Система Электронные ворота (E-gate) в международном аэропорту Манас

"Манас" аэропортуна убактылуу жетекчи дайындалды

115
(жаңыланган 19:41 04.12.2018)
Чукуев буга чейин кызматтан өз ыктыяры менен кеткен.

БИШКЕК, 4-дек. — Sputnik. "Манас" эл аралык аэропорту" ААКтын башкаруучулугунун төрагасынын милдетин аткаруучу болуп Мирлан Бегалиев дайындалды. Бул тууралуу Мамлекеттик мүлктү башкаруу фондусунун маалымат кызматы билдирди.

Буга чейинки төрага Эмир Чукуев өз ыктыяры менен кызматтан кеткен болчу. Ал бул ишке 2015-жылдын апрелинде дайындалган. Чукуев кызматтан кеткенден кийин милдетин инфраструктуралык өнүгүү боюнча директор Абдималик Бусурманкулов аткарары айтылган.

Бегалиев "Манас" эл аралык аэропорту" ААКтын башкаруучулугунун мүчөсү. Мекеменин Бишкектеги, Ысык-Көлдөгү филиалдарын башкарган.

"Манас" эл аралык аэропорту" ААКтын карамагында 11 аэропорт бар. Алардын бешөө — "Манас", Ош, Ысык-Көл, Каракол жана Баткен аэропортторунун эл аралык статусу бар. Калгандары — Жалал-Абад, Исфана, Караван, Казарман, Нарын, Талас жергиликтүү маанидеги аба майдандары. Андан сырткары, мекемеге Чолпон-Ата менен Кызыл-Кыядагы иши токтоп турган аэропорттор да карайт.

115
Белгилер:
жетекчи, дайындоо, "Манас" эл аралык аэропорту, Эмир Чукуев, Мирлан Бегалиев, Кыргызстан
Пикирлер