Таласта төө буурчакты кайра иштетүү заводу. Архивдик сүрөт

Төө буурчакты 30 өлкөгө экспорттойт. Таластыктар дагы эмнеси менен мактанат

(жаңыланган 10:20 26.12.2018)
Sputnik Кыргызстан маалымат агенттиги Аймактарды өнүктүрүү жылына карата облустарда эмнелер өндүрүлүп, кайсы рынок эмне продукция менен камсыздалып жаткандыгын тизмектөөнү улантат. Бул жолу Талас облусундагы ишканалар жөнүндө сөз болот.

Талас облусунда төрт район (Бакай-Ата, Кара-Буура, Манас, Талас), шаар тибиндеги бир айыл, 36 айыл өкмөт, 90 кыштак бар. Аймакта жарым миллионго жакын адам жашап, учурда ондогон ишкана толук кандуу иштейт.

Курулуш материалдары

Завод по производству кирпича в Калининградской области
© Sputnik / Игорь Зарембо
Кыш чыгаруучу завод
Облус аймагында кыш, тактай, монолит плитасын жана пластик эшик-терезе даярдаган ишканалар бар. Ал жакта даярдалган продукция ички базарды гана камсыздайт.

30 мамлекетке экспорттолгон төө бурчак

Мешки фасоли в на местах оптовой продажи в Таласской области
© Фото / Элмира Суйутбекова
Төө бурчак даярдаган ишкана
Быйыл таластыктар 104 миң тоннадан ашык төө бурчак жыйнап, анын 77 миң 628 тоннасын 30 мамлекетке сатышты. Түшүмдү жакшы баада сатуу үчүн аймакта саатына 15 тоннага чейин төө бурчак даярдаган ишкана иштейт. Андан сырткары, жергиликтүү дыйкандар өстүргөн алма, кара өрүк, кулпунай, малина, калемпир ири көлөмдө коңшу өлкөлөрдүн базарына жеткирилген.

Тонналаган сүт азыктары

Молочный комбинат в Омске
© Sputnik / Алексей Мальгавко
Сүттү кайра иштеткен ишкана
Талас облусунда сүттү кайра иштеткен төрт ишкана өз ишмердүүлүгүн жүргүзүп, жылына 70 миң тоннага чейин сүттү иштетет. Алар ушул жылдын 11 айында 223 тонна сыр, 379 тонна кургак сүт, 122 тонна сары май өндүрүп, Россия, Казакстанга экспорттого жетишкен.

Миллиондогон жумуртка

Птицефабрика в Омской области
© Sputnik / Алексей Мальгавко
Тоок жумурткасы
Элеттиктер айыл жеринде тоок өстүрүүнү дагы колго алган. Фермерлер өздөрүнүн тогуз чакан чарбасында жыл башынан бери 100 миллиондон ашык даана тоок жумурткасын сатыкка чыгарган.

Таласта 12 кондитердик цех толук кандуу иштейт. Таттуунун түрү чыгарылган ал жайларда 51 адам эмгектенип, жумушчулар азырынча жергиликтүү кардарларды гана камсыздоо менен алек. Ошондой эле алар ун азыктарынын да түрүн жасашат.

Белгилер:
өндүрүш, ишкана, Төө буурчак, Талас облусу, Талас району, Талас, Кыргызстан
Тема боюнча
Иш баштала электе соттошуп... "Жер-Үй" кенинин айланасындагы алешемдик
Монголияга чейин кеткен лампалар. Жалал-Абадда дагы эмнелер өндүрүлөт?
Түркияга чейин экспорттолгон пахта, тамеки... Ош облусунда эмнелер өндүрүлөт
Туристтер аэропортто. Архив

Көкөй кескен COVID: Кыргызстанга келем деген турист көп, бирок батынбай жатышат

(жаңыланган 16:22 22.04.2021)
Келе жаткан жайда туризм тармагын калыбына келтирүү үчүн кандай аракеттер көрүлүп жатканын Туризм департаментинен айтып беришти.

Өткөн жылы коронавирус пандемиясынан улам чек аралар жабылып, башка тармактар сыяктуу эле туризм дагы ири чыгымга учураган.

Албетте, бардыгы калыбына келе жатат деп айтууга эрте. Дүйнөнүн көпчүлүк өлкөлөрүндө, анын ичинде Кыргызстанда дагы COVID-19 кайрадан кулачын жая баштады.

Эки анжы болуп турган мындай учурда туризм кайсы багытта кетип, жаңы жагдайга ылайыкташуу үчүн кандай аракеттер көрүлүп жатканын Sputnik редакциясына Экономика жана финансы министрлигине караштуу Туризм департаментинен айтып беришти.

