Балык уулоо. Архив

Дүйнө кезген боз үй, тонналаган форель... Ысык-Көлдө эмне өндүрүлөт

843
(жаңыланган 16:04 07.12.2018)
Өлкө башчысы быйылкы жылды Аймактарды өнүктүрүү жылы деп жарыялаган. Sputnik Кыргызстан маалымат агенттиги жети облуста эмне өндүрүлүп, аны кайсы рынокко алып чыга тургандыгын тактап көрдү. Бул ирет Ысык-Көл облусундагы ишканалардын продукциялары тизмектелет.

Облус аймагында беш район (Тоң, Жети-Өгүз, Ысык-Көл, Түп, Ак-Суу), үч шаар (Балыкчы, Чолпон-Ата, Каракол), 61 айыл өкмөтү, 152 айыл бар, жарым миллиондой адам жашайт. Жалпысынан ири, орто жана чакан 1194 ишкана өз ишмердүүлүгүн жүргүзөт.

Экспортко чыккан сүт азыктары

Открытие частной сыроварни в Истринском районе
© Sputnik / Илья Питалев
Облуста өндүрүлгөн сүт азыктары негизинен Россия менен Казакстанга экспорттолот

Ысык-Көл облусунда сүт менен иш алып барган онго жакын ишкана бар. Алар сүт азыктарынын бир топ түрүн чыгарат. Мисалга облус аймагындагы үч завод эле он айда 300 тоннадан ашык сары май, 1200 тоннага жакын сыр чыгарганга жетишкен. Андан сырткары, ондогон тонна каймак, быштак, айран, йогурт, балмуздак өндүрө алган. Продукциялар негизинен Россия, Казакстанга экспорттолот.

Тонналаган накта шире

Производство сока на заводе Очаково
© Sputnik / Владимир Астапкович
Мөмө-жемиштерден ширенин түрү чыгат

Аймакта өскөн мөмө-жемиштерден бир нече цех накта шире чыгарат. Ал жеке ишкерлердин айрымдары бир жылда 50 миң литрдей сок өндүрсө, дагы бири бул көрсөткүчтү 500 миң литрден ашырган.

Тонналаган форель

19-я Российская агропромышленная выставка Золотая осень-2017
© Sputnik / Евгений Биятов
Балык өсрүгөн ишкерлер ушу тапта чет өлкөгө чыгуу аракеттерин көрүп келет

Ысык-Көлдө форель өстүргөн ондогон бассейн бар. Чарбалардын айрымдары жылына 250 тоннага чейин балык өстүрөт. Ишкерлер учурда аны чет өлкөгө чыгарууга аракет көрүп, азыркы тапта өлкөнүн ички базарында жигердүү иштөөдө. Ошондой эле туздалып, сүрсүтүлгөн балыктарды кардарларга сунуштаган жеке тараптар да бар.

Дүйнө кезген боз үйлөр

Вид на тундук юрты во время международного фестиваля Оймо в Бишкеке
© Sputnik / Табылды Кадырбеков
Кызыл-Туу айылы бекеринен үйчүлөрүн айылы деп аталбайт

Тоң районундагы Кызыл-Туу айылынын тургундары кол өнөрчүлүк менен алектенип, өздөрү жасаган боз үйлөрүн 4 миң доллардан баштап 20 миң долларга чейин сатышат. Айылдаштар бир жылда ондогон боз үй тургузуп, чет элдиктерден буюртма алып Эквадор, Россия, Казакстан, Бириккен Араб Эмирлигине чейин жөнөтүшөт.

Миллиондогон жумуртка

Работа птицефабрики Гурьевская в Калининградской области.
© Sputnik / Игорь Зарембо
Жумурткадан тышкары кардарга тоок эти да сунушталат

Облустун көпчүлүк райондору менен шаарларында тоок чарбалары иштейт. Алар ушул жылдын тогуз айында эле 22 миллиондон ашык жумуртканы сатыкка чыгарууга жетишкен. Мындан сыркары, кардарларга тоок этин дагы сунуштайт.

