Электр зымдары. Архив

Өкмөт: электр энергиясын кымбаттатуу боюнча маселе көтөрүлгөн жок

100
(жаңыланган 16:08 13.11.2018)
Буга чейин Экономика министри электр кубатына болгон тарифти жогорулатуу туурасында айткан.

БИШКЕК, 12-ноя. — Sputnik. Электр кубатына болгон тарифти жогорулатуу боюнча маселе күн тартибине коюлган жок. Бул туурасында өкмөт башчынын маалымат катчысы Адилет Султаналиев билдирди.

Буга чейин өкмөттүн жыйынында экономика министри Олег Панкратов энергетика мүмкүнчүлүгүнөн да ашып иштеп жаткандыгын айткан. Андан сырткары, рентабелдүүлүктү эске алганда, бул тармактагы тариф саясатын кайра карап чыгууну кошумчалаган.

"Рентабелдүүлүк үчүн электр кубатына болгон тарифтерди кайра карап чыгуу туурасында маселе мурдатан эле айтылып келе жатат. Анткен менен премьер-министр Мухаммедкалый Абылгазиев энергетиктерге техникалык жоготууларды болушунча азайтып, болгон чыгымдар менен зыянды жөнгө салуу боюнча айтты. Андан сырткары, коррупцияны түп-тамырынан бери жоюу маселесин койду", — деди Султаналиев.

Маалымат катчы бул жаатта премьердин учурдагы позициясын айткан.

"Мухаммедкалый Абылгазиев тарифтик саясат ар дайым түшүнүктүү жана негиздүү болушу керек деп эсептейт. Азыркы учурда да электр кубатына бааны көтөрүү маселеси күн тартибине коюлган жок", — деди маалымат катчы.

Ал өкмөт башчынын тапшырмасы менен учурда электр кубатын ириде элди жылуулук менен камсыздоого, жылуулук маалын үзгүлтүксүз өткөрүүгө багытталгандыгын кошумчалады.

100
Белгилер:
электр энергиясы, тариф, Мухаммедкалый Абылгазиев, Кыргызстан
Тема боюнча
Кыргызстанда электр энергиясы өздүк наркынан беш эсе арзан сатылат
Чаткалда Кытай компаниясы алтын кен иштетүүчү фабриканы ишке киргизет
Алтын куйма. Архивдик сүрөт

КРдин алтын кору бир айда 16 миллиард сомго кымбаттады

62
(жаңыланган 11:02 26.09.2020)
Жакында эле Улуттук банктын алтын валюталык корунун көлөмү 3 миллиард доллардан ашып, тарыхый рекордго жеткен. Бул жерде бир гана алтын кору тууралуу маалыматтар айтылууда.

БИШКЕК, 26-сен. — Sputnik. Улуттук банктын алтын запасынын баасы бир айда дээрлик 16 миллиард долларга көбөйдү. Бул тууралуу маалымат Улуттук банктын расмий сайтында айтылат.

Август айынын башында алтындын кору 56 миллиард 893 миллион сомго бааланган, сентябрь айынын башында анын наркы 82 миллиард 824,8 миллион сомго жетти. Бул рекорддук көрсөткүч катары саналууда. Жыл башындагы баага салыштырмалуу 34 миллиард сомго өсүү бар.

Лондондогу баалуу металлдар рыногунун ассоциациясынын кечки фиксинги (иш жүзүндө дүйнөлүк баа үч күн сайын жаңыланып турат) бул мезгил аралыгында 14 долларга жогорулап, 1 972,35 долларды түздү. Кеп трой унциясынын наркы — 31,1 грамм жөнүндө болуп жатат.

Улуттук банк сомдун кунун түшүрбөй сакташ үчүн 11,2 миллион доллар сатты

Улуттук банктын төрагасы жакында эле алтын валютанын резерви тарыхый рекордду камсыздап, 3 миллиард доллардан ашканын билдирген болчу. Бул көбүнесе ички рыноктогу алтындарды сатып алуудан болгон. Акыркы маалыматтарга ылайык, Улуттук банкта баш-аягы 16 тонна алтын бар.

