Кыргыз Улуттук университети. Архив

Депутат: Улуттук университеттин жылдык бюджети 1 млрд. сомду түзөт

214
(жаңыланган 14:03 04.10.2018)
Жамангулов салыштыруу иретинде Токмок шаарынын бир жылдык бюджети 148 миллион сомду түзөрүн белгиледи.

БИШКЕК, 4-окт. — Sputnik. Депутат Акылбек Жамангулов университеттердин бюджетин тыкыр иликтеп чыгуу керектигин Жогорку Кеңештин жалпы жыйынында ар түрдүү маселелер каралып жаткан учурда билдирди.

Эл өкүлүнүн айтымында, университеттер көп акча тапканы менен билим берүүнүн сапаты жогорулаган жок. Мындан тышкары, мугалимдердин айлыгы көтөрүлгөнү же жаңы имараттардын салынганы байкалбайт.

"Улуттук университеттин бюджети 1 миллиард сом, Славян университетиники 500 миллион, Жалал-Абад мамлекекеттик университетиники 200 миллион, Ош мамлекеттик университетиники 1 миллиард сомдун айланасында, Кыргыз мамлекеттик техникалык университеттики 200 миллион, Арабаев атындагы университеттики 205 миллион, Баткен мамлекеттик университетиники 700 миллион сомдун тегерегинде экен", — деди депутат.

Жамангулов салыштыруу иретинде Токмок шаарынын бир жылдык бюджети 148 миллион сомду түзөрүн белгиледи.

"Ушунча акчаны студенттерден чогултуп жаткандан кийин билим берүүнүн сапаты да жогорулашы керек, же ошол жерде иштеп жаткандардын айлыгы көтөрүлүп, же имараттар жаңыртылышы керек. Андай көрүнүш көпчүлүк ЖОЖдордо байкалбайт", — деди ал.

Депутат өкмөттүн өкүлү Ашырбек Темирбаев менен билим берүү жана илим министри Гүлмира Кудайбердиевага кайрылып, университеттердин акчасы кандай сарпталып жатканы боюнча иликтөө жүргүзүп, коррупциялык иштерди ачыкка чыгаруу керектигине токтолду.

214
Белгилер:
акча, Университет, билим берүү, Жогорку Кеңеш, Акылбек Жамангулов, Бишкек
Тема боюнча
Кампада, коридордо окуган балдар. Пригородное айылындагы жүрөк өйүткөн көрүнүш
Ыйлагың келет! Ноокат районундагы урайын деп калган мектептин видеосу
Жолдо турган жүк ташыган унаалар. Архивдик сүрөт

Жүк ташыган унааларга навигациялык пломба коюу долбоорунун мөөнөтү узарды

30
(жаңыланган 12:56 19.01.2021)
Жүк ташуучулардын пилоттук долбоорго катышуусу ыктыярдуу жана акысыз негизде ишке ашырылат. Навигацияны колдонгон айдоочуларды жолдо кошумча текшерүүгө жол берилбейт.

БИШКЕК, 19-янв. — Sputnik. Кыргызстандан Казакстанга, Россияга жана тескери багыт боюнча автоунаалар менен өткөрүлүүчү товарларга мониторинг жүргүзүү боюнча пилоттук долбоордун мөөнөтү узартылды. Бул тууралуу Мамлекеттик салык кызматы маалымдады.

Тийиштүү чечимге Кыргызстан менен Казакстандын салык органдарынын жетекчилери кол коюшту. Ага ылайык, пилоттук долбоордун мурдагы мөөнөтү 2020-жылдын 10-декабрына чейин болсо, эми 2021-жылдын 10-мартына чейин узартылды.

"Ушул мезгилде Кыргызстандан Казакстанга, Россияга жана тескери багыт боюнча товарларды ташууда өзү алып өтүүчү товарлардан тышкары автоунаа каражатынын жүк турган бөлүктөрүнө навигациялык пломба илинет. Жети мүнөттөн ашпаган убакытты талап кылган жол-жобо Казакстандын Финансы министрлигинин мамлекеттик кирешелер комитетинин кызматкерлери тарабынан жүзөгө ашырылат", — дешти салыкчылар.

