Акча жана шам. Архивдик сүрөт

Ноябрда тышкы карыз жана башка чыгымга корогон акчанын көлөмү айтылды

74
(жаңыланган 13:07 04.12.2018)
Эң көп чыгым айлык акы төлөөгө жумшалды.

БИШКЕК, 4-дек. — Sputnik. 2018-жылдын ноябрь айында республикалык бюджеттен ар кайсы чыгымдар үчүн 11,2 миллиард сом кетти. Бул тууралуу Финансы министрлигинин сайтында жарыяланды.

Маалыматка караганда, аталган сумманын ичинен бюджеттик мекеме-уюмдарда иштегендердин маянасына — 2 миллиард 552 миллион сом, калкка социалдык жардам боюнча жөлөк пулдарга — 766 миллион сомдон ашыгыраак акча, социалдык камсыздоо боюнча жөлөк пулдарды төлөөгө — 4,7 миллион сом бөлүнгөн.

"Мамлекеттик тышкы жана ички карызды тейлөөгө — 1,6 миллиард сомго жакын бюджеттик каражат жумшалды", — деп айтылат билдирүүдө.

Ал эми "Имараттар жана курулуштар " беренеси боюнча чыгымдар — 688,7 миллион сомду түздү.

Калган каражат башка беренелер боюнча сарпталды.

74
Белгилер:
финансы, чыгым, бюджет, Кыргызстан
Тема боюнча
Парламент 2019-жылдын бюджетин 10 млрд. сом дефицит менен жактырды
Миллиондогон сомдор! Кытайлык ишкана Алайдан сурьма кошулмасын чыгарып кеткен
Кыргыз фондулук биржасы жабык акционердик коомунун президенти Медет Назаралиев

Назаралиев: ЕАЭБ өлкөлөрү ортосунда бирдиктүү биржа рыногу түзүлөт

31
"Кыргыз фондулук биржасы" жабык акционердик коомунун президенти Медет Назаралиев Кыргыз фондулук биржасы 2025-жылы ЕАЭБ мамлекеттери менен биргеликте ири финансылык рынокто иш алып барарын айтты.
Назаралиев: ЕАЭБ өлкөлөрү ортосунда бирдиктүү биржа рыногу түзүлөт

Быйыл жарым жылдын ичинде өлкөбүздүн фондулук биржасында 6 миллиард сомго соода жүрдү. Ушул эле аралыктын ичинде Казакстанда 123 миллиард долларга соода жүргүзүлсө, Москва биржасында бул көрсөткүч он эсе көп. Биздеги сумма коңшу өлкөлөрдүн биржасына салыштырмалуу өтө аз. Бирок Кыргызстандын экономикасы үчүн бул жакшы эле жыйынтык. Бул тууралуу Медет Назаралиев Sputnik Кыргызстан радиосунун эфиринде маек куруп жатып билдирди.

Анын айтымында, быйыл Кыргызстандын фондулук биржасына 25 жыл болгонуна карабай, жергиликтүү компаниялар биржа аркылуу инвестиция тартып келүүнү жакында эле башташты.

"Кыргыз фондулук биржасы 2025-жылы Евразия экономикалык биримдигиндеги мамлекеттер менен биргеликте чоң финансылык рынокто иш алып барат. Мында банктык сектор, баалуу кагаздар рыногу, компаниялар тарабынан камсыздоо жаатында бирдиктүү иштер жасалат. Ошентип, 2025-жылы бири-бирибиздин биржаларыбызга баалуу кагаздар, брокерлер тоскоолдуксуз кирип турмак. Ошондуктан азыркы учурда биздин мамлекеттик башкаруу кызматы тарабынан, биринчиден, мыйзамдарыбызды бир калыпка келтирүү, экинчиден, ЕАЭБге мүчө-мамлекеттердин биржалары менен келишим түзүү иштери жүрүп жатат. Биржалар арасында ич ара тажрыйба алмашуу мүмкүнчүлүктөрү да каралууда. Ошондуктан мындай чоң финасылык рынокко киргенде Кыргызстан өзүнүн баалуу кагаздар, банктар, технологиялар, мыйзамдары жагынан бул биригүүгө даяр болушу керек. Ошону менен бирге биздин мамлекет импортко көз каранды өлкө болгондуктан өзүбүздүн банк, биржа, жергиликтүү ишканаларды башка чоң компаниялардын басып калуусунан коргоп калуу маселеси жаралбай койбойт. Бул маселелерди чечүүгө беш жылдык убактыбыз бар", — деди Назаралиев.

