Фарид Ниязов жана Сапар Исаков. Архивдик сүрөт

Атамбаевдин үзөңгүлөштөрү былтыр канча акча тапкан

312
(жаңыланган 10:19 10.11.2018)
Sputnik Кыргызстандагы аткаминерлердин киреше жана чыгашасы тууралуу декларациясын жарыялоону улантат.

БИШКЕК, 8-ноя. — Sputnik. Салык кызматы мамлекеттик кызматкерлердин 2017-жылы тапкан кирешесин жарыялады.

Төмөндө экс-президент Алмазбек Атамбаев кызматка дайындаган аткаминерлердин толтурган декларациясы келтирилди.

Фарид Ниязов

Руководитель аппарата президента Кыргызстана Фарид Ниязов. Архивное фото
© Пресс-служба президента КР / Султан Досалиев
Президенттин аппаратынын мурдагы жетекчиси Фарид Ниязов
Фарид Ниязов Атамбаевдин кеңешчиси болгон, аппаратын жетектеп, бул кызматты Жээнбековдун тушунда да аркалаган. Былтыр ал 521 миң сом таап, 450 миң сом короткон. 45,2 чарчы метрлик батирге, айыл чарба багытындагы беш жер тилкесине, толук бүткөн имаратка жана бир кашарга ээ. Андан тышкары, эки трактору менен Audi 80 унаасы бар. Жер тилкелери менен сарайы ишенимдүү башкарууга берилген.

Жакын тууганынын атына да аянты 45,2 чарчы метрлик батир, эки жер тилкеси, ошондой эле 665 миң сомдук бодо мал катталган. Былтыр 450 миң сом таап, 310 миң сом сарптаган.

Индира Жолдубаева

Экс-генеральный прокурор Индира Джолдубаева
© Пресс-служба президента КР / Султан Досалиев
Мурдагы башкы прокурор Индира Жолдубаева
Башкы прокурорлукту аркалап келген Жолдубаева 582 миң сом иштеп тапкан, 28,9 чарчы метрлик үйү жана 34 чарчы метрлик батири бар. Эмереги 30 миң сомго бааланса, 350 миң сомдук зер буюмдары жазылган. Ал эми "жакын туугандары" деген жери толтурулган эмес.

Сапар Исаков

Бывший премьер-министр КР Сапар Исаков вышел из здания в Госкомитета национальной безопасности
© Sputnik / Нурис Алымбаев
Мурунку премьер-министр Сапар Исаков
Мурунку премьер-министр Сапар Исаков 2017-жылдын август айына чейин президенттин аппаратын башкарып келген. Былтыркы жылдагы кирешеси миллион сомго чамалап барат. 127,4 чарчы метрлик батирге жана гаражга ээлик кылат. Унаасы жок.

Исаковдун жакын туугандары 141 миң сом тапкан. 370 чарчы метрлик үйү жана Lexus RX 450h үлгүсүндөгү унаасы бар.

Алмаз Курманалиев

Секретарь Совета безопасности КР Алмазбек Курманалиев на приеме у президента Сооронбая Жээнбекова
© Пресс-служба президента КР / Султан Досалиев
Коопсуздук кеңешинин мурдагы жетекчиси Алмаз Курманалиев
Коопсуздук кеңешинин мурдагы жетекчиси (2017-жылдын 26-октябрынан 18-декабрына чейин) былтыр 1 миллион 130 миң сом тапкан. Башка маалымат жок.

Алмазбек Атамбаев

Алмазбек Атамбаев был председателем партии до конца 2011 года. Став президентом, он покинул этот пост и приостановил членство в СДПК.
© Фото / секретариат фракции СДПК
Экс-президент Алмазбек Атамбаев
Экс-президент өз декларациясында былтыр 100 миллион 118 миң сом тапканын жазган. Эскерте кетсек, Атамбаев өлкө башчылыгын 2017-жылдын 24-ноябрына чейин аркалады.

Декларациядагы маалыматка ылайык, экс-ажо 77 миллион сом короткон. 9,1 гектарды ээлеген жер тилкеси жана салынып бүтө элек курулушу бар.

Атамбаевдин жакын туугандары 7,4 миллион сом иштеп тапкан.

Экс-президенттин башка үзөңгүлөштөрү тууралуу маалымат чыга элек.

312
Белгилер:
бирдиктүү салык декларациясы, декларация, Сапар Исаков, Индира Жолдубаева, Алмазбек Атамбаев
Тема боюнча
Кымбат зер буюмдар, имараттар. Депутат Арапбаевдин декларациясы
Жогорку сот менен баш прокурордун эмне байлыгы бар? Декларация
Депутаттын мал-мүлктөн тапкан байлыгы жарыяланды. Бокоевдин декларациясы
Пикирлер