Ташуучулардын пилоттук долбоорго катышуусу ыктыярдуу жана акысыз негизде болот. Ошол эле учурда өткөрмө пунктуларында, атайын бөлүнгөн жерлерде жана жолдордо навигациялык пломбалары бар жүк ташуучуларды көзөмөлдөөнүн кошумча түрлөрүн жүргүзүүгө жол берилбейт.

30
Белгилер:
долбоор, Казакстан, Россия, Кыргызстан
Тема боюнча
"Эркеч-Тамга" барган Новиков: жүк декларациясын адам толтурбашы керек
Финпол: бир фура контрабандалык жүк кармалып, кызмат адамдары изделүүдө
Товарды көзөмөлдөөнүн жаңы түрү. ЕЭК кеңеши кабыл алган чечим
Айылдагы жашоо. Архивдик сүрөт

Пандемияда кыйналган Жалал-Абаддын 65 айылын өнүктүрүүгө инвестиция тартылды

88
Долбоордун биринчи этабында жумуштар Сузак, Базар-Коргон жана Ноокен районундагы тандалган айылдарда жасалат.

БИШКЕК, 19-янв. — Sputnik. Жалал-Абад облусунда 65 айылга инвестициялык каражат тартылат. Бул туурасында өкмөттүн аталган облустагы өкүлчүлүгүнүн маалымат кызматы билдирди.

"CASA-1000 жергиликтүү коомчулукту колдоо үчүн кошумча каржылоо" жаңы долбоорунун алкагында кыргыз өкмөтү менен Дүйнөлүк банктын ортосундагы атайын каржылык макулдашуу жүргүзүлгөнү айтылат.

Бул багытта өткөн жыйынга облус жетекчиси Абсаттар Сыргабаев, долбоордун уюштуруучулары жана жергиликтүү бийлик башчылары катышкан.

"Каражат COVID-19 пандемиясында жабыркаган айылдардын социалдык-экономикалык абалын жакшыртууга багытталат. Биринчи этаптагы жумуштар Сузак, Базар-Коргон жана Ноокен районундагы тандалган айылдарда жасалат. Мында медициналык мекемелердин абалын жакшыртууга басым жасалмакчы. Каражатты пайдаланууда жергиликтүү тургундардын көйгөйлөрү менен сунуштары да эске алынат", — деп айтылат маалыматта.

Долбоор АРИС аркылуу 2024-жылга чейин иштеп, Жалал-Абад, Ош жана Баткен облустарынын 151 айыл аймагын камтыйт. Жалпы бюджети 21 миллион доллар, анын 50 пайызы грант түрүндө эсептелет.

88
Белгилер:
долбоор, өнүктүрүү, айыл, пандемия, Жалал-Абад облусу
Тема боюнча
Кыргызстанга кандай инвестициялар тартыла турганы айтылды
Жалал-Абад шаарынын автоунаа базары көчүрүлөт
COVID биринчи катталган Жалал-Абадга 11 тез жардам унаасы берилди. Сүрөт
Стамбул аэропортундагы учактар. Архив

Эртеңден тарта Стамбул Бишкек Стамбул авиакаттамынын саны көбөйтүлөт

0
(жаңыланган 14:46 19.01.2021)
Жаңы чечимге ылайык, эртеңден тарта Стамбулга жумасына жети рейс аткарылат. Буга чейин авиакомпания жумасына беш рейс жасап турган.

БИШКЕК, 19-янв. — Sputnik. "Манас" эл аралык аэропорту Стамбул — Бишкек — Стамбул авиакаттамынын санын көбөйтмөй болду. Бул тууралуу аталган аба майдандан билдиришти.

Ага ылайык, эртең, 20-январдан тарта, Стамбул — Бишкек — Стамбул авиакаттамы боюнча жумасына жети рейс аткарылат.

Жүргүнчүлөрдү Turkish Airlines авиакомпаниясы ташыйт. Буга чейин авиакомпания жумасына беш рейс жасап турган.

0
Белгилер:
рейс, каттам, Бишкек, Стамбул, "Манас" эл аралык аэропорту
Тема боюнча
Кийинки жумадан тарта Бишкектен Лейлекке учак каттай баштайт