараларынын натыйжасында кызматкерге кол салышы ыктымал делген адамдын болжолдуу портрети түзүлүп, изделип жатат", — деп айтылат маалыматта.

Украина полициясынын өкүлдөрү РИА Новостиге маркумдун жарандыгы тактала электигин билдиришкен. Жергиликтүү маалымат каражаттарынын жазышынча, аялдын аты Санвер Никаело болгон.

Андан кийин "Цензор.НЕТ" басылмасы укук коргоо органдарындагы ишенимдүү адамга таянуу менен элчиликтин кызматкерин поезд коюп кетиши ыктымалдыгын жазган. Аял кулакчын тагынып алып темир жол жакта чуркаганы божомолдонгон.

Ошондой эле маалымат берген киши элчиликтин кызматкери желке тушунан оор жаракат алганын кошумчалаган.

0
Белгилер:
иликтөө, өлүм, кызматкер, элчилик, АКШ, Киев, Украина
Тема боюнча
Киев: бомба жардырам деген өзбекстандыкты аскерлердин кармаган учуру. Видео