MegaCom соода маркасы. Архивдик сүрөт

MegaCom компаниясын сатуудан баш тартуу сунушталууда

93
(жаңыланган 10:16 04.10.2018)
Акцияларынын 100 пайызы мамлекетке таандык болгон компанияны буга чейин да бир нече жолу сатуу аракети болгон.

БИШКЕК, 3-окт. — Sputnik. Мамлекеттик мүлктү башкаруу фондунун төрагасы Рахат Тулебердиев "Альфа Телеком" ЖАКты (MegaCom соода маркасы) фондунун карамагында эле калтырууну каалай турганын маалымат жыйында билдирди.

л ошондой эле 2018-2020-жылдарга карата менчиктештирүү программасы бекитиле электигин айтты. Аны өкмөт менен Жогорку Кеңеш жактыргандан кийин гана компанияны сатыкка коюу же койбоо тууралуу айтса болот. Тулебердиев ошондой эле аталган компания ийгиликтүү иштеп жатканын жана бул мамлекеттин үлүшү бар кирешелүү мекемелердин бири экенин баса белгиледи.

"Биздин расмий позициябыз MegaCom мекемесин Мамлекеттик мүлктү башкаруу фондусунда калтыруу керек", — деди ал.

"Альфа Телеком" ЖАКтын 100 пайыз акциясы мамлекетке таандык.

Уюлдук оператор былтыр 25-августта түз сатуу аркылуу аукционго коюлуп, баасы 19 миллиард сомдон 13,5 миллиард сомго чейин түшүрүлгөн

"Альфа Телеком" ЖАКы азыркыга чейин сатыла элек. Учурунда сатып алууну каалагандар чыкканы менен түрдүү себептерден улам ишке ашпай калган.

93
Белгилер:
аукцион, MegaCom, Альфа Телеком” ЖАК, Кыргызстан
Тема:
"Альфа Телеком" (MegaCom) жабык акционердик коомун менчиктештирүү (30)
Тема боюнча
Кен казуудан IT тармагына "секирген" инвестор. MegaCom операторун ким сатып алмакчы?
MegaCom компаниясы ортомчулар аркылуу сатылышы мүмкүн
Акча санап жаткан аял. Архив

Мэрия: бишкектик ишкерлер июлда 395 миң сом айыпка жыгылды

24
(жаңыланган 10:51 06.08.2020)
Мэриядан билдиришкендей, июль ичинде шаар боюнча санитардык эрежени бузгандардын көпчүлүгү кафе жана тез татым түйүндөрү.

БИШКЕК, 6-авг. – Sputnik. Июль айынын ичинде бишкектик ишкерлер санитардык талаптарды бузгандыгы үчүн 395 миң сомго айыпка жыгылды. Бул тууралуу шаар жетекчилигинен билдиришти.

"Эреже бузгандардын көпчүлүгү кафе жана тез татым түйүндөрү. Ошондой эле ишмердүүлүгүнө уруксат берилбеген, бирок жашыруун иштеп жүргөн компьютердик клубдарда дагы тартип сактабагандык байкалууда", — деп айтылат мэриянын билдирүүсүндө.

Пандемия учурунда коюлган талаптардын сакталышына көз салган Санитардык-экологиялык инспекция иштей баштагандан бери 289 протокол түзүлүп, 1 миллион 287 миң сом айып салынганы айтылат.

"Бишкек асфальттын" жетекчиси жолдогу чуңкур үчүн айыпка жыгылды. Сүрөт

Санитардык-экологиялык инспекциясынын байланыш номерлери:

  • Биринчи май району: 0555 404 818;
  • Свердлов району: 0551 551 745;
  • Октябрь району: 0 500 210 470;
  • Ленин району: 0500 085 580.
24
Белгилер:
пандемия, айып пул, эреже, Бишкек мэриясы, Бишкек
Тема боюнча
Өкмөт "Коопсуз шаардан" түшкөн айып пулга тез жардам унааларын алат
Экономика министрлигинин имараты. Архив

Экономика министрлиги келечекте тоо-кен өнөр жайын басып өтчү тармакты атады

127
Өндүрүштүк көлөмдөгү масштабга ээ болгон инновациялык идеялар ишке ашса, өлкөнүн экономикасына чоң киреше алып келип, капиталдык салымдарды рационалдаштырат, экспорттук мүмкүнчүлүктөрдү жогорулатат.

БИШКЕК, 5-авг. – Sputnik. Экономика министрлиги креативдүү экономиканы өнүктүрүү боюнча концепцияны иштеп чыгууга киришти. Бул тууралуу ведомствонун маалымат кызматынан билдиришти.

Концепция креативдүү индустриянын инновациялык багытын алдыга жылдыруу, өнүктүрүү үчүн укуктук жана экономикалык негиздерди түптөп бериши керек.

