Учак. Архив

Кызматкерлери бюджет эсебинен командировкага көп чыккан министрликтер аталды

291
(жаңыланган 11:37 16.11.2018)
Өкмөт башчы аталган министрликте иштегендер жүйөлүү себептерден улам мамлекеттин эсебинен иш сапарларга бара турганына токтолду.

БИШКЕК, 15-ноя. — Sputnik. Жогорку Кеңештин жыйынында депутат Аида Касымалиева башка министрликтерге салыштырмалуу Экономика министрлигинин өкүлдөрү бюджеттин эсебинен командировкага көп барарын айтып, анын себебине кызыкты.

Учурда депутаттар 2017-жылдын бюджетинин аткарылышы, 2018-жылдын бюджети жана 2019-2020-2021-жылдарга карата божомол боюнча мыйзам долбоорун карап жатышат.

Премьер Мухаммедкалый Абылгазиев анын себептери жүйөөлүү экенин айтты.

"Экономика министрлигинин өкүлдөрү ЕАЭБге киргендигибизге байланыштуу бюджеттин эсебинен чет жакка көп барып жатат. Мисалы, министрликтин өкүлү бир айда бир жолу командировкага барат. Анткени мыйзамдар, келишимдер, регламенттер, тартиптер такталып бүтө элек, толук күчүнө кире элек. Чындыгында Экономика министрлиги чет жакка көп чыгат, бирок анын себеби бар", — деди өкмөт башчы.

Эмгек жана социалдык өнүгүү министри Таалайгүл Исакунова. Архив
© Пресс-служба президента КР / Султан Досалиев
Ал ошондой эле бул маселе каралып, чыгымдарды азайтуунун жолу изделет деп сөз берди.

Эл өкүлү, андан сырткары, 2019-жылдын бюджетинде мамлекеттин эсебинен командировкага барууга каралган каражатты кыскартуу каралганбы деп сурады.

Каржы министри Адылбек Касымалиев кийинки жылдын бюджетинде олуттуу кыскартуулар жок экенин айтты.

Ал эми премьер Абылгазиев мындан ары министр же анын орун басары каалаган жагына командировкага бара албай турганын белгиледи.

"Министрлердин, орун басарлардын өзү кетип калмайларын жоюп жатабыз. Биз сапар кайсы жактан каржыланарын, кайсы маселе менен барарын, ал бизге кандай пайда алып келерине чейин сурап, баары такталгандан кийин гана уруксат берип жатабыз", — деди ал.

Премьер учурда министрлердин командировкага баруусу кыскарганын айтты.

291
Белгилер:
командировка, бюджет, Аида Касымалиева, Мухаммедкалый Абылгазиев, Адылбек Касымалиев
Тема боюнча
Кыргызстандын айрым соттору мал-мүлкүн жашырып койгону аныкталды