Майлуу-Суу электр лампа заводунун кызматкери. Архив

Ишенүү кыйын! Убагында бул 9 товар Кыргызстандан бүт дүйнөгө тараган

2806
(жаңыланган 09:54 13.11.2018)
Советтик Кыргызстандын бул товарларын Кубада да пайдаланышкан. Sputnik Кыргызстандын редакциясы Кыргыз ССРинде өндүрүлгөн товарларды тизмектеп чыкты, окуганда ар бири көз алдыңызга тартылат.

БИШКЕК, 10-ноя. — Sputnik. Совет доорунда өлкө аймагында беш жүздөн ашуун ири ишкана ачылган. Алар өндүргөн товарлар ондогон чет өлкөгө жөнөтүлүп турган. Өлкөдө чыгарылган буюмдардын көбү Cоюз боюнча жана анын чегинен тыш да сапаты менен даңазаланып турган.

ЭВМ (ЭЭМ). "Электрондук эсептөөчү машина" термини чагыбызда байыркынын жаңырыгындай угулат, бирок 40 жыл мурун ЭЭМ Фрунзе заводунун жамааттары илим жана техника тармагында Кыргыз ССРинин Мамлекеттик сыйлыгынын лауреаттары болгон. Ишкана балдар оюндарын, жарык менен коштолчу музыкалык аспаптарды, тамга терүүчү машиналар жана башка техниканы чыгарар эле. Бул буюмдар ГДР, Индия, Финляндия, Кубага жиберилчү.

Кийим. Пахта, жүн, шайы… Советтик Кыргызстанда бул кездемелердин баары жылына миллион метрлеп өндүрүлчү, жеңил өнөр жай жумушчуларынын саны боюнча машина куруу тармагын кууп жетип калган. Ал эми дүң өндүрүм боюнча ага теңдеш тармак жок эле. Тек гана Фрунзе трикотаж бирикмеси жылына 50 миллион рублге кийим токуй турган. Кыргыз ССРинде тигилген куртка, пальто жана плащтар Түркия, Алжир, Монголиядагы эл аралык жармаңкелерге катышкан.

Бут кийим. "Чолпон" фабрикасынын баягы "гусарикалары" көпчүлүктүн эсинде, бирок ишкананын өндүрүмдөр түрү кеңири эле, мектепке чейинки балдардын ботинкеси гана эмес, буркалар, хром өтүк жана текстилдик туфлилер чыгарылчу. Жарым кылым оболу Кыргыз ССРинде миллиондогон түгөй бут кийим даярдалганын азыр элестетүү кыйын.

Антибиотиктер. Туура элүү жыл мурун Чыгыш өндүрүш аймагында антибиотик чыгаруучу Фрунзе заводу пайда болгон. Анын өндүрүмдөрү бүткүл Советтер Союзунун аймагына таркатылган. Кыргыз ССРинде чыгарылган жемге кошулчу кошулмалар менен антибиотиктер коңшу өлкөлөрдөн сырткары башка мамлекеттерге чейин экспорттолчу. 1982-жылы завод медицинада пайдаланылчу чыныгы аминокычкыл жана ветеринардык препараттар менен бирге 65 миң килограммдын тегерегинде продукция өндүргөн.

Лампочка. Даңазалуу "Майлуу-Суу" электр лампа заводу жөнүндө уктуңуз беле? Ишкана алгачкы лампочкасын жарым кылым мурун чыгарган. Ачылганынан тогуз жыл өтпөй завод жылына үч жүз миллиондон ашуун электр лампа чыгара алган долбоордук кубаттуулукка жеткен. Көп өтпөй ишкана ачылышына кеткен чыгымдарды актаган, ал эми өндүрүштүн кубаттуулугу жогорулап отурган.

Кир жуугуч машина. Кеп атагы чыккан "Киргизия" машинеси тууралуу жүрүп жатканын болжоо татаал эмес. Убагында ал сапаты жана көпкө кызмат өтөгөндүгү менен даңкталган. Ал кир жуугуч машинаны бузуу үчүн чоң күч талап кылынмак. "Киргизияны" бир нече муун жакшы билет, айрым кыргызстандыктар ушул убакка дейре пайдаланып келет! 40 жылча илгери Кыргыз ССРи жылына 140 миң кир жуугуч машина чыгарчу.

Тамак-аш жана суусундук. Советтик Кыргызстандын шампаны менен шарабы эл аралык сынактарда бир нече ирет жеңген. Маселен, Будапештте биздин бул өндүрүмдөрүбүздү эки алтын медаль менен сыйлашкан. Ошол маалда Шампан-шарап комбинаты шараптын 30, шампандын 6 түрүн, шире жана коньяк чыгарчу. 80-жылдары ишкананын конвейери аркылуу жылына алты миллион бөтөлкө өтүп турган. Эт, кант, сүт, консервалар — мындай негизги азыктарды өндүргөн заводдор да союздук коңшу республикаларга жөнөтчү.