Министрликтин маалыматына караганда, Кыргызстандын ички дүң продукциясында креативдүү экономиканын үлүшү 7 пайызды түзөт. Бул тармакка реклама, архитектура, искусство, интерьер дизайны, мода индустриясы, кино индустриясы жана видео өндүрүш, көңүл ачуучу компьютердик программалар жана оюндар, музыка, театралдык искусство, арт-дизайн, көркөм сүрөт исскуствосу, басылма иши, телекөрсөтүү, радио жана башкалар кирет.

Бюджетти толтуруу үчүн ички киреше булактары аныкталууда. Алар кайсылар?

"Өндүрүштүк көлөмдөгү масштабга ээ болгон инновациялык идеялар ишке ашса, өлкөнүн экономикасына чоң киреше алып келип, капиталдык салымдарды рационалдаштырат, экспорттук мүмкүнчүлүктөрдү жогорулатат", — деп айтылат билдирүүдө.

Ошондой эле министрлик креативдүү индустрия сектору келечекте улуттук экономиканын тоо-кен өнөр жайынан жана мигранттардын акча которууларынан көз каранды болуусун жок кылат деген пикирде.

Мындан тышкары, өлкөнүн маданий мурастарынын кайра жаралуусуна жардам берери кошумчаланат.

127
Белгилер:
идея, чыгармачылык, экономика, Кыргызстан
Тема боюнча
COVID-19дун айынан Кыргызстанда майнинг-фермалар эми салык төлөмөкчү
Бишкек шаары. Архив

Газдаштырууну тездетели. Өкмөт Бишкектин абасын тазартуу жолдорун талкуулады

13
(жаңыланган 18:11 06.08.2020)
Кыска мөөнөттүн ичинде абага чыккан зыяндуу заттарды азайтып, аны тазалоодо конкреттүү натыйжаларга жетүү аракети каралууда.

БИШКЕК, 6-авг. — Sputnik. Өкмөттө 2020-2023-жылдарга карата Бишкек шаарынын жана Сокулук, Аламүдүн райондорунда экологиялык абалды жакшыртуу боюнча комплекстүү чаралардын планы талкууланды. Бул туурасында өкмөттүн маалымат кызматынан кабарлашты.

Отурумда "Газпром Кыргызстан" ишканасынын Бишкек шаарынын айланасындагы калктуу конуштарды газдаштыруу ишинин жүрүшү жана Бишкек ЖЭБин оңдоодо аткарылган жумуштар талкууланды. Компанияга өлкөнү газдаштыруу боюнча иштерди ылдамдатуу мүмкүнчүлүгүн карап чыгуу сунушу киргизилди.

Онлайн режиминде өткөн жыйындын катышуучулары ошондой эле борбордун от казандарын жаратылыш газына өткөрүү маселелерин талкуулаган.

Бул биздин шаар! Ыш баскан Бишкектин сүрөтү

Жыйынды өткөргөн биринчи вице-премьер  Алмазбек Баатырбеков абага чыккан зыяндуу заттарды азайтууга багытталган милдеттерди аткаруу учурдун талабы экендигин дагы бир ирет эске салган.

Күз-кыш мезгилинин жакындап келаткандыгына байланыштуу Бишкекти жана анын айланасын каптаган түтүн маселеси көйгөйлүү экени, бул өзгөчө кышында байкалганы айтылган.

"Абанын булганышы адамдын ден соолугуна жана иммунитетине терс таасирин тийгизет. Учурдагы кырдаалды эске алуу менен, жасалчу иштердин планын кайра карап чыгуу зарыл. Бюджеттин мүмкүнчүлүгүнө жараша иш-чараларды жүзөгө ашыруунун конкреттүү мөөнөттөрүн белгилөө боюнча сунуштарын айткыла. Кыска мөөнөттүн ичинде абага чыккан зыяндуу заттарды азайтып, аны тазалоодо конкреттүү натыйжаларга жетүү үчүн бардык күч-аракетти жумшоо шарт", — деген Баатырбеков.

Түндө салют атылгандан кийин Бишкектин абасы канчалык булганганы айтылды

Отурумда тармактык мамлекеттик органдарга Бишкек ЖЭБ оңдоо ишин өз мөөнөтүндө жана толук көлөмдө бүткөрүү милдеттендирилген. Зыяндуу заттардын абага ташталуу деңгээлин жана аталган объектилердеги пайдаланылган отундун сапатын тийиштүү көзөмөлдөө боюнча бир катар тапшырмалар берилген.

13
Белгилер:
ЖЭБ, газ, экология, Аламүдүн району, Сокулук, Бишкек, Кыргызстан
Тема боюнча
Бишкек чулгаган ыштан улам көрүнбөй калды. Тоодон тартылган видео