Ал 2019-жылы баалуу кагаздар рыногунда фондулук биржа тарабынан үч миңге жакын соода иши жүргүзүлүп, алардын жалпы көлөмү 6 миллиард сомдон ашканын кошумчалады.

31
Белгилер:
Медет Назаралиев, соода, Евразиялык экономикалык биримдик, биржа
Тема боюнча
Назаралиев: өткөн жылы фондулук биржа 2700 соода ишин жүргүздү
Бейтапты карап аткан медик. Архивдик сүрөт

Боронов: COVID менен күрөшкөн медиктер 72 миң сомго чейин кошумча акы алат

80
(жаңыланган 16:09 07.07.2020)
Өкмөт башчы "Медицина кызматкеринин статусу жөнүндө" мыйзамына өзгөртүүлөрдү киргизүү тууралуу" мыйзамга кол койгон. Өкмөт эми бул мыйзамды ишке ашыруунун аракетин көрө баштады.

БИШКЕК, 7-июл. — Sputnik. Саламаттык сактоо мекемелеринде иштеген медиктердин айлык маянасына кошумча төлөмдүн өлчөмү 25-30 пайызга көбөйтүлөт. Бул тууралуу премьер-министр Кубатбек Боронов брифинг учурунда маалымдады.

Анын айтымында, өкмөт башчы "Медицина кызматкеринин статусу жөнүндө" мыйзамына өзгөртүүлөрдү киргизүү тууралуу" мыйзамга кол койгон. Өкмөт эми бул мыйзамды ишке ашыруунун аракетин көрө баштады.

Аймактарда Бишкектегидей көрүнүш кайталанбасын! Бороновдун тапшырмалары

"Медицина кызматкерлерине жана медициналык мекемелерде иштеп жаткан башка адистерге төлөнүп келе жаткан айлык маяналарына кошумча төлөмдүн өлчөмү категорияга жараша 25-30 пайызга көбөйтүлөт. Мисалы, буга чейин инфекциялык бөлүмдөрдө, реанимацияда, вирусологиялык лабораторияда, обсервацияларда жана мобилдик топтордо иштеп жаткан дарыгерге бир күнгө 2300 сом төлөнсө, азыр 3000 сом төлөп берүү сунушталып жатат. Ошондой эле буга чейин дарыгерлер бир айда 14 күн изоляцияда болсо, эми аны жети күнгө кыскартуу сунушу киргизилди. Бирок изоляцияда болгон күндөрүнө мурунку эле бекитилген тартиптей күнүнө 900 сомдон төлөнөт. Ошондо жогорку категориядагы дарыгер 29 күн үчүн жалпы 72 миң сомго чейин кошумча акы ала баштайт", — деди Боронов.

Өкмөт башчы буга чейин жогорку категориядагы дарыгерлер 47 миң сомго чейин кошумча акы алып жатканын кошумчалады.

80
Белгилер:
кошумча акы, медик, брифинг, Кубатбек Боронов, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Екатеринбургдан кайткан мекендештер менен чогуу медиктер да келди. Сүрөт
Россиядагы кыргызстандык медиктер Бишкекке келди. Сүрөт
Чөптөгү жамгыр тамчылары. Макросъемка

Шаршембиге карата аба ырайы

0
(жаңыланган 21:11 07.07.2020)
8-июлда облустарда түнкүсүн жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 7-июл. — Sputnik. Шаршемби күнү, 8-июлда, күндүз Нарын облусунда жаан-чачын күтүлбөйт, башка региондордун тоолуу райондорунда өткүн өтүп, күн күркүрөп, бийик тоолуу райондордо кар жаайт. Бул тууралуу Кыргызгидромет маалымдады.

Абанын температурасы Чүйдө +30...+35, Талас аймагында +28...+33, Ош, Жалал-Абад, Баткен облустарында +31...+36, Ысык-Көлдө +22...+27 жана Нарын жергесинде +21...+26 градус болору айтылды.

Алдыда аптаптуу ысык болбойбу? Бир жумага карата аба ырайы

Күндүн табы борборубуз Бишкекте +33...+35, Ошто +34...+36 градуска көтөрүлөт.

0
Белгилер:
Кыргызстан, аба ырайы
Тема боюнча
25 жыл "аралыктан" иштеген киши кантип өзгөрөт. Ойго салган сүрөт