2019-жылы мамлекеттик карызды төлөөгө 28 млрд. сом кетет. Үрөй учурган график

© Sputnik / Наталья Селиверстова / Медиабанкка өтүүДоллары США
Доллары США - Sputnik Кыргызстан
Жазылуу
Кыргызстандын мамлекеттик карызынын көлөмү 300 миллиард сомдон ашат.

БИШКЕК, 28-дек. — Sputnik. Жаңырган жылда мамлекеттик карызды төлөөгө 28 миллиард 327 миллион сом бөлүү пландалып жатат. Бул тууралуу 2019-жылдын бюджети жана 2020-2021-жылдарга карата жасалган бюджеттин божомолунда белгиленген.

Бул сумма казынанын киреше бөлүгүнүн бештен бирин түзөт. Белгилей кетсек, 2019-жылы мамлекеттин киреше бөлүгү 151 миллиард сом болоору айтылууда.

Башкы финансылык документке мамлекет башчысы Сооронбай Жээнбеков кол койду.

Доллары США. - Sputnik Кыргызстан
Ноябрда тышкы карыз жана башка чыгымга корогон акчанын көлөмү айтылды
Мамлекеттик карызды төлөө жылдан-жылга өсүп жатат. Былтыр ал 20,6 миллиард сом болсо, 2021-жылы 36,5 миллиард сом карыздарды төлөөгө жумшалат.

Мамлекеттик карыз эки бөлүктөн турат. Алар: тышкы жана ички карыздар.

2018-жылдын октябрь айынын аягына алынган маалымат боюнча мамлекеттик карыз 308,5 миллиард сом же 4,4 миллиард долларды түзөт. Анын басымдуу бөлүгү тышкы карызга туура келет.

Жаңылыктар түрмөгү
0