Патрондор. Алар гана тургай, пресс, станок, комбайн чынжырлары — булардын баарын Ленин атындагы Фрунзе станок чыгаруучу заводу чыгарган. Өндүрүш үлкөнү болгон бул ишкананын тарыхы Улуу Ата Мекендик согуш башталган кезге барып такалат, дал ошол маалда Лугансктагы патрон заводу Кыргыз ССРине көчүрүлгөн. Ушул тапта ал "Бишкек машина куруучу завод" катары белгилүү.

Пресс-подборщиктер. Чабылган чөптү жыйноочу машина – айыл чарбасында алмашкыс буюм. Советтик Кыргызстанда пресс-подборщиктер отуз жыл бою чыгарылган. Алардын өндүрүшү 16 жыл мурун токтотулса да андай машиналарды сатып алуу жана сатуу боюнча жарыялар Интернетте дагы деле айланат. Ошондой эле өлкөдө автосамосвал, станок, электр кыймылдаткычтары, радиаторлор да чыгарылчу… Фрунзе заводунун техникасы союздук республикаларга гана тургай, Болгария, Монголия, Венгрия, Индияга чейин жеткирилчү.

2806
Белгилер:
завод, Фрунзе, СССР
Тема боюнча
Казакстандан бензин импорттолсо баа төмөндөйбү? Нефтетрейдерлердин жообу
Чаткалда Кытай компаниясы алтын кен иштетүүчү фабриканы ишке киргизет
Жолдо турган жүк ташыган унаалар. Архивдик сүрөт

Жүк ташыган унааларга навигациялык пломба коюу долбоорунун мөөнөтү узарды

29
(жаңыланган 12:56 19.01.2021)
Жүк ташуучулардын пилоттук долбоорго катышуусу ыктыярдуу жана акысыз негизде ишке ашырылат. Навигацияны колдонгон айдоочуларды жолдо кошумча текшерүүгө жол берилбейт.

БИШКЕК, 19-янв. — Sputnik. Кыргызстандан Казакстанга, Россияга жана тескери багыт боюнча автоунаалар менен өткөрүлүүчү товарларга мониторинг жүргүзүү боюнча пилоттук долбоордун мөөнөтү узартылды. Бул тууралуу Мамлекеттик салык кызматы маалымдады.

Тийиштүү чечимге Кыргызстан менен Казакстандын салык органдарынын жетекчилери кол коюшту. Ага ылайык, пилоттук долбоордун мурдагы мөөнөтү 2020-жылдын 10-декабрына чейин болсо, эми 2021-жылдын 10-мартына чейин узартылды.

"Ушул мезгилде Кыргызстандан Казакстанга, Россияга жана тескери багыт боюнча товарларды ташууда өзү алып өтүүчү товарлардан тышкары автоунаа каражатынын жүк турган бөлүктөрүнө навигациялык пломба илинет. Жети мүнөттөн ашпаган убакытты талап кылган жол-жобо Казакстандын Финансы министрлигинин мамлекеттик кирешелер комитетинин кызматкерлери тарабынан жүзөгө ашырылат", — дешти салыкчылар.

Ташуучулардын пилоттук долбоорго катышуусу ыктыярдуу жана акысыз негизде болот. Ошол эле учурда өткөрмө пунктуларында, атайын бөлүнгөн жерлерде жана жолдордо навигациялык пломбалары бар жүк ташуучуларды көзөмөлдөөнүн кошумча түрлөрүн жүргүзүүгө жол берилбейт.

29
Белгилер:
долбоор, Казакстан, Россия, Кыргызстан
Тема боюнча
"Эркеч-Тамга" барган Новиков: жүк декларациясын адам толтурбашы керек
Финпол: бир фура контрабандалык жүк кармалып, кызмат адамдары изделүүдө
Товарды көзөмөлдөөнүн жаңы түрү. ЕЭК кеңеши кабыл алган чечим
Айылдагы жашоо. Архивдик сүрөт

Пандемияда кыйналган Жалал-Абаддын 65 айылын өнүктүрүүгө инвестиция тартылды

87
Долбоордун биринчи этабында жумуштар Сузак, Базар-Коргон жана Ноокен районундагы тандалган айылдарда жасалат.

БИШКЕК, 19-янв. — Sputnik. Жалал-Абад облусунда 65 айылга инвестициялык каражат тартылат. Бул туурасында өкмөттүн аталган облустагы өкүлчүлүгүнүн маалымат кызматы билдирди.

"CASA-1000 жергиликтүү коомчулукту колдоо үчүн кошумча каржылоо" жаңы долбоорунун алкагында кыргыз өкмөтү менен Дүйнөлүк банктын ортосундагы атайын каржылык макулдашуу жүргүзүлгөнү айтылат.

