Экскаватор. Архивдик сүрөт

Макмал алтын кенин иштетчү компаниянын аты аталды. Шарт-талабы

147
(жаңыланган 10:00 20.12.2018)
Ушул жылдын 1-сентябрынан баштап "Макмал" кенинде инвесторго бергенге чейин алтын казуу иши убактылуу токтотулган.

БИШКЕК, 19-дек. — Sputnik. "Макмал алтын" комбинаты" филиалынын базасында биргелешкен ишкана түзүү боюнча сынакка үч компания катышып, анын ичинен "Мансон Групп" ЖЧКсы 38,36 балл менен жеңип чыкты. Бул тууралуу "Кыргызалтын" ишканасынан маалымдашты.

Калган эки компания, тагыраагы, "Центральноазиатская "Металлком" 34,14, "Шынкыйюан Фрунзе" 17,175 баллга ээ болду.

Аталган ишканалардын койгон шарты менен төмөндөн тааныша аласыз.

"Мансон Групп" ЖЧКсынын сунушу:

Компания өз каражатынын эсебинен геологиялык чалгындоо иштерин кошо алганда 75 миллион доллар өлчөмүндө каржылоону сунуштады.

— Макмал долбоору боюнча 800 адам, тармактык эмес өндүрүштү эсепке алганда жалпы 1315 адамды жумушка орноштура алат;

— "Кыргызалтын" ААКсына — 30 пайыз, "Мансон Групп" — 70 пайыз үлүш тиет;

Первая пресс-конференция президента Сооронбая Жээнбекова по итогам 2018 года
© Пресс-служба президента КР / Султан Досалиев
— Алтын ылгоо фабрикасын модернизация кылганга чейин жыл сайын 10 миллион сом которот. Ишке кирген күндөн баштап Тогуз-Торо районун өнүктүрүү фондусуна жыл сайын которулуучу сумма биргелешкен ишкананын жылдык дүң кирешесинин 2 пайызын түзөт;

— Кенди чалгындоо иштерин, казуу жана кайра иштетүүдө заманбап жана экологиялык жактан коопсуз технологияларды колдонуу боюнча комплекстүү иш-чараларды жүргүзүү;

— Калкты жумуш менен камсыз кылуу жана аймактын экономикасын өнүктүрүү максатында май куюучу бекет, дүкөн, кичимаркет, кафе, жарманке, май куюучу бекет менен чогуу 2 кабаттуу мотель, 3 кабаттуу туристтик мейманкана комплекси, сүт иштетүүчү завод, поликарбонат желим айнегинен күнөскана комплексин куруу.

"Шынкыйюан Фрунзе" ЖЧКсынын сунушу:

Компания өз эсебинен 34 миллион доллар өлчөмүндө каржылоону сунуштады.

— алтын ылгоо фабрикасы ишке кирген күндөн баштап Тогуз-Торо районун өнүктүрүү фондусуна жыл сайын которулуучу сумма биргелешкен ишкананын жылдык дүң кирешесинин 1,5 пайызын түзөт;

— "Макмал" долбоору боюнча 500 адам, тармактык эмес өндүрүштү эсепке алганда жалпы 3 миңге жакын адамды жумушка орноштура алат;

— "Кыргызалтын" ААКсына — 30 пайыз, "Шынкыйюан Фрунзе" ЖЧКсына — 70 пайыз үлүш тиет;

— Калкты жумуш менен камсыз кылууну жана аймактын экономикасын өнүктүрүү максатында спорттук курулуштар, асфальт-бетон заводу, бышкан кирпич заводу, жашылча-жемиш өстүрүү боюнча күнөскана, тоок фабрикасын куруу, Казарман кыштагын суу менен камсыз кылуу тутумун оңдоп-түзөө, борбордук канализацияны жана жылытуу системасын калыбына келтирүү, откана куруу.

"Центральноазиатская "Металлком" ЖЧКнын сунушу:

Компания өз каражатынын эсебинен 69 миллион доллар өлчөмүндө каржылоону сунуштады.

— Алтын ылгоо фабрикасын ишке киргизген күндөн баштап Тогуз-Торо районун өнүктүрүү фондусуна жыл сайын которулуучу сумма биргелешкен ишкананын жылдык дүң кирешесинин 1,5 пайызын түзөт;

— "Кыргызалтын" ААКсына — 30 пайыз, "Центральноазиатская "Металлком" ЖЧКсына — 70 пайыз үлүш тиет;

— 1000 адамга чейин жумуш орду менен камсыз кылуу;

— Калкты жумуш менен камсыз кылууну жана аймактын экономикасын өнүктүрүү максатында спорттук комплекс, ирригация үчүн суу каналдарын куруу, кум калдыктарынан курулуш материалдарын чыгаруу боюнча өндүрүш, сүттү кайра иштетүү заводу, жашылча-жемиш өстүрүү боюнча күнөскана, район жашоочуларына социалдык жардамдар, ишканадагы жергиликтүү жумушчуларды окутуу жана квалификациясын жогорулатуу;

Сынактын жеңүүчүсү менен "Кыргызалтын" ААКсы 30 календардык күндүн ичинде инвестициялык макулдашуу түзөт.

Эске салсак, ушул жылдын 1-сентябрынан баштап "Макмал" кенинде инвесторго бергенге чейин алтын казуу иши убактылуу токтотулган. Анткени кен чыккан жердин минералдык-сырьелук базасы түгөнүп, андан ары иштетүү чыгашалуу болуп калган.

Ушуга байланыштуу кен чыккан жердин иштөө мөөнөтүн узартуу, жергиликтүү калкты иш менен камсыз кылуу максатында "Макмал алтын" комбинаты" филиалынын базасында биргелешкен ишкана түзүү үчүн сынак өткөрүлдү.

Макмал — Кыргызстандагы эң эски жана эң алгачкы кен чыккан жер. Ал 1986-жылы ишке берилген. Кенди казып алуу техникалык-экономикалык негиздемелерге ылайык он жылга эсептелген. "Макмал алтын" комбинаты филиалынын которулган каражаты Тогуз-Торо районунун бюджетинин 95 пайызын түзөт.

147
Белгилер:
алтын кени, инвестор, тендер, "Макмалалтын" комбинаты
Тема боюнча
Иш баштала электе соттошуп... "Жер-Үй" кенинин айланасындагы алешемдик
Макмал алтын кенине 3 компания инвестиция салууга кызыкты
Кыргызстанда быйыл былтыркыга караганда курулуш иши көп жүргөн