Кийим-кече

Сотрудница швейного цеха во время шитья
© Sputnik / Табылды Кадырбеков
Даяр продукция республика аймагындагы жана коңшу өлкөдөгү компанияларга сатылат

Көлдүктөр текстиль тармагын да колго алышкан. Жергиликтүү тигүүчүлөр жыл башынан бери жумушчулардын 14 миңдей кесиптик кийимин, он миңге чукул шейшеп, жууркан, матрас, жаздык чыгарган. Даяр продукциялар республика аймагындагы жана коңшу өлкөдөгү компанияларга сатылат.

Жогоруда көрсөтүлгөн компаниялардан сырткары, айыл жеринде бал, как, кыям чыгарган жана жүн, терини кайра иштеткен чакан цехтер да өз күнүн көрүп келет.

Маалыматтар аймактагы ишкерлер менен облустук администрациядан чогултулду.

843
Белгилер:
өндүрүш, ишкердик, ишкана, Ысык-Көл облусу
Тема боюнча
Европага жеткен шырдак, топоздун эти. Нарындыктар дагы эмнеси менен мактанат
Балдарымдан коркуп Кытайдан кайтып келдим. Айылын көтөргөн жигиттин маеги
Керимбаев: ишкерлер мамлекеттен эч убакта акча сурабайт
Банк имараты. Архив

Банктарга жана финансы уюмдарына жасалчу инспектордук текшерүү токтотулду

28
(жаңыланган 16:56 04.07.2020)
Улуттук банктын кызматкерлери арасында коронавирустун жайылып кетишине жол бербөө максатында ушундай чечим кабыл алынган.

БИШКЕК, 4-июл. — Sputnik. Банктарды, акча алмаштыруу жайларын жана башка банктык эмес финансы-кредиттик уюмдарга инспектордук текшерүү жүргүзүү токтотулду. Бул туурасында Улуттук банктан билдиришти.

Маалыматта өлкөдө эпидемиологиялык кырдаал чыңалып тургандыктан Улуттук банктын кызматкерлери арасында коронавирустун жайылып кетишине жол бербөө максатында ушундай чечим кабыл алынганы айтылат.

"Коммерциялык банктарды, банктык эмес финансы-кредиттик уюмдарын, кепилдик фонддорун, адистештирилген финансы-кредиттик уюмдарды, акча алмаштыруу жана кредиттик бюролорду инспектордук текшерүүгө алууну токтотуу чечими чыкты. Буга үчүнчү тараптын сурамы менен аткарылчу текшерүүлөр да кирет", — деп айтылат маалыматта.

Улуттук банк коронавирустан улам банктарга 1 млрд сом насыя берет

Мындан сырткары, акча алмаштыруу жайларын жободо көрсөтүлгөн талаптарды аткарышын текшерүү жана лицензия берүү маселесин кароо иши да токтотулган.

Өлкөдө кырдаал турукташкандан кийин текшерүүлөр кайрадан улантылат.

28
Белгилер:
Акча алмаштыруу жайлар, текшерүү, Улуттук банк
Тема боюнча
Июнда Кыргызстанда акча көбөйүп абсолюттук рекорд койду
Эртеңден тарта Бишкек катаал карантиндик режимге өтөт. Чектөөлөрдүн тизмеси
Бишкектеги шайлоо участогундагы автоматташтырылган үкөк. Архив

БШК 21 млн сомго тендер жарыялады. Акча эмнеге жумшалат?

71
(жаңыланган 10:06 04.07.2020)
Мамлекеттик орган ал каражатка шайлоого тиешелүү баннер, жабдуу, кеңсе товарларын аймактык шайлоо комиссияларына жана участокторуна жеткирет.