Бул багытта өткөн жыйынга облус жетекчиси Абсаттар Сыргабаев, долбоордун уюштуруучулары жана жергиликтүү бийлик башчылары катышкан.

"Каражат COVID-19 пандемиясында жабыркаган айылдардын социалдык-экономикалык абалын жакшыртууга багытталат. Биринчи этаптагы жумуштар Сузак, Базар-Коргон жана Ноокен районундагы тандалган айылдарда жасалат. Мында медициналык мекемелердин абалын жакшыртууга басым жасалмакчы. Каражатты пайдаланууда жергиликтүү тургундардын көйгөйлөрү менен сунуштары да эске алынат", — деп айтылат маалыматта.

Долбоор АРИС аркылуу 2024-жылга чейин иштеп, Жалал-Абад, Ош жана Баткен облустарынын 151 айыл аймагын камтыйт. Жалпы бюджети 21 миллион доллар, анын 50 пайызы грант түрүндө эсептелет.

87
Белгилер:
долбоор, өнүктүрүү, айыл, пандемия, Жалал-Абад облусу
Тема боюнча
Кыргызстанга кандай инвестициялар тартыла турганы айтылды
Жалал-Абад шаарынын автоунаа базары көчүрүлөт
COVID биринчи катталган Жалал-Абадга 11 тез жардам унаасы берилди. Сүрөт
Ырчы Самара Каримова. Архив

Самара Каримова кызматынан кол жуушу мүмкүн. Маданият министрлиги сотко даттанды

0
(жаңыланган 14:31 19.01.2021)
Министрлик ырчы кызмат ордун калыбына келтирүү жөнүндө доо арызын эки жылдан кийин жазып, сотко кайрылуу мөөнөтүн өткөрүп жибергенин белгилейт.

БИШКЕК, 19-янв. — Sputnik. Маданият, маалымат жана туризм министрлиги ырчы Самара Каримованы музыкалык окуу жайга кайрадан дайындоо боюнча Биринчи май райондук сотунун чечимине каршы доо арыз менен сотко кайрылды. Бул тууралуу ведомствонун маалымат кызматы билдирди.

Анда Биринчи май райондук сотунун судьясы процессуалдык мыйзамдардын бузулушуна жол бергени белгиленет.

"Эмгек укугу боюнча адистер жана тажрыйбалуу юристтер менен кенен талкуулаган соң министрлик Биринчи май райондук сотунун чечимине макул болбой, 15-январда Бишкек шаардык сотуна доо арыз менен кайрылды", — деп айтылат маалыматта.

Маданият министрлиги келтирген жүйөлөр:

Министрликтин атынан сотко ыйгарым укугу жок өкүл катышкан. Демек, бул процедуралык мыйзамды одоно бузуу болуп саналат;

КР Жарандык процессуалдык кодексинин талабы боюнча өкүлгө ишеним кат берилиши керек. Сотко баруудагы ишеним кат 2020-жылдын 14-октябрында кызматынан бошотулган министр Азамат Жаманкулов тарабынан берилген. Бирок 14-октябрда министр болуп Нуржигит Кадырбеков дайындалган. Сот азыркы министрден жаңы ишеним кат талап кылышы керек болчу;

Доогер Самара Каримова 2020-жылдын ноябрь айында, башкача айтканда, жумуштан бошотулгандан эки жылдан кийин кызмат ордун калыбына келтирүү жөнүндө доо арыз жазган. Эмгек кодексинин 414-беренесине ылайык, эки айдын ичинде ыйгарым укуктуу органга кайрылышы керек. Доогер сотко кайрылуу мөөнөтүн өткөрүп жиберген.

Ошондой эле бул ишке тиешеси бар кызматкерлерге карата министрликте кызматтык иликтөө жүргүзүлөрү айтылды.

Эске салсак, КРдин эмгек сиңирген артисти Самара Каримова Оштогу Ниязалы Борошев атындагы Музыкалык окуу жайына соттун чечими менен директор болуп келген. Бирок аны эмгек жамааты кабыл албай, бир топ талаш-тартыш жаралууда. Ал эми кечээ, 18-январь күнү кечинде, директордун кабинетинин эшигин бузуп кирген.

Ырчы аталган музыкалык орто окуу жайына директор болуп 2018-жылдын октябрында дайындалып, эки күндөн кийин ал буйрук кайра жокко чыгарылган.

Ошол кездеги маданият, маалымат жана туризм министри Азамат Жаманкулов дайындоо мыйзамсыз болгонун билдирген.

Каримова экс-министрдин чечимин сотко берип, утуп алганы быйыл 13-январда маалым болду.

0
Белгилер:
кайрылуу, сот, Маданият министрлиги, жетекчи, Самара Каримова
Тема боюнча
Кайрат Примбердиев "КР эмгек сиңирген артисти" наамын сактап калды
Маданият министрлиги Курал Чокоев менен Кайрат Примбердиевге чара көрдү