Алтын валюта запасы (эл аралык валюта резерви) Улуттук банктын сомдун курсун туруктуу көзөмөлдөп туруусуна мүмкүнчүлүк берет. Ал ондогон валюталардан турат, алар: CDR (Атайын карыз алуу укугу – Эл аралык валюта фондунун (ЭВФ) жасалма резерв жана төлөө каражаттары) жана алтын.

62
Белгилер:
Кыргызстан, Улуттук банк, валюта, экономика, алтын
Тема боюнча
Россияда доллардын баасы кескин кымбаттап кетти
Боронов алтын казып иштеген компаниялар канча салык төлөгөнүн айтты
Калькулятордо саноо. Архивдик сүрөт

2021-жылдан тарта айрымдар салык отчетун электрондук форматта берүүгө өтөт

49
(жаңыланган 13:47 25.09.2020)
Мамлекеттик салык кызматы ишкерлер менен уюмдарды электрондук кол тамганы эмитен сатып алууга чакырды. Мындай эреже өкмөттүн 2018-жылы кабыл алган токтомунда бекитилген.

БИШКЕК, 25-сен. — Sputnik. Уюмдар менен жеке ишкерлер 2021-жылдын 1-январынан тартып салык отчетторун квалификациялуу электрондук кол тамганы колдонуу менен электрондук форматта берүүгө милдеттүү болушат. Бул тууралуу Салык кызматынан билдиришти.

Маалыматка караганда, отчетту электрондук түрдө берүүгө милдеттүү болгон салык төлөөчүлөргө квалификациялуу электрондук кол тамганы алдын ала, азыртан баштап сатып алуу сунушталат.

"Электрондук кол тамганы Мамлекеттик каттоо кызматынын алдындагы Инфоком, Dostek, Ubr ишканаларынан алууга болот", — дешти Салык кызматынан.

Өкмөттүн "Салыктык отчеттуулукту электрондук документ түрүндө берүүгө өтүүнүн тартиби жана мөөнөттөрү" жөнүндөгү токтому 2018-жылдын 12-декабрында кабыл алынган.

Отчетту электрондук форматта берүүнүн негизги максаты — кызматтарды онлайн көрсөтүүгө өткөрүү менен ишкерлер үчүн жагымдуу шарт түзүп берүү.

Эки күн мурда Финпол колго түшүргөн салыкчы кызматтан алынды

Белгилей кетсек, жогорудагы токтомго ылайык, 2019-жылдын 1-июлунан тартып товарларды импорттоочулар жана экспорттоочулар электрондук кол тамганы колдонуу менен салык отчетун электрондук форматта тапшырып келишет.

Кошумча маалыматты 1240 номери же www.sti.gov.kg сайты аркылуу алууга болот.

49
Белгилер:
отчет, салык, Кыргызстан
Тема боюнча
Келерки жылдын бюджетин түзүүгө үн кошууну каалагандар онлайн талкууга катыша алат
 Бишкекте бир нече ресторан айыпка жыгылды

Терезени караңгылатып майрамдашкан. Бишкекте бир нече ресторан айыпка жыгылды

0
(жаңыланган 19:47 26.09.2020)
Шаардык муниципалитет тиешелүү адистердин жана укук коргоо органдарынын коштоосунда маараке өтүп жаткан жерлерге кирип барган.

БИШКЕК, 26-сен. — Sputnik. Бишкекте санитардык эрежени бузган бир нече кафе, ресторан жана эс алуучу жайларга айып пул салынып, протокол түзүлдү. Бул тууралуу шаардык муниципалитеттин маалымат кызмат кабарлады.

Кечээ шаардык мэрия Санитардык-эпидемиологиялык борбордун жана инспекциянын адистеринин, райондук администрациянын мобилдик топторунун жана милиция кызматкерлеринин коштоосунда рейд кылган.

Баткенде санитардык талаптарды аткарбагандарга айып салынды. Арасында 9 мамкызматкер бар

Анын алкагында "Вавилон" ресторанында санитардык нормаларды сактабай үйлөнүү той өткөрүп жатканын көрүшкөн. Той токтотулуп, Эреже бузуулар кодексинин 293-беренеси боюнча протокол түзүлгөн.

  • Один ресторанов Бишкека, который нарушил санитарные правила, проводив массовые мероприятия
    Бишкекте санитардык эрежени бузган бир нече кафе, ресторан жана эс алуучу жайларга айып пул салынып, протокол түзүлдү.
    © пресс-служба мэрии города Бишкек
  • Один ресторанов Бишкека, который нарушил санитарные правила, проводив массовые мероприятия
    Кечээ шаардык мэрия Санитардык-эпидемиологиялык борбордун жана инспекциянын адистеринин, райондук администрациянын мобилдик топторунун жана милиция кызматкерлеринин коштоосунда рейд кылган.
    © пресс-служба мэрии города Бишкек
  • Один ресторанов Бишкека, который нарушил санитарные правила, проводив массовые мероприятия
    Анын алкагында "Вавилон" ресторанында санитардык нормаларды сактабай үйлөнүү той өткөрүп жатканын көрүшкөн.
    © пресс-служба мэрии города Бишкек
  • Один компклубов Бишкека, который нарушил санитарные правила, проводив массовые мероприятия
    Той токтотулуп, Эреже бузуулар кодексинин 293-беренеси боюнча протокол түзүлгөн.
    © пресс-служба мэрии города Бишкек
  • Один компклубов Бишкека, который нарушил санитарные правила
    Кечинде бир катар санитардык эрежелерди бузган эс алуучу жайлар аныкталган. "Ретро-Метро" түнкү клубунун, "Сенатор", "Алмалуу", "Столица" клубунун, "Плаза Восток" бильярд клубунун жана Good Game компьютердик залынын администрацияларына карата Эреже бузуулар кодексинин 293-беренесинин негизинде протоколдор түзүлгөн.
    © пресс-служба мэрии города Бишкек
1 / 5
© пресс-служба мэрии города Бишкек
Бишкекте санитардык эрежени бузган бир нече кафе, ресторан жана эс алуучу жайларга айып пул салынып, протокол түзүлдү.

"Санжыра" ресторанынын администрациясы эрежелерди бузууга "кылдат" мамиле жасаганы айтылат. Үй-бүлөлүк майрам жабык эшик артында өтүп, терезелерин кара чүпүрөк менен караңгылатып алышкан. Тойду токтотууга укук коргоо органдары келишкен. Аталган факт Кылмыш жана жоруктардын бирдиктүү реестрине катталып, тойкананын ээсине кылмыш иши козголгон.

Ошондой эле "Гузель Гранд" ресторанында кыз узатуу токтотулуп санитардык-эпидемиологиялык көзөмөл борбору протокол түзгөн. Ал эми "Тумар" ресторанында үйлөнүү тойдогу коноктор таркатылып, администрациясына айып пул салынган.

Кечинде бир катар санитардык эрежелерди бузган эс алуучу жайлар аныкталган. "Ретро-Метро" түнкү клубунун, "Сенатор", "Алмалуу", "Столица" клубунун, "Плаза Восток" бильярд клубунун жана Good Game компьютердик залынын администрацияларына карата Эреже бузуулар кодексинин 293-беренесинин негизинде протоколдор түзүлгөн.

Жалал-Абадда тойкана ээлерине салынчу айып 60 миң сомго чейин жогорулады

Эреже бузгандарга экинчи категориядагы айып пул каралган. Ал жарандарга үч миң, юридикалык жактарга 13 миң сом деп эсептелинет.

Бишкек шаарынын мэриясы санитардык нормалардын бузулгандыгы тууралуу кабарлоо үчүн төрт райондун акимдеринин биринчи орун басарларынын номерлерин берди.

  • Сатыбек Каныбеков (Биринчи май району) — 0 (772) 66-53-77;
  • Садык Мырзакматов (Свердлов району) — 0 (551) 57-18-23;
  • Кубанычбек Айтакунов (Октябрь району) — 0 (708) 83-82-95;
  • Алтынбек Маматов (Ленин району) — 0 (772) 15-79-76.

Мэрия шаардыктарды мааракелерге, куран окутууга, той жана башка үй-бүлөлүк салтанаттарга барбай турууга чакырат. Өлкөдө, анын ичинде борбор калаада коронавирус менен ооругандардын көбөйүп жатканы эскертилди.

0
Белгилер:
рейд, айып пул, той, Эйр Бишкек
Тема:
Коронавируска байланыштуу Кыргызстандагы кырдаал
Тема боюнча
Жалал-Абадда тойкана ээлерине салынчу айып 60 миң сомго чейин жогорулады