БИШКЕК, 4-июл. — Sputnik. Борбордук шайлоо комиссиясы 21 миллион сомдон ашык акчага тендер өткөрөт. Бул тууралуу маалымат Мамлекеттик сатып алуулар боюнча порталына чыкты.

Ага ылайык, БШК 21 миллион 121 миң 200 сомго шайлоого тиешелүү баннер, жабдуу, кеңсе товарларын аймактык шайлоо комиссияларына жана участокторго жеткирүүнү көздөп жатат.

Жээнбеков парламенттик шайлоо өткөрүү жарлыгына кол коюп, күнүн белгиледи

3-июлда жарыяланган тендер 24-июлда соңуна чыгат. Жеңүүчү тарап өз автоунаасы менен 1-августтан 6-октябрга чейин 60 миң чакырым жол жүрүп, жүргүнчү жана жүк ташуу менен алектенет.

Эскерте кетсек, Жогорку Кеңешке шайлоону 2020-жылдын 4-октябрына белгилөө тууралуу президенттин Жарлыгы 3-июлда күчүнө кирди.

71
Белгилер:
депутат, акча, тендер, шайлоо, БШК
Тема боюнча
Бекматов: саясий партиялар үгүт иштерин 50 пайызга чейин онлайн өткөрөт
Боронов партияларга: шайлоого коротчу акчаңарды COVID менен күрөшүүгө бергиле
Россиянын президенти Владимир Путин. Архив

Песков Путиндин "унутуп калган" көйнөгүн саткан жарнама боюнча айтып берди

0
(жаңыланган 20:33 04.07.2020)
Жарнамада көйнөк отелдин номерин тазалап жатканда табылгандыгы, бирок андан кийин атайын жуулбагандыгы, эгерде керек болсо сатуучу аны экспертизага берүүгө даяр экендиги айтылган.

БИШКЕК, 4-июл. — Sputnik. Интернеттеги "Россия президенти Владимир Путиндин унутуп таштап кеткен көйнөгү сатылат" деген кабарга лидердин маалымат катчысы Дмитрий Песков комментарий берип, ага ишенбеш керектигин айтты. Бул тууралуу РИА Новости жазды.

Элге белгилүү болгон сайттардын бирине "Нижний Новгород аймагындагы Sheraton мейманканасына президент Путиндин унутуп таштап кеткен көйнөгү сатылат" деген жарнама чыккан. Анда көйнөк отелдин номерин тазалап жатканда табылгандыгы, бирок андан кийин атайын жуулбагандыгы, эгерде керек болсо сатуучу аны экспертизага берүүгө даяр экендиги айтылган. Көйнөк 165 миң рублга бааланган. Путин аталган шаарда соңку ирет 2019-жылдын 10-ноябрында Дене тарбия жана спортту өнүктүрүү боюнча президенттин алдындагы кеңештин отурумуна катышкан.

Путин жыйында калемин столго ыргытып жиберип, министрлерден отчёт сурады. Видео

Сатуучу көйнөк дагы деле сатыкта экендигин айткан. Анын сөзүнө караганда, "кийимдин президентке таандык экендиги боюнча жазылган эч кандай атрибуттар жок, бирок зарыл болсо ДНК-экспертизага берүүгө даяр".

Песков мындай кулактандырууларга ишене берүүгө болбой тургандыгын айткан.

"Жок. Андай болууга мүмкүн эмес", — деген ал көйнөк чын эле президентке таандык болушу мүмкүнбү деген суроого жооп берип жатып.

Путин буга чейин журналисттерге кабинетиндеги жашыруун бөлмөсүн көрсөтүп, ал ЖМКлардын эле эмес, коомчулуктун дагы кызыгуусун жараткан.

0
Белгилер:
отель, көйнөк, Владимир Путин, Россия
Тема боюнча
Путин кабинетиндеги жашыруун бөлмөсүн көрсөттү. Видео
Путин чүмбөттөлүп алып коронавируска кабылган жарандарын көрүп чыкты. Видео