Электрондук сертификаттар

Азыр туристтер Кыргызстанга чет элдиктер үчүн ушул жылдын январь айында иштелип чыккан алгоритмдин негизинде кирип-чыгып жатышат. Тагыраагы, ар бир жүргүнчү ПЦР-тесттин таза деген жыйынтыгын көрсөтүшү керек. Учакта атайын анкеталар таратылып, аларды жүргүнчүлөр толтуруп, санитардык-карантиндик түйүндүн кызматкерлерине көрсөтүшү шарт.

Бирок жакында туристтерге "Коопсуз саякат" (Safe travel) электрондук сертификаты бериле баштай турганын Туризм департаментинин директорунун орун басары Кыял Кенжематова билдирди.

Заведующая отделом правового обеспечения, лицензионного контроля и организационной работы Департамента информации и массовых коммуникаций при Министерстве культуры, информации и туризма Кыял Кенжематова
© Sputnik / Асель Сыдыкова
Туризм департаментинин директорунун орун басары Кыял Кенжематова
"Дүйнө жүзүндө коронавируска каршы эмдөө башталып, учурда чет элдиктер Кыргызстанга вакцина алгандыгы тууралуу сертификат менен кирсек болобу деп кызыгып жатышат. Андыктан эрежелерди бир аз өзгөртүп, электрондук сертификат киргизгени жатабыз. Ал аркылуу адамдын эмделгени тууралуу маалымат алсак болот", — деди Кенжематова.

Визасыз режим

Тышкы иштер министрлиги туризм тармагын өнүктүрүү үчүн Кыргызстанга тогуз өлкөнүн жарандарын 60 күнгө чейин визасыз режим менен киргизүүнү демилгелеп, документ парламентте биринчи окууда каралды.

Бүгүнкү күндө Кыргызстанга 53 өлкөнүн жарандары визасыз кире алса, эми бул тизмеге Албания, Болгария, Вьетнам, Израиль, Кипр, Македония, Румыния, Таиланд жана Мексиканы кошуу сунушталууда.

Автоунааларга уруксат берүү

Туризм департаментинен билдиришкендей, учурда Кыргызстанга автоунаа менен 33 өлкөнүн жарандары кире алат. Калгандары чек араны учак менен гана басып өтүшү керек. Ошол себептүү бул тизмени дагы кеңейтүү маселеси каралып жатат.

"Өзбекстан, Казакстан, Тажикстан мамлекеттеринде алыскы чет өлкөлөрдөн, анын ичинен Европадан келген туристтер көп. Изилдеп көрсөк, алар Борбордук Азияга келген соң бир эле өлкө менен чектелбей бир нечесин кыдыргысы келет экен. Арасында Кыргызстанга келүүнү каалагандар көп. Бирок ушу турган жерден автоунаа менен кире албай жатышат", — деди департамент өкүлү Кенжематова.

Аба каттамдары

Туризмди илгерилеттүү үчүн Тамчы айылындагы "Ысык-Көл" эл аралык аэропортуна аптасына бир иреттен Россиянын Ростов-на-Дону, Санкт-Петербург, Москва, Екатеринбург, Уфа жана Новосибирск шаарларынан чартердик каттамдар жасалууда.

Күндүзгү стационардагы медицина кызматкери. Архив
© Фото / пресс-служба правительства / Алишер Алиев
Туризм департаментинен башка өлкөлөр менен байланышты күчөтүү үчүн Jazeera Airways, Wizz Air жана TMG авиакомпаниялары менен сүйлөшүүлөр жүргүзүлгөнүн айтышты.

"Бардыгы Кыргызстанга каттоого даяр, болгону дүйнөдөгү эпидемиологиялык абал тоскоолдук жаратууда. Jazeera Airways компаниясы Эль-Кувейт — Бишкек — Эль-Кувейт каттамын,  Wizz Air авиакомпаниясы Бишкек —  Будапешт —  Бишкек, Бишкек — Абу-Даби — Будапешт — Бишкек каттамдарын аткарууга, TMG компаниясы Түштүк Кореядан туристтерди алып келүүгө макул болгон", — деди департамент жетекчисинин орун басары.

Чет элдиктер Кыргызстанга келүүнү каалайбы?

Кыргыз туроператорлор ассоциациясы Кыргызстанга алыскы чет өлкөлөрдөн туристтерди тартуу менен алектенет. Анын аткаруучу директору Нурбек Сапаровдун айтымында, чет элдиктер Кыргызстанга келүүдөн чочулап турушат.

Директор Кыргызской ассоциации туроператоров Нурбек Сапаров на брифинге в мультимедийном пресс-центре Sputnik Кыргызстан.
© Sputnik / Асель Сыдыкова
Кыргыз туроператорлор ассоциациясы директору Нурбек Сапаров
"Былтыркыга салыштырмалуу бир аз бар. Ишкерлер бир айда бир группа болсо, ошого ыраазы болуп жатышат. Көпчүлүк чет элдиктер алдын ала жолдомо алганга батынбай турушат. Бүгүн алып алса, эртең чек араны жаап койсо кандай болот деген маселе баарын түйшөлтүүдө", — деди Сапаров.

Ал эми Чолпон-Ата шаарында жайгашкан "Көгүлтүр Ысык-Көл" санаторийине эс алуучулардын басымдуу бөлүгү коңшу өлкөлөрдөн жана Россиядан келишет. Мекеменин директору Лира Батырбекова кыш айларында туристтер көп болгону менен март, апрель айында эл азайып калганын айтат.

Президент Ассоциации курортов Кыргызстана Лира Батырбекова
© Фото / пресс-служба правительства КР
"Көгүлтүр Ысык-Көл" санаторийдин директору Лира Батырбекова
"Орозо айына байланыштуубу же эпидемиологиялык абал таасир этип жатабы, айтор, азыр коноктор азайып калды. Биздин кардарларыбыздын негизги бөлүгү болуп эсептелген россиялыктар дагы кызыгып сурап, бирок ошол бойдон эле токтоп калып жатышат. Жакында Екатеринбургда өткөн туристтик жарманкеге биздин өкүл барып келди. Кызыккандар абдан көп. Анткен менен эпидемиологиялык абал көкөйдү кесип турат", — деди директор.

Буга чейин өкмөттөн мурдагыдай катаал чектөөлөр азырынча киргизилбесин, бирок коомдук жайларда, эл көп топтолгон жерлерде санитардык-эпидемиологиялык коопсуздук нормалары күчөтүлөрүн айтып келишкен.

Анткен менен 22-апрель күнү Саламаттык сактоо жана социалдык өнүктүрүү министрлиги Кыргызстанда коронавирустун төрт — "британиялык", "түштүк африкалык", "индиялык" жана "россиялык" штаммы аныкталганын билдирди.

Белгилер:
коронавирус, алгоритм, каттам, аракет, пандемия, туризм, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Кыргызстандын өкүлдөрү Екатеринбургдагы туристтик көргөзмөгө катышты
Айла кеткенде... Европадагы өлкө ар бир туристке 200 евро төлөп берүүгө даяр
Wildberries онлайн платформасынын дүкөнү. Архив

Жергиликтүү бизнес Wildberries онлайн платформасына кирет

(жаңыланган 15:46 22.04.2021)
Учурда жиберилген товардын кайда экендигин аныктоого мүмкүнчүлүк бере турган айырмалоочу белгилерди (штрих-код) тесттен өткөрүү жана бекитүү иштери жүрүп жатат.

БИШКЕК, 22-апр. — Sputnik. Жакынкы аралыкта жергиликтүү ишкерлер өзүнүн продукциясын Wildberries онлайн платформасына чыгара алышат. Бул тууралуу "Кыргыз почтасы" ишканасынан билдиришти.

Аталган ишкана ата мекендик бизнести логистика жана товарларды маркалоо боюнча иш алып барат.

Учурда жиберилген товардын кайда экендигин аныктоого мүмкүнчүлүк бере турган нерселерди — айырмалоочу белгилерди (штрих-код) тесттен өткөрүү жана бекитүү иштери жүрүп жатат.

Мындан сырткары, "Кыргыз почтасы" аталган процесс ишке киргенден кийин Кыргызстандагы бардык окуу борборлорунда Wildberries онлайн платформасы менен тааныштырган курстарды уюштурууга даяр. Аталган окуу борборлору Ош жана Жалал-Абад облустарында, Бишкек шаарында жайгашкан.

Жакынкы күндөрү "Кыргыз почтасы" Wildberries онлайн платформасына жергиликтүү бизнестин киришин камсыздаган долбоордун башталышы жана маалымдоо курстарынын графиги боюнча кошумча билдирмекчи.

Эске салсак, 2021-жылдын январынан тарта өлкөдөгү бизнес климатты жакшыртуу жана жергиликтүү ишкерлерге жардам берүү максатында "Кыргыз почтасы" "Россия почтасы" менен биргеликте Wildberries кызматын кошуп, аталган платформага жеткиликтүүлүктү камсыздоо иштерин жасап келе жатат.

Белгилер:
онлайн платформа, Wildberries, бизнес, ишкер, Кыргызстан
Тема боюнча
Ысык-Көлгө туристтик комплекс куруу пландалууда. ЕАЭБдин бизнес-долбоору
Насыя картасы же "кредитканын" эмне пайдасы бар? Кыргызстандагы банктардын шарты
Борбор калаада Улуу Жеңиштин 76 жылдыгына карата бак отургузуу салтанаты болду. Бул тууралуу Евразиялыктар – жаңы толкун фондунан билдиришти

Жеңиштин 76 жылдыгына карата бак отургузулду. Бишкектеги сүрөттөр

(жаңыланган 17:52 22.04.2021)
Көчөттөр 28 панфиловчунун өлбөс-өспөс эрдигин эскерип отургузулган. Бул "Эскерүү багы" деп аталган эл аралык акциянын алкагында жасалды.

БИШКЕК, 22-апр. — Sputnik. Борбор калаада Улуу Жеңиштин 76 жылдыгына карата бак отургузуу салтанаты болду. Бул тууралуу "Евразиялыктар – жаңы толкун" фондунан билдиришти.

  • Торжественная церемония посадки деревьев, приуроченная к 76-й годовщине Победы в Великой Отечественной войне в Бишкеке
    Борбор калаада Улуу Жеңиштин 76 жылдыгына карата бак отургузуу салтанаты болду. Бул тууралуу "Евразиялыктар – жаңы толкун" фондунан билдиришти
    © Фото / пресс-служба фонда "ЕНВ"
  • Торжественная церемония посадки деревьев, приуроченная к 76-й годовщине Победы в Великой Отечественной войне в Бишкеке
    Аталган иш-чараны уюштуруучулардын курамына Коргоо министрлиги жана Бишкек мэриясы да кирген
    © Фото / пресс-служба фонда "ЕНВ"
  • Торжественная церемония посадки деревьев, приуроченная к 76-й годовщине Победы в Великой Отечественной войне в Бишкеке
    Салтанатка Кыргызстандын мамлекеттик органдарынын, Россиянын Кыргызстандагы элчилигинин, "Кант" аба базасынын, Ленинград блокадачыларынын өкүлдөрү, алардан сырткары, борбордук жогорку окуу жайларынын мугалимдери менен студенттери катышты
    © Фото / пресс-служба фонда "ЕНВ"
  • Торжественная церемония посадки деревьев, приуроченная к 76-й годовщине Победы в Великой Отечественной войне в Бишкеке
    Эл аралык "Эскерүү багы" акциясы 2020-жылы башталган. Анын уюштуруучусу "Жеңиштин ыктыярчылары" деп аталган бүткүл россиялык кыймыл.
    © Фото / пресс-служба фонда "ЕНВ"
  • Торжественная церемония посадки деревьев, приуроченная к 76-й годовщине Победы в Великой Отечественной войне в Бишкеке
    Быйыл аталган акция эл аралык мүнөзгө өтүп, ал Кыргызстанга да келди.
    © Фото / пресс-служба фонда "ЕНВ"
1 / 5
© Фото / пресс-служба фонда "ЕНВ"
Борбор калаада Улуу Жеңиштин 76 жылдыгына карата бак отургузуу салтанаты болду. Бул тууралуу "Евразиялыктар – жаңы толкун" фондунан билдиришти

Аталган иш-чараны уюштуруучулардын курамына Коргоо министрлиги жана Бишкек мэриясы да кирген.

"Жалпысынан 76 көчөт отургузулса, анын 28и атактуу панфиловчулардын элесине арналды. Бул "Эскерүү багы" деп аталган эл аралык акциянын алкагында жасалды", — деп айтылган маалыматта.

Салтанатка Кыргызстандын мамлекеттик органдарынын, Россиянын Кыргызстандагы элчилигинин, "Кант" аба базасынын, Ленинград блокадачыларынын өкүлдөрү, алардан сырткары, борбордук жогорку окуу жайларынын мугалимдери менен студенттери катышты.

Эл аралык "Эскерүү багы" акциясы 2020-жылы башталган. Анын уюштуруучусу "Жеңиштин ыктыярчылары" деп аталган бүткүл россиялык кыймыл. Былтыр үч айда (март-июнь) Россиянын аймагы боюнча 27 миллион көчөт отургузулган. Быйыл аталган акция эл аралык мүнөзгө өтүп, ал Кыргызстанга да келди.

Белгилер:
көчөт, эскерүү, баатыр, Улуу Ата Мекендик согуш, Россия, Кыргызстан
Тема боюнча
Бишкекте "Эскерүү багы" акциясы өттү. Кызыл-Аскерден тартылган